हिरव्या मिरचीच्या दरात जळगावात सुधारणा

हिरवी मिरची
हिरवी मिरची

जळगाव ः येथील कृषी उत्पन्न बाजार समितीमध्ये हिरव्या मिरचीच्या आवकेत गत सप्ताहात घट होऊन दरात क्विंटलमागे सुमारे ५०० रुपयांनी वाढ झाली. आवक दिवसाला २१ क्विंटल राहिली. मागील पंधरवड्यात हिरव्या मिरचीची आवक प्रतिदिन ४० क्विंटलपर्यंत होती. गत सप्ताहाच्या सुरवातीलाच आवकेत घट व्हायला सुरवात झाली. आवक कमी झाल्याने दरात क्विंटलमागे ५०० रुपयांनी वाढ झाली. दर १५०० ते ३००० व सरासरी २२०० रुपये प्रतिक्विंटलपर्यंत मिळाले.   मेथीची आवक प्रतिदिन १० क्विंटल राहिली. तिला प्रतिक्विंटल ५०० ते १००० रुपये दर मिळाला. कोथिंबिरीची आवक प्रतिदिन १० क्विंटल राहिली. तिला ८०० ते १५०० रुपये प्रतिक्विंटल दर मिळाला. कांद्याची प्रतिदिन ३०० क्विंटल आवक झाली. त्याला प्रतिक्विंटल १२५० ते ३००० रुपये दर मिळाला. भेंडीची आवक प्रतिदिन १८ क्विंटल राहिली. तिला प्रतिक्विंटल १४०० ते ३००० रुपये दर मिळाला. भेंडीच्या दरातही सुधारणा झाली. टोमॅटोची प्रतिदिन आवक २५ क्विंटल होती. त्याला प्रतिक्विंटल ३५० ते ७०० रुपये दर मिळाला. बटाट्याची प्रतिदिन आवक २०० क्विंटल होती. त्याला प्रतिक्विंटल ४०० ते १००० रुपये दर मिळाला. वांग्यांची प्रतिदिन आवक ३० क्विंटल होती. त्यांना प्रतिक्विंटल ५०० ते ११०० रुपये दर मिळाला. कोबीची आवक प्रतिदिन १५ क्विंटल होती. तिला प्रतिक्विंटल ५०० ते ८०० रुपये दर मिळाला. वाटाण्याची आवक प्रतिदिन २० क्विंटल होती. त्याला प्रतिक्विंटल १२०० ते २००० रुपये दर मिळाला. पालकची आवक प्रतिदिन चार क्विंटल होती. त्याला प्रतिक्विंटल १५०० रुपयांपर्यंत दर होता. गिलक्‍यांची आवक प्रतिदिन अडीच क्विंटल होती. त्यांना प्रतिक्विंटल २००० ते ३००० रुपये दर होता.  सोयाबीन, तुरीच्या दरांचा गोंधळ मात्र कायम होता. सोयाबीन दरात सुधारणा झालेली असली, तरी अधिक दर शेतकऱ्यांना मिळत नव्हते. तर तूर उत्पादकांनाही हमीभावापेक्षा कमीच दर मिळत होते, अशी माहिती शेतकऱ्यांनी दिली. 

केळीचे दर टिकून केळीच्या दरात झालेली वाढ टिकून आहे. कांदेबाग केळीला प्रतिक्विंटल ११२५ रुपये व ऑनचे दरही मिळत आहेत. मागील १० - १२ दिवसांत थंडीचे प्रमाण कमी झाले आहे. त्यामुळे केळी परिपक्व होण्याची प्रक्रिया वाढली असून, पुढील महिन्यात आवक वाढू शकते. बऱ्हाणपूर (मध्य प्रदेश) येथील बाजारातही केळीचे दर १४०० रुपये प्रतिक्विंटलपर्यंत टिकून होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com