निफाड तालुक्यात द्राक्षबागांच्या संगोपनासाठी कसरत सुरू 

द्राक्षबागांच्या संगोपनासाठी शेतकऱ्यांची कसरत सुरु आहे
द्राक्षबागांच्या संगोपनासाठी शेतकऱ्यांची कसरत सुरु आहे

नाशिक  : निफाड तालुक्यातील द्राक्षबागांमध्ये खरड छाटण्यांची लगबग अंतिम टप्प्यात आहे. मात्र, विहिरी, बोअरवेलने तळ गाठल्यामुळे द्राक्षबागांच्या संगोपनासाठी मल्चिंग अन् ठिबक सिंचनाचा आधार द्राक्ष बागायतदारांना घ्यावा लागत आहे.  

तालुक्यातील उगांव, वनसगाव, खडकमाळेगाव, शिवडी, नांदुर्डी, रानवड, सारोळे, सोनेवाडी, थेटाळे, पिंपळगाव बसवंत, निफाड, चांदोरी, सायखेडा, लासलगाव, देवगाव, नांदुरमध्यमेश्वर, करंजगाव आदी भागांत द्राक्षबागांचे मोठे क्षेत्र आहे. द्राक्षमाल काढणीनंतर जवळपास सर्वत्रच खरड छाटण्यांचा अंतिम टप्पा सुरू आहे. द्राक्षबागांच्या खरड छाटणीनंतर निघणाऱ्या पालवीतूनच पुढील हंगामाच्या उत्पादनाची बिजे रोवली जातात. त्यामुळे छाटणी झालेल्या द्राक्षबागांचे संगोपन करण्यात द्राक्ष बागायतदार व्यस्त आहेत.

द्राक्षबागेच्या खरड छाटणीनंतर चांगला फुटवा निघावा; याकरिता मुबलक पाणी देणे अपरिहार्य असते. मात्र, परिसरातील विहिरी, बोअरवेलने महिनाभरापूर्वीच तळ गाठला आहे. त्यामुळे उपलब्ध पाण्यावर ठिबकच्या आधारे जेमतेम पाणी द्यावे लागत आहे. त्यातच उन्हाच्या वाढत्या तीव्रतेमुळे द्राक्षवेलीच्या बुडाजवळ मुळ्यांना ओलावा टिकवून राहू शकत नाही म्हणून द्राक्ष उत्पादकांनी ऊस, मक्याचे पाचट, भुसा, पाला बाडदान आदींचे मल्चिंग करून ठेवत द्राक्षवेल जगविण्याची धडपड सुरू आहे. द्राक्षवेलीच्या खरड छाटणीनंतर निघालेल्या पालवीतून तयार होणारी काडी भक्कम व परिपक्व होण्यासाठी सपकेन, शेंडाबाळी, फेलफुट अशी कामे केली जात आहेत. तसेच द्राक्षवेलीच्या कोवळ्या फुटीवर फवारणीदेखील केली जात आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com