agriculture news in Marathi, Hanmantrao gaikwad says degaon food perk inauguration on Thursday, Maharashtra | Agrowon

देगाव फूड पार्कचे गुरुवारी उद्‌घाटन ः हणमंतराव गायकवाड
टीम अॅग्रोवन
शनिवार, 24 फेब्रुवारी 2018

पुणे ः प्रक्रिया उद्याेगांतून राेजगारनिर्मितीसह शेतीमालाला अधिकचा दर देता यावा, या उद्देशाने स्थापन करण्यात आलेल्या देगाव (ता. जि. सातारा) येथील राज्यातील पहिल्या मेगा फूड पार्कचे उद्‌घाटन गुरुवारी (ता. १) केंद्रीय अन्न व प्रक्रिया उद्याेगमंत्री हरसिमरत काैर यांच्या हस्ते, तर मुख्यमंत्री देवेंद्र फडणवीस आणि माजी केंद्रीय कृषिमंत्री शरद पवार यांच्या प्रमुख उपस्थितीत दुपारी अडीच वाजता हाेणार आहे, अशी माहिती फूड पार्क आणि भारत विकास ग्रुपचे अध्यक्ष हणमंतराव गायकवाड यांनी शुक्रवारी (ता. २३) पत्रकार परिषदेमध्ये दिली. 

पुणे ः प्रक्रिया उद्याेगांतून राेजगारनिर्मितीसह शेतीमालाला अधिकचा दर देता यावा, या उद्देशाने स्थापन करण्यात आलेल्या देगाव (ता. जि. सातारा) येथील राज्यातील पहिल्या मेगा फूड पार्कचे उद्‌घाटन गुरुवारी (ता. १) केंद्रीय अन्न व प्रक्रिया उद्याेगमंत्री हरसिमरत काैर यांच्या हस्ते, तर मुख्यमंत्री देवेंद्र फडणवीस आणि माजी केंद्रीय कृषिमंत्री शरद पवार यांच्या प्रमुख उपस्थितीत दुपारी अडीच वाजता हाेणार आहे, अशी माहिती फूड पार्क आणि भारत विकास ग्रुपचे अध्यक्ष हणमंतराव गायकवाड यांनी शुक्रवारी (ता. २३) पत्रकार परिषदेमध्ये दिली. 

या वेळी बाेलताना गायकवाड म्हणाले, ‘‘देशातील एकूण शेतीमालाच्या उत्पादनापैकी ९९ टक्के शेतीमाल थेट बाजारात विक्रीसाठी पाठविला जाताे. तर केवळ १ टक्के शेतीमालावरच प्रक्रिया केली जाते. माेठ्या प्रमाणावर शेतीमाल बाजारात विक्रीसाठी जात असल्याने शेतीमालाची नासाडीदेखील हाेत असल्याने शेतकऱ्यांचे माेठे आर्थिक नुकसान हाेत आहे. हे नुकसान टाळत प्रक्रिया उद्याेगांमधून शेतीमालाला अधिकचा दर मिळावा, यासाठी केंद्र शासनाच्या वतीने मेगा फूड पार्क याेजना राबविण्यात येत आहे. 

या याेजनेतील राज्यातील पहिला मेगा फूड पार्क ७० एकर क्षेत्रावर उभारण्यात आला आहे. या फूड पार्कमधून विविध शेतीमालावर प्रक्रिया करून निर्यात करण्यात येणार आहे. यासाठी परिसरातील शेतकऱ्यांची २५० एकरांवर करार शेतीदेखील भारत विकास ग्रुपच्या वतीने करण्यात येणार आहे. यामध्ये हळद, आले, डाळिंब, साेनचाफा, फणस, जांभूळ, आमसूल आदींवर प्रक्रिया करण्यात येणार आहे.’’ 

फूड पार्कमध्ये पल्पिंग लाइन, शीतगृह, गाेदाम, विविध चाचण्यांसाठी प्रयाेगशाळा, प्रशिक्षण केंद्र उभारण्यात आले आहे. ज्या नव उद्याेजकांना या उद्याेगात यावयाचे असेल त्यांच्यासाठी भाडेतत्त्वादेखील विविध प्रक्रिया करून देण्याची व्यवस्था पार्कमध्ये करