होळीमुळे द्राक्ष काढणी मंदावली

द्राक्ष
द्राक्ष

नाशिक : द्राक्षपट्ट्यात द्राक्ष काढणीसाठी आदिवासी भागातून मोठ्या प्रमाणावर मनुष्यबळ उपलब्ध होत असते. मात्र होळीच्या सणासाठी मजूर गावाकडे जात असल्याने काढणीचे काम मंदावले आहे. त्यातच सणामुळे देशांतर्गत असलेली द्राक्षाच्या मागणी व दरात वाढ झाली आहे. उत्तर भारतातील बाजारपेठेत द्राक्षांचा उठाव वाढला आहे. सध्या बांगलादेश देशमध्ये आवक वाढली आहे, तर युरोप व रशियातील निर्यात स्थिर आहे.  देशांतर्गत बाजारपेठेत द्राक्षांच्या आवकेत सध्या काही प्रमाणात घट झाली आहे. वाढत्या उन्हाळ्याबरोबरच गोड, रसाळ द्राक्षांना मागणी वाढली. रंगीत वाणांमध्ये शरद सीडलेस, नानासाहेब पर्पल, जम्बो सीडलेस या वाणांची द्राक्षे ९० टक्के आटोपली असून, केवळ १० टक्केच माल शिल्लक आहे. रंगीत वाणांची आवक कमी झाल्याने मागणी वाढली आहे. त्यास चांगला बाजारभाव आहे. टणकपणा आणि चवीमुळे रंगीत द्राक्षांना देशांतर्गत बाजारपेठेत चांगले दर मिळत आहेत. गत सप्ताहात जम्बो सीडलेस, नानासाहेब पर्पल या वाणांचे दर ९० रुपयांपर्यंत पोचले आहे. फेब्रुवारी महिन्यात द्राक्षांना थंडीचा फटका बसला होता. द्राक्ष फुगवणीसाठी व साखर उतरण्यास यंदा १५ दिवस उशीर झाल्याने योग्य वेळी हे वाण बाजारात येऊ शकले नाही. येत्या काळात वाढत्या उन्हामुळे मागणी व दरात वाढ होण्याची चिन्हे आहेत.  मागील वर्षाच्या तुलनेत चालू वर्षी द्राक्ष उत्पादनात वाढ झाल्याने बाजारभाव स्थिर होते. मात्र उत्तर भारतातील ओसरलेली थंडी यामुळे मागणीत वाढ झाल्याने व्यापारी द्राक्ष उत्पादकांकडे मालाची मागणी करीत आहेत. अशा परिस्थितीत होळीच्या सणामुळे मजुरांनी दांडी मारल्याने मालाच्या पुरवठ्यात अडचण येणार आहे. साधारणपणे स्थानिक बाजारपेठेत ५ ते १० रुपयांनी बाजारभाव वाढले आहेत. अावक मंदावल्यामुळे व मजूरटंचाईमुळे बाजारभाव उसळण्याची शक्यता आहे, असे जाणकारांनी सांगितले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com