सोलापुरात ढोबळी मिरची प्रतिक्विंटल ६५० ते ३००० रुपये

सोलापुरात ढोबळी मिरची प्रतिक्विंटल ६५० ते ३००० रुपये
सोलापुरात ढोबळी मिरची प्रतिक्विंटल ६५० ते ३००० रुपये

सोलापूर ः सोलापूर कृषी उत्पन्न बाजार समितीच्या आवारात शनिवारी (ता. २) ढोबळी मिरचीला किमान ६५० रुपये, सरासरी १५०० रुपये आणि कमाल ३००० रुपये दर मिळाला. ढोबळी मिरचीची १० क्विंटल आवक होती. ढोबळी मिरची, वांगी, कोबीची आवक काहीशी कमीच राहिली, पण मागणी असल्याने त्यांचे दर स्थिर राहिल्याचे सूत्रांकडून सांगण्यात आले.

बाजार समितीच्या आवारात शनिवारी वांग्याची २० ते ३० क्विंटल आवक राहिली. ही सगळी आवक स्थानिक भागातूनच झाली. वांग्याला प्रतिक्विंटलला किमान ४५० रुपये, सरासरी ७०० रुपये आणि कमाल १५०० रुपये दर होता. गेल्या काही दिवसांच्या तुलनेत त्यांची आवक आणि दरही काहीसे स्थिरच आहेत, तर कोबीची २० ते ३५ क्विंटल आवक झाली. कोबीला किमान ६०० रुपये, सरासरी ८०० रुपये आणि सर्वाधिक १२०० रुपये असा दर मिळाला. त्याशिवाय गाजर, काकडीलाही चांगला उठाव मिळाला. 

अलीकडच्या पंधरवड्यात त्यांच्या दरात काहीशी सुधारणा झाल्याचे दिसून येते. शनिवारीही मात्र बऱ्यापैकी दर मिळाला. गाजराला प्रतिक्विंटलला किमान ३०० ते ९०० रुपये आणि काकडीला किमान ६०० ते २५०० रुपये असा दर आहे. गाजराची आवक १५० क्विंटल आणि काकडीची आवक १० ते २० क्विंटलपर्यंत राहिली. 

हिरव्या मिरचीची आवक २० ते ३० क्विंटलपर्यंत झाली. हिरव्या मिरचीला प्रतिक्विंटलला किमान १२०० रुपये, सरासरी २००० रुपये आणि कमाल ३००० रुपये मिळाला. भाजीपाल्यातील चढ-उतार मात्र कायम राहिला. मेथी, कोथिंबिर आणि शेपूची आवक प्रत्येकी १० ते २० हजार पेंढ्यांपर्यंत झाली. मेथीला शंभर पेंढ्यांसाठी ४०० ते ६५० रुपये, कोथिंबिरीला ५०० ते ७०० रुपये आणि शेपूला ४०० ते ५०० रुपये असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com