agriculture news in marathi, grapes crop damage due to rain, sangli, maharashtra | Agrowon

सांगली जिल्ह्यात गारपीटीसह पावसामुळे द्राक्ष बागांचे नुकसान
टीम अॅग्रोवन
गुरुवार, 17 मे 2018
मंगळवारी झालेल्या वादळी वाऱ्यासह गारपिटीने द्राक्षबागेचे मोठे नुकसान झाले आहे. यामुळे मोठा आर्थिक फटका बसला आहे.
- सुभाष आर्वे, अध्यक्ष, राज्य द्राक्ष बागायतदार संघ.
सांगली  ः सांगली जिल्ह्यातील काही भागांत मंगळवारी (ता. १५) रात्री वादळी वाऱ्यासह जोरदार पावसाने हजेरी लावली. तासगाव तालुक्‍यातील येळावी, तुरची, निमणी, बुरुंगवाडी, जुळेवाडी, यासह पलूस तालुक्‍यातील काही भागांत सुमारे अर्धा तास गारपीट झाली. यामुळे या सर्व भागांतील दोन ते सव्वादोन हजार एकर क्षेत्रावरील द्राक्ष बागांचे मोठ्या प्रमाणात नुकसान झाले. दरम्यान, जिल्ह्यातील तासगाव व सांगली शहरात बुधवारी (ता. १६) दुपारी अडीच वाजेदरम्यान वादळी वाऱ्यांसह पावसाने हजेरी लावली.
 
जिल्ह्यातील तासगाव आणि पलूस तालुक्‍यात मंगळवारी सायंकाळी वादळी वाऱ्यासह पाऊस सुरू झाला. त्यानंतर अचानक गारपीट सुरू झाली. त्यानंतर सुमारे दोन तास पाऊस सुरू होता. द्राक्षाची खरड छाटणी झाली असून, फुटवे चांगले फुटले होते. काड्या परिपक्व झाल्या होत्या. गाटपीट झाल्याने काड्या तुटून जमिनीवर पडल्या होत्या.
 
तासगाव आणि पलूस तालुक्‍यातील सुमारे दोन ते सव्वादोन हजार एकर क्षेत्रावरील द्राक्ष बागा बाधित झाल्या आहेत. द्राक्षाची परत छाटणी घ्यावी लागेल अशी चर्चा शेतकऱ्यांमध्ये सुरू होती. मात्र, परत छाटणी घ्यायची झाली तर त्यासाठी उष्णता लागते. पुढे पावसाळा आला असल्याने परत छाटणी घेणे शक्‍य नाही. त्यामुळे भविष्यात उत्पादन मिळेल याची शाश्‍वती नाही.
 
गारपीट झाली असल्याची माहिती मिळताच राज्य द्राक्ष बागायदार संघाचे अध्यक्ष सुभाष आर्वे यांच्यासह पदाधिकाऱ्यांनी गावोगावी जाऊन पाहणी केली. यामध्ये किती क्षेत्र बाधित झाले आहे, याची माहिती संकलन करणे सुरू आहे.

तासगाव तालुक्‍यात गारपिटीने द्राक्ष बागांचे मोठ्या प्रमाणात नुकसान झाले आहे. त्यामुळे याचे पंचनामे करावेत, अशी मागणी शेतकरी करू लागले आहेत. मात्र, गारपीट झाल्याची माहिती कृषी विभागाला कशी मिळाली नाही, असा प्रश्‍न शेतकरी उपस्थित करू लागले आहेत. माहिती जरी मिळाली असली तरी कृषी विभागाचे अधिकारी नुकसान झालेल्या द्राक्ष बागांची पाहणी करण्यासाठी आलेच नाहीत, अशी चर्चा शेतकऱ्यांमध्ये सुरू होती.

इतर ताज्या घडामोडी
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
कोवळ्या ज्वारीच्या विषबाधेपासून जनावरे...कोवळ्या ज्वारीची पाने अधिक प्रमाणात खाल्ल्याने...
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
अकोल्यात सोयाबीन सरासरी ३५९० रुपये...अकोला ः हंगामाच्या तोंडावर पैशांची तजवीज...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...
आकड्यांचा खेळ आणि पोकळ घोषणा : शेतकरी...पुणे ः राज्य अर्थसंकल्पात शेतकऱ्यांची निराशा झाली...
राज्यावर पावणेपाच लाख कोटींचे कर्जमुंबई  : मुख्यमंत्री देवेंद्र फडणवीस यांच्या...
अर्थसंकल्पावेळी विरोधकांचा सभात्यागमुंबई : अर्थसंकल्प विधिमंडळात सादर...
संत श्री निवृत्तिनाथ महाराज यांच्या...नाशिक  : आषाढी एकादशी वारीसाठी संत श्री...
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...