agriculture news in marathi, Groundwater levels have increased due to water conservation | Agrowon

‘जलयुक्त’मुळे भूजल पातळी वाढली
टीम अॅग्रोवन
बुधवार, 20 जून 2018

ठिबकचा वापर करावा
``जलयुक्त शिवार योजना एक चळवळ बनली आहे. त्यामुळे अनेक गावांना शाश्‍वत पाणी उपलब्ध झाले. हे पाणी टिकून ठेवण्यासाठी माती परीक्षण करूनच योग्य ती पिके घ्यावीत. पाणी जपून वापरणे ही गरज आहे. याची जाणीव आता सर्वसामान्यांना होत आहे. हा पाणीसाठा टिकून ठेवण्यासाठी प्रयत्न केले पाहिजे. ज्या पिकांना जास्त पाणी लागते, अशी पिके घेऊ नयेत. शेतकऱ्यांनी जास्तीत जास्त क्षेत्र ठिबक सिंचनाखाली आणावे.``
- श्‍वेता सिंघल, जिल्हाधिकारी, सातारा.
 

सातारा : राज्य शासनाने जलयुक्त शिवार अभियान राबविल्याने जिल्ह्यात जलचळवळीने जोम धरला आहे. त्यामुळे लोकांमध्ये जलसाक्षरता वाढत आहे. या योजनेतून चार वर्षे काम सुरू असून, टॅंकरची संख्या घटू लागली आहे. लागवडीखालील क्षेत्रही वाढले असून, भूजल पातळी वाढण्यास मदत झाली आहे. जलयुक्त शिवार अभियानांतर्गत २०१५-१६ व २०१६- १७ मध्ये झालेल्या कामांमुळे १७ हजार ४०.२४ टीसीएम इतका पाणीसाठा झाला आहे. विहिरींतील पाणीपातळीत ०.५० ते १.३८ मीटरने वाढ झाली आहे.

‘जलयुक्‍त’मधून २०१५-१६ मध्ये २१५ गावांमध्ये आठ हजार ४१८ कामे झाली. त्यावर १६ हजार ४०२ लाख खर्च झाले. २०१६-१७ मध्ये २१० गावांमधील पाच हजार ६६५ कामांवर १३ हजार ८९१ लाख रक्कम खर्च केली गेली. २०१७-१८ मध्ये २१० गावांमधील दोन हजार ८७५ कामांवर ६२९ लाख खर्च केला गेला आहे.

‘जलयुक्‍त’मधील ८२ गावांना २०१६ मध्ये ६२ टॅंकरद्वारे पाणीपुरवठा करावा लागत होता. त्यात लक्षणीय घट होऊन आता फक्त तीन गावांना टॅंकरद्वारे पाणीपुरवठा करावा लागत आहे. तसेच २०१६-१७ मध्ये २७ गावांना ३० टॅंकरने पाणीपुरवठा केला जात होता. आता केवळ दोन गावांनाच टॅंकरद्वारे पाणीपुरवठा केला जात आहे.

‘जलयुक्त’च्या गावातील १०६ विहिरींचे निरीक्षण केले असता भूजल पातळी ०.५१ ते १.३८ मीटरने वाढली आहे. केवळ ओढाजोड प्रकल्पामुळे १८० हेक्‍टर क्षेत्र सिंचनाखाली आले आहे. ३२ विहिरींना त्याचा लाभ झाला. चांदक-गुळूंब ओढाजोड प्रकल्पामुळे गुळूंबमधील पाणीटंचाई दूर झाली. ओढाजोड प्रकल्पामुळे एक हजार हेक्‍टर क्षेत्र ओलिताखाली आले. आता २०१८-१९ मध्ये जिल्ह्यातील ८८ गावांची निवड केली असून, आराखडे तयार करून कामेही सुरू केली आहेत.

जलयुक्त शिवार अभियानातून खटाव तालुक्‍यातील येरळा, माण तालुक्‍यातील माणगंगा, कोरेगाव तालुक्‍यातील वांगणा, वसना नदी, फलटण तालुक्‍यातील बाणगंगा या नद्यांवरील ब्रिटिश कालीन बंधाऱ्यांची दुरुस्ती तसेच सर्व नद्यांवर नवीन बंधारे बांधण्यात आले आहेत. जास्तीतजास्त पाणीसाठा होण्यासाठी या नद्यांचे खोलीकरण व रुंदीकरण करण्यात आले आहे.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...