औरंगाबाद : येथील कृषी उत्पन्न बाजार समितीमध्ये शनिवारी (ता. २०) हिरव्या मिरचीची १७५ क्विंटल आवक झाली. तिला ४००० ते ४५०० रुपये प्रतिक्विंटलचा दर मिळाल्याची माहिती बाजार समितीच्या सुतूरांनी दिली.
औरंगाबाद बाजार समितीमध्ये शनिवारी कांद्याची ९९९ क्विंटल आवक झाली. त्याला २५० ते ८५० रुपये प्रतिक्विंटलचा दर मिळाला. टोमॅटोची आवक १९० क्विंटल, तर दर ५०० ते १५०० रुपये, वांग्याची ४१ क्विंटल, तर दर ७०० ते १५०० रुपये, गवारीची १२ क्विंटल आवक, तर दर ४००० ते ५००० रुपये, भेंडीची आवक २९ क्विंटल, तर दर १२०० ते ३००० रुपये, मक्याची आवक १२ क्विंटल, तर दर ८०० ते १००० रुपये राहिले. ८३ क्विंटल आवक झालेल्या काकडीचे दर ६०० ते १००० रुपये प्रतिक्विंटल राहिले. १० क्विंटल आवक झालेल्या लिंबांना ३००० ते ५००० रुपये प्रतिक्विंटलचा दर मिळाला. दुधी भोपळ्याची आवक ७ क्विंटल, तर दर ५०० ते १००० रुपये प्रतिक्विंटल राहिला.
पत्ताकोबीची आवक ११० क्विंटल झाली. तिला ८०० ते १००० रुपये प्रतिक्विंटलचा दर मिळाला. फ्लॉवरची आवक ६३ क्विंटल, तर दर २००० ते २४०० रुपये, ढोबळ्या मिरचीची आवक ३५ क्विंटल, तर दर ३००० ते ३५०० रुपये, शेवग्याची आवक ३९ क्विंटल, तर दर १००० ते १५०० रुपये, गाजराची आवक १५ क्विंटल, तर दर ७०० ते १००० रुपये, दिलपसंदची आवक १९ क्विंटल, तर दर १००० ते १५०० रुपये प्रतिक्विंटल राहिले. २० क्विंटल आवक झालेल्या मोसंबीला ३००० ते ५००० रुपये प्रतिक्विंटलचा दर मिळाला. डाळिंबाची आवक १३० क्विंटल, तर दर ३०० ते १५०० रुपये प्रतिक्विंटल राहिले. ३३ क्विंटल आवक झालेल्या द्राक्षाला ३००० ते ४५०० रुपये प्रतिक्विंटलचा दर मिळाला.
अंजिराची आवक ४ क्विंटल, तर दर ६००० ते ६४०० रुपये, आंब्याची ७३ क्विंटल आवक, तर दर ३५०० ते ११००० रुपये, टरबुजाची आवक १२० क्विंटल, तर दर ८०० ते १२०० रुपये, खरबुजाची आवक ११० क्विंटल, तर दर १००० ते २००० रुपये, संत्र्याची आवक १३ क्विंटल, तर दर २५०० ते ५५०० रुपये, पपईचे दर ५०० ते ६०० रुपये प्रतिक्विंटल राहिले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.