कोल्हापुरात हिरवी मिरची, मटार वधारले

कोल्हापूर : येथील कृषी उत्पन्न बाजार समितीत या सप्ताहात हिरवी मिरची, ढोबळी मिरची, मटारच्या दरात तेजी कायम होती. हिरव्या मिरचीस दहा किलोस १७० ते ३०० रुपये दर होता. हिरव्या मिरचीची दररोज दोनशे ते तीनशे पोती आवक झाली. ढोबळी मिरचीची दररोज दोनशे तीनशे पोती आवक झाली. ढोबळी मिरचीस दहा किलोस १५० ते ३०० रुपये दर मिळाला. मटारची चारशे ते पाचशे पोती आवक होती. ओल्या वटाण्यास दहा किलोस २८० ते ३५० रुपये दर मिळाला.  गेल्या सप्ताहाच्या तुलनेत टोमॅटोची दीड हजार क्रेट आवक होती. टोमॅटोस दहा किलोस  ३० ते ९० रुपये दर होता. कारल्याची चाळीस ते पन्नास पोती आवक झाली. कारल्यास दहा किलोस  २५० ते ३०० रुपये दर होतात. वांग्याच्या आवकेत काहीशी घट झाली. वांग्यास दहा किलोस १६० ते ३०० रुपये दर मिळाला. गाजराची दीडशे पोती आवक झाली. गाजरास दहा किलोस ७० ते २१० रुपये दर मिळाला.  कोथिंबिरीची दररोज दहा ते पंधरा हजार पेंढ्या आवक झाली. कोथिंबिरीस शेकडा १०० ते ५०० रुपये दर मिळाला. कोथिंबिरीची गेल्या काही दिवसांपासून आवक वाढली आहे. यामुळे दरात फारशी तेजी नाही. हीच परिस्थिती मेथीचीही राहिली. मेथीची दररोज पंधरा ते सतरा हजार पेंढ्या आवक होत्या. मेथीस शेकडा  १०० ते ३०० रुपये दर मिळाला. पालक, पोकळा आदी भाज्यांना शेकडा २०० ते ३०० रुपये दर मिळाला.  फळांमध्ये द्राक्षाच्या आवकेत वाढ झाली. द्राक्षास दररोज शंभर ते दीडशे बॉक्‍स आवक झाली. द्राक्षास किलोस १५ ते २५ रुपये दर मिळाला. गेल्या सप्ताहापासन द्राक्षास मिळणारे दर हे स्थिर असल्याचे बाजार समितीच्या सूत्रांनी सांगितले. फळामध्ये सोलापूर भागातून बोरांची दररोज ऐंशी ते शंभर पोती आवक झाली. बोरास किलोस  ५ ते १५ रुपये दर मिळाला. पुणे भागातून अंजिराचे  पंचवीस बॉक्‍स आवक झाले. अंजिरास किलोस ५० ते ७० रुपये दर होता.