agriculture news in Marathi, hailstorm in west Vidarbha, Maharashtra | Agrowon

पूर्व विदर्भात गारपीट
टीम अॅग्रोवन
शुक्रवार, 22 मार्च 2019

पुणे  ः दोन दिवसांपूर्वी मध्य भारतात तयार झालेल्या वाऱ्याच्या संगमामुळे पूर्व विदर्भातील नागपूर, वर्धा, भंडारा, गोंदिया, यवतमाळ जिल्ह्यांतील अनेक ठिकाणी बुधवारी (ता. २०) सायंकाळी विजांच्या कडकडाटासह अवकाळी पावसाने जोरदार हजेरी लावली. काही ठिकाणी गारपिटीने चांगलाच तडाखा दिला असून वर्धा जिल्ह्यात वीज कोसळ्याने दोघांचा मृत्यू झाला. अवेळी झालेल्या जोराच्या पावसामुळे शेतकऱ्यांची धांदल उडत गहू, हरभरा, वाटाणा, लाखोळी, आंब्याच्या कैऱ्या, संत्रा या पिकांचे मोठे नुकसान झाले.  

पुणे  ः दोन दिवसांपूर्वी मध्य भारतात तयार झालेल्या वाऱ्याच्या संगमामुळे पूर्व विदर्भातील नागपूर, वर्धा, भंडारा, गोंदिया, यवतमाळ जिल्ह्यांतील अनेक ठिकाणी बुधवारी (ता. २०) सायंकाळी विजांच्या कडकडाटासह अवकाळी पावसाने जोरदार हजेरी लावली. काही ठिकाणी गारपिटीने चांगलाच तडाखा दिला असून वर्धा जिल्ह्यात वीज कोसळ्याने दोघांचा मृत्यू झाला. अवेळी झालेल्या जोराच्या पावसामुळे शेतकऱ्यांची धांदल उडत गहू, हरभरा, वाटाणा, लाखोळी, आंब्याच्या कैऱ्या, संत्रा या पिकांचे मोठे नुकसान झाले.  

पूर्व विदर्भात दुपारनंतर वातावरणात अचानक बदल होऊन काही अंशी ढगाळ हवामान झाले. यामुळे अनेक ठिकाणी विजांचा कडकडाटासह अवकाळी पावसाने हजेरील लावली. वर्धा जिल्ह्यातील सेलू तालुक्यात धपकी शिवारात गावातील देंवेद्र कवडू सहारे व सत्तार शेख हे शेळ्या चारण्यासाठी गेले होते. पावसापासून संरक्षण होण्यासाठी झाडाखाली उभे असताना त्याच्यावर वीज कोसळून मृत्यू झाला. तर गिरड परिसरात अवकाळी पाऊस व गारपिटीमुळे गहू पिकांचे मोठे नुकसान झाले.

भंडारा जिल्ह्यातील मोहाडी, मोहगाव, वरठी, लाखनी तसेच जवाहरनगर, गोंदिया जिल्ह्यातील तिरोडा तालुक्यातील मुंडीकोटा, गोंदिया शहर, नागपूर जिल्ह्यामधील सावनेर तालुक्यातील केळवद परिसर, रामटेक, मौदा, पारशिवनी, काटोल तालुक्यांतील अवकाळी पाऊस आणि गारपिटीमुळे शेतकऱ्यांच्या हाताशी आलेला गहू, हरभरा पिकांसह संत्रा उत्पादकांना मोठा फटका बसला आहे. तसेच विविध तालुक्यांत अनेक ठिकाणी रस्त्यावर झाडे कोसळल्याने वाहतुकीस अडथळे आले होते.

काटोल तालुक्यातील संत्रा रोपवाटिकानाही गारपिटीचा मोठा फटका बसला. तर आजनगाव येथे निळकंठ कुकडे यांचे घर वादळी पावसामुळे व गारपिटीने कोसळले. मौदा तालुक्यातील मिरची उत्पादकांनाही गारपिटीचा चांगलाच फटका बसला आहे. होळीच्या दिवशी पाऊस झाल्याने कापणीवर आलेला गहू वादळी पावसाने जमीनदोस्त झाला. त्यामुळे होळी सणावर विरजण पडल्याचे मत शेतकऱ्यांनी व्यक्त केले. 

पावसामुळे हवेत काहीसा गारवा निर्माण झाला असला तरी शेतकऱ्यांच्या चिंतेत भर पडली. गुरुवारी (ता. २१) दिवसभर या भागात काही अंशी ढगाळ हवामान होते. त्यामुळे वातावरणात उकाडा तयार होऊन कमाल तापमानात वाढ झाली होती. गुरुवारी (ता. २१) सकाळी आठ वाजेपर्यंत विदर्भातील अकोला येथे ४०.० अंश सेल्सिअसची सर्वाधिक कमाल तापमानाची नोंद झाली होती. तर अमरावती, बुलढाणा, वाशीम, नागपूर, वर्धा, गडचिरोली, चंद्रपूर, यवतमाळ या भागांतील कमाल तापमान ३४ ते ३९ अंश सेल्‍सिअसच्या दरमान होते. मराठवाडा, मध्य महाराष्ट्र, कोकण या भागांतही वाढलेल्या तापमानामुळे उन्हाच्या झळा चांगल्याच तीव्र झाल्या होत्या.

