agriculture news in marathi, Hailstorm again hits Vidharbha, Marathwada region | Agrowon

बुलडाणा, वाशीम, परभणी उस्मानाबाद, हिंगोलीत गारपीट
टीम अॅग्रोवन
बुधवार, 14 फेब्रुवारी 2018

पुणे : सोमवारी रात्री आणि मंगळवारी मराठवाडा, विदर्भातील काही भागांत गारपिटीने पुन्हा दाणादाण उडविली. वऱ्हाडात दोन दिवसांपूर्वी झालेल्या नुकसानीचा सर्व्हे सुरू असतानाच मंगळवारी (ता. १३) बुलडाणा, वाशीम जिल्ह्यांत तीन तालुक्यांत जोरदार गारपीटीने शेतीचे मोठे नुकसान केले. मराठवाड्यातील परभणी, उस्मानाबाद, हिंगोली जिल्ह्यांतही काही भागांत गारपिटी कहर केला.

पुणे : सोमवारी रात्री आणि मंगळवारी मराठवाडा, विदर्भातील काही भागांत गारपिटीने पुन्हा दाणादाण उडविली. वऱ्हाडात दोन दिवसांपूर्वी झालेल्या नुकसानीचा सर्व्हे सुरू असतानाच मंगळवारी (ता. १३) बुलडाणा, वाशीम जिल्ह्यांत तीन तालुक्यांत जोरदार गारपीटीने शेतीचे मोठे नुकसान केले. मराठवाड्यातील परभणी, उस्मानाबाद, हिंगोली जिल्ह्यांतही काही भागांत गारपिटी कहर केला.

दुसऱ्यांदा गारपीट
दोन दिवसांपूर्वी झालेल्या गारपिटीचा सर्व्हे सुरू झालेला असताना सोमवारी (ता. १३) बुलडाणा, वाशीम जिल्ह्यांत दुपारी जोरदार गारपीट झाली. मेहकर, मालेगाव, रिसोड या तालुक्यांना गारपिटीने झोडपले. या भागात १० अाणि ११ फेब्रुवारीला झालेल्या गारपिटीत अाधीच कोट्यवधींचे नुकसान झाले अाहे. त्यानंतर सोमवारी पुन्हा गारपीट झाली. बुलडाणा जिल्ह्यातील मेहकर तालुक्यात दुपारी चार ते पाच या दरम्यान ठिकठिकाणी गारपीट झाली. तर दुसरीकडे मालेगाव, रिसोड तालुक्यांतही ठिकठिकाणी गारपीट झाली. मेहकर तालुक्यात विश्वी, दुधा परिसरात प्रचंड गारपीट झाली. दुधा येथील शरद देशमुख यांचा तीन एकरांतील बीजोत्पादनाचा कांदा, २० एकरांतील हरभरा, एक एकर टरबूज जमीनदोस्त झाले. 

दोन दिवसांपूर्वी जिल्ह्यात झालेल्या गारपिटीपासून हा भाग वाचला होता. मात्र सोमवारी गारपीट झाल्याने शेतकऱ्यांचे मोठे नुकसान झाले. देऊळगाव माळी, हिवराअाश्रम या परिसरात २०ते २५ मिनिटे पाऊस व सोबतच गारा पडल्या. या भागात हरभऱ्याचे पीक अंतिम टप्प्‍यात अालेले अाहे. मालेगाव, रिसोड तालुक्यांतसुद्धा याचवेळी गारपीट झाली. या दोन्ही तालुक्यांत दोन दिवसांपूर्वी झालेल्या गारपिटीने अतोनात नुकसान केलेले अाहे. त्यानंतर हा दुसऱ्यांदा अाघात झाला.

