agriculture news in marathi, Gramdavit Siddheshwar Yatra start from Friday | Agrowon

ग्रामदैवत सिद्धेश्‍वर यात्रेला शुक्रवारपासून प्रारंभ
टीम अॅग्रोवन
बुधवार, 10 जानेवारी 2018

सोलापूर  : ग्रामदैवत श्री सिद्धेश्‍वर यात्रेतील मुख्य धार्मिक विधींना शुक्रवारी (ता. १२) ६८ लिंगांना तैलाभिषेक (यण्णीमज्जन) करून सुरवात होणार आहे, अशी माहिती श्री सिद्धेश्‍वर देवस्थान पंचकमिटीचे अध्यक्ष धर्मराज काडादी यांनी मंगळवारी (ता.९) पत्रकार परिषदेत दिली. यंदाही यात्रेत येणाऱ्या भाविकांसाठी एक कोटी रुपयांचा अपघाती विमा उतरविण्यात आल्याचे त्यांनी सांगितले.

सोलापूर  : ग्रामदैवत श्री सिद्धेश्‍वर यात्रेतील मुख्य धार्मिक विधींना शुक्रवारी (ता. १२) ६८ लिंगांना तैलाभिषेक (यण्णीमज्जन) करून सुरवात होणार आहे, अशी माहिती श्री सिद्धेश्‍वर देवस्थान पंचकमिटीचे अध्यक्ष धर्मराज काडादी यांनी मंगळवारी (ता.९) पत्रकार परिषदेत दिली. यंदाही यात्रेत येणाऱ्या भाविकांसाठी एक कोटी रुपयांचा अपघाती विमा उतरविण्यात आल्याचे त्यांनी सांगितले.

होम मैदानावरील यात्रेत २१० स्टॉल असणार आहेत. खेळणी आणि खाद्य पदार्थांच्या स्टॉलसोबतच यंदा डिस्ने लॅण्ड हे आकर्षण ठरणार आहे. युनायटेड इन्शुरन्स कंपनीकडून १० ते ३१ जानेवारी कालावधीसाठी संमती कट्टा, होम मैदान, सिद्धेश्‍वर मंदिर, पंचकट्टा या परिसरासाठी एक कोटी रुपयांचा अपघाती विमा उतरविण्यात आला आहे. आकाशवाणीसह विविध वाहिन्यांवरून यात्रेतील अक्षता सोहळ्याचे थेट प्रक्षेपण होईल.

शुक्रवारी (ता. १२) सकाळी आठ वाजता परंपरेप्रमाणे श्री मल्लिकार्जुन मठाजवळील हिरेहब्बू मठातून श्री सिद्धरामेश्‍वरांच्या योगदंडाचे प्रतीक असलेल्या नंदिध्वजांची आणि पालखीची मिरवणूक सुरू होईल. ही मिरवणूक नियोजित मार्गाने श्री सिद्धेश्‍वर मंदिरात जाईल. तेथून दुपारी एक वाजता पुन्हा मिरवणूक सुरू होऊन ६८ लिंगांना तैलाभिषेक करून रात्री आठ वाजता हिरेहब्बू मठात येईल. शनिवारी (ता.१३) अक्षता सोहळा संमती कट्ट्यावर होणार आहे. तत्पूर्वी सकाळी सात वाजता हिरेहब्बू वाड्यातून नंदीध्वज मिरवणुकीस प्रारंभ होऊन दुपारी एक वाजता ही मिरवणूक श्री सिद्धेश्‍वर मंदिरात येईल.

यानंतर अक्षता सोहळा होईल. या सोहळ्यानंतर ६८ लिंगांना तैलाभिषेक करण्यासाठी नंदीध्वज मिरवणुकीने मार्गस्थ होतील. रविवारी (ता. १४) सायंकाळी पाच वाजता हिरेहब्बू वाड्यातून होमप्रदीपन सोहळ्यासाठी नंदिध्वजांची मिरवणूक सुरू होईल. रात्री १० वाजता होम मैदानावरील होम कुंडाजवळ पोचतील. सोमवारी (ता. १५) होम मैदानावर यात्रेत रात्री आठ वाजता शोभेचे दारूकाम होणार आहे. यानंतर रात्री ११ वाजता श्री सिद्धरामेश्‍वर मंदिराभोवती प्रदक्षिणा घालून त्या दिवसाच्या धार्मिक विधींची सांगता होणार आहे.
 

पशु आणि कृषिप्रदर्शन
यात्रेनिमित्त विजापूर रस्त्यावरील श्री रेवणसिद्धेश्‍वर मंदिर परिसरात पशू प्रदर्शनाचे आयोजन करण्यात आले आहे. त्याशिवाय शेतकऱ्यांसाठी स्वस्तामध्ये भाजी-भाकरी उपलब्ध केली आहे. १२ ते १६ जानेवारी या कालावधीत यात्रेत होम मैदानावर कृषी प्रदर्शन भरणार आहे. या निमित्ताने कृषी तज्ज्ञांचे मार्गदर्शनही होणार आहे. २०० स्टॉल्स यामध्ये आहेत. शेतीविषयक विविध तंत्रज्ञान आणि नवनवीन महिती याठिकाणी शेतकऱ्यांना मिळणार आहे.

 

होम मैदानावरील आपत्कालीन रस्त्याचा विषय न्यायालयीन प्रक्रियेत आहे. सुवर्ण सिद्धेश्‍वर मंदिरासाठी ४ कोटी ९० लाख रुपये, ४५० किलो चांदी, ९५० ग्रॅम सोने भाविकांकडून आले आहे. मंदिरासमोरील सभामंडपाचे काम चालू आहे. सभामंडपाखाली ध्यान मंदिर बांधण्यात येत आहे. होम मैदानावरील धुळीवर नियंत्रण ठेवण्यासाठी दररोज पाण्याचा सडा मारण्यात येईल.

- धर्मराज काडादी, अध्यक्ष, सिद्धेश्‍वर देवस्थान पंचकमिटी

 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...