मध्य महाराष्ट्र, मराठवाड्यात अवकाळीची शक्यता
कर्नाटकाचा उत्तर भाग ते मध्य महाराष्ट्राचा परिसर ते तेलंगण या दरम्यान समुद्रसपाटीपासून सुमारे नऊशे मीटर उंचीवर चक्राकार वाऱ्याची स्थिती तयार झाली आहे. तसेच विदर्भातही कमी दाबाचे क्षेत्र असून त्याची चक्राकार वाऱ्यामध्ये रूपातर होण्याची शक्यता आहे. त्यामुळे येत्या रविवारी, सोमवारी पुन्हा काही अंशी ढगाळ हवामान तयार होऊन मध्य महाराष्ट्र व विदर्भात तुरळक ठिकाणी अवकाळी पावसाचा अंदाज हवामान विभागाच्या सूत्रांनी व्यक्त केला आहे.
       
गुरुवारी (ता. २१) सकाळी साडे आठ वाजेपर्यंतच्या २४ तासांत राज्यातील विविध ठिकाणचे कमाल, कंसात किमान तापमान (अंश सेल्सिअसमध्ये) : पुणे ३७.७ (१५.१), नगर ३९.८ (१५.०), जळगाव ३८.२ (१९.०), कोल्हापूर ३६.६ (१९.८), महाबळेश्‍वर (१६.६), मालेगाव ३९.० (१८.६), नाशिक ३५.० (१५.६),  सांगली ३७.६ (१६.४), सातारा ३७.१ (१७.६), सोलापूर ३९.९ (२१.५), सांताक्रुझ ३१.६ (२०.५), अलिबाग (२०.३), रत्नागिरी ३१.४ (२१.३), डहाणू  (२०.०), औरंगाबाद ३७.४ (१७.६), नांदेड ३९.५, अकोला ४०.० (२२.८), अमरावती ३९.८ (१९.८), बुलडाणा ३६.२ (२१.०),  ब्रह्मपुरी ३६.२ (१९.३), चंद्रपूर ३७.८ (२३.६), गडचिरोली ३४.० (२३.०), गोंदिया ३४.४ (१६.०), नागपूर ३७.१ (२०.२), वर्धा ३७.५ (२०.८), वाशीम ३८.० (२०.०), यवतमाळ ३८.५ (२०.०).

इतर अॅग्रो विशेष
कडवंची : पाणंदमुक्‍त रस्त्यांची...रस्ते, पाणी आणि वीज हे शेतीविकासातील महत्त्वाचे...
कडवंची : घरापुरते दूध अन् शेणखतासाठी...द्राक्षाचे गाव असलेल्या कडवंचीमधील प्रत्येक...
कडवंची : पाणलोटाचं स्वप्न साकारकडवंची गावात जल, मृद संधारण, शेती विकासामध्ये...
कडवंची : लोकसहभाग, पाणी व्यवस्थापन हेच...कडवंची गावात द्राक्षातून समृद्धी दिसत असली तर...
अर्थकारणाला मिळाली बचत गटांची साथशेती आणि ग्रामविकासामध्ये महिलांचा महत्त्वपूर्ण...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : संघर्षातून पेललंय आव्हानकडवंचीमधील महिलांनीदेखील द्राक्ष शेतीमध्ये...
कडवंची मॉडेल : कोरडवाहूसाठी दिशादर्शक...मराठवाड्यात पावसावर आधारित कोरडवाहू शेतीला बळकट...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
कडवंची : पीक बदलाच्या दिशेने; पपई...विहीर, शेततळ्याच्या माध्यमातून पाणी उपलब्ध...
कडवंची : जमीन सुपीकतेसाठी बायोगॅस स्लरी कडवंचीमधील शेतकऱ्यांनी बायोगॅस संयंत्राची उभारणी...
कडवंची : बागेला मिळाली यंत्रांची जोडप्रयोगशील द्राक्ष बागायतदार सुरेश दगडू पाटील...
कडवंची : जल, मृद्संधारणातूनच रुजलं...कडवंची गावातील पाणीटंचाईवर मात करण्यासाठी खरपुडी...
कडवंची : पाणी व्यवस्थापन, नवतंत्रातून...काटेकोर पाणी आणि खतांचा वापर, पीक व्यवस्थापनात...
कडवंची : खरपुडी ‘केव्हीके’चे रोल मॉडेलकडवंची हे कृषी विज्ञान केंद्राचे पहिले दत्तक गाव...
‘वॉटर बजेट’ कडवंचीचे वैशिष्ट्यपाणलोट विकास, पीक बदल, पूरक उद्योगात मनापासून...
विदर्भातील संत्रा पट्ट्यात आंबिया...नागपूर ः विदर्भातील वाढत्या तापमानाचा संत्रा...
एनएचबी ‘एमडी’चा वाद पंतप्रधानांपर्यंतपुणे : देशातील शेतकऱ्यांच्या विरोधात भूमिका घेत...
विदर्भात आज वादळी पावसाची शक्यतापुणे : राज्यातील उन्हाचा चटका पुन्हा वाढू...
कडवंची : ग्रामविकासाचे सूत्र : जल अन्...गाव आणि शेती विकासामध्ये ग्रामपंचायत हा...