रस, मनुक्यासाठी द्राक्षाचे नवे वाण

पुणे : येथील आघारकर संशोधन संस्थेने बाजारपेठेची गरज लक्षात घेऊन रस आणि मनुकानिर्मितीसाठी ‘एआरआय-५१६’ ही नवी जात विकसित केली आहे. सध्या देशभरातील सात संशोधन केंद्रांवर या जातीचा इतर पाच रसांच्या द्राक्ष जातींच्या बरोबरीने तुलनात्मक अभ्यास सुरू आहे. राज्यातील द्राक्ष बागायतदारांकडेही या जातीच्या चाचण्या सुरू आहेत. पुढील वर्षी ही जात लागवडीसाठी उपलब्ध होईल, असे संस्थेतील तज्ज्ञांनी सांगितले. द्राक्ष जातीच्या संशोधनाबाबत आघारकर संशोधन संस्थेच्या अनुवंशिकी व वनस्पती पैदास विभागातील तज्ज्ञ डॉ. सुजाता तेताली म्हणाल्या, की सन १९७१ पासून द्राक्षाच्या नवीन जातीच्या विकासाबाबत संशोधन सुरू आहे. आम्ही बाजारपेठेची गरज लक्षात घेऊन रस आणि मनुकानिर्मितीला उपयुक्त ठरणारी ‘एआरआय-५१६’ ही द्राक्ष जात विकसित केली. कटावबा आणि ब्यूटी सिडलेस या जातींच्या संकरातून ही जात विकसित करण्यात आली आहे. द्राक्ष मणी निळसर काळ्या रंगाचे आहेत. रस आणि मनुक्याला वैशिष्ट्यपूर्ण रंग आणि स्वाद असल्यामुळे बाजारपेठेत निश्चितपणे मागणी मिळेल. आम्ही या जातीतून येत्या काळात बिनबियाची जात विकसित करत आहोत. अजून किमान ३ ते ४ जाती येत्या काळात शेतकऱ्यांना आम्ही उपलब्ध करून देत आहोत. या संशोधनासाठी संस्थेतील एस. पी. करकमकर, एस. व्ही. फाळके यांचे सहकार्य लाभले आहे.  एआरआय-५१६ जातीची वैशिष्टे 

औषधी गुणधर्म