मराठवाड्यात गारपीट
परभणी जिल्ह्यातील गंगाखेड, सोनपीट आणि पालम तालुक्यांतील काही गावांना मंगळवारी (ता. १३) दुपारी पावणेपाचच्या सुमारास गारपिटीचा तडाखा बसला. गेल्या दोन दिवसांपासून परभणी जिल्ह्यात वादळी वारे, गारपिटीचे सत्र सुरू आहे. दुपारपर्यंत ढगाळ वातावरण राहत आहे. परंतु चार-साडेचारच्या सुमारास वादळी वाऱ्यासह गारपीट सुरू होत आहे. त्यामुळे शेतकऱ्यांची धांदल उडत आहे. मंगळवारी (ता. १३) दुपारी साडेचार पावणेपाचच्या सुमारास गंगाखेड तालुक्यातील गंगाखेड, महातपुरी, मरडसगाव, मसला, मालेवाडी, पडेगाव, राणीसावरगाव, गुंजेगाव, मुळी, नागठाणा, हारंगुळ, वाघलगाव तसेच पालम तालुक्यातील केरवाडी, पालम, बनवस, चाटोरी आदी परिसरांत गारपीट झाली. अवकाळी पावसामुळे काढणीस आलेली ज्वारी, गहू, हरभरा आदी पिकांसह फळबागांचे मोठे नुकसान झाले. सोनपेठ तालुक्यातील वडगांव, उखळी, करम आदि गावशिवारात गारपीट झाली. हिंगोली जिल्ह्यातील कडोळी मध्ये वादळी पाऊस आणि गारांनी गहु, हरबरा पिकांचे प्रचंड नुकसान केले.

उस्मानाबाद जिल्ह्यातील लोहारा व उस्मानाबाद तालुक्‍यांत सोमवारी (ता. १२) रात्री व मंगळवारी (ता. १३) पहाटे झालेल्या अवकाळी पाऊस व गारपिटीने शेतीपिकाचे मोठे नुकसान झाले आहे. उस्मानाबाद जिल्ह्यातील उमरगा तालुक्‍यांतर्गत येत असलेल्या डाळिंब, तुरोरी, बलसूर, उमरगासह जवळपास १५ ते २० गावांत अवकाळी पावसाचा तडाखा बसला. वादळासह आलेल्या या अवकाळी पावसामुळे रब्बी ज्वारी, गव्हाचे पीक झोपले; तर सोंगणी झालेला हरभरा भिजला. लोहारा तालुक्‍यात मंगळवारी (ता. १२) पहाटेच्या सुमारास झालेल्या वादळी वारे व अवकाळी पावसामुळे जवळपास तीस गावांतील रब्बी पिकांचे मोठ्या प्रमाणात नुकसान झाले.

इतर अॅग्रो विशेष
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
उज्ज्वल भविष्याचा सर्वोत्तम मार्ग ‘जल...भारत जलसंकट समस्येचा सामना करत आहे. वाढती...
जल‘मुक्त’ शिवारवॉ टर ग्रीडच्या माध्यमातून मराठवाड्यातील सर्व...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
रसदार उन्हाळी काकडी अर्थकारणाला देतेय...जळगाव जिल्ह्यात पाचोरा, जामनेर, यावल, जळगाव आदी...
बॅंक अधिकारी झाला पूर्णवेळ प्रयोगशील...विशाखापट्टण व त्यानंतर हैद्रराबाद येथे खासगी...
स्मार्ट प्रकल्पाचा केंद्रबिंदू शेतमाल ‘...पुणे : राज्यातील बहुतेक शेतकऱ्यांना आता पिकवायचे...
पूर्व विदर्भात गारपीटपुणे  ः दोन दिवसांपूर्वी मध्य भारतात तयार...
जनावराच्या आहारात पाणी महत्त्वाचेजनावरांचे योग्य पोषण होण्यासाठी तसेच दुग्धोत्पादन...
राज्यात १७८ तालुक्यांत भूजल चिंताजनकपुणे ः कमी झालेला पाऊस, वाढत असलेला पाण्याचा उपसा...
दरामुळे साखरेचा रंग फिकाकोल्हापूर : साखरेचे विक्री मूल्य वाढविल्यानंतरही...
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...