कोल्हापुरात हिरवी मिरची तेजीत

  हिरवी मिरची
हिरवी मिरची

कोल्हापूर : येथील बाजारसमितीत या सप्ताहात हिरवी मिरची, ढोबळी मिरची, गवारीचे दर तेजीत राहिले. हिरव्या मिरचीस दहा किलोस १८० ते ३०० ढोबळी मिरचीस दहा किलोस १०० ते २५० तर गवारीस दहा किलोस ३०० ते ३५० रुपये इतका दर मिळाला. ओल्या मिरचीची दोनशे ते तीनशे पोती आवक झाली. ढोबळी मिरचीची दररोज तीनशे ते चारशे पोती आवक झाली. गवारीच्या आवकेत मोठी घट झाली. गवारीची केवळ दहा ते पंधरा पोती इतकीच आवक झाली. भेंडी, वरणा दोडका आदी भाजीपाल्यांचे दर दहा किलोस १०० ते २५० रुपये इतके स्थिर राहिले. गाजरास दहा किलोस १०० ते २२० रुपये दर होता. गेल्या सप्ताहात गाजराची आवक पाचशे ते सातशे पोती इतकी होती. संक्रांतीच्या पार्श्‍वभूमीवर मागणी असल्याने गेल्या आठवड्यात गाजराची आवक जिल्ह्याबरोबरच सांगली जिल्ह्याच्या पश्‍चिम भागातूनही झाली होती. यंदाच्या सप्ताहात ती आवक कमी झाली. या सप्ताहात गाजराची आवक तीनशे पोत्याच्या आसपास होती. शेवगा शेंगेची दररोज पन्नास ते सत्तर पोती आवक होती. शेवगा शेंगेस दहा किलोस ३०० ते ४०० रुपये दर होता. गेल्या सप्ताहाच्या तुलनेत कोथिंबीरीची आवक स्थिर होती. कोथिंबीरीची दररोज पंधरा ते सतरा हजार पेंढ्या इतकी आवक होती. कोथिंबीरीस शेकडा २०० ते ४०० रुपये दर मिळाला. मेथीची पंधरा हजारच्या आसपास आवक राहिली. मेथीस शेकडा २०० ते ४०० रुपये दर होता.  पालक, पोकळा, शेपूस १०० ते २०० रुपये दर मिळाला. सांगली जिल्ह्यातून द्राक्षाची चांगली आवक सुरू झाली आहे. दररोज तीनशे ते चारशे बॉक्‍स द्राक्षे तासगाव भागातून दाखल होत आहे. द्राक्षास किलोस १० ते ३५ रुपये दर मिळत असल्याचे बाजारसमितीच्या सूत्रांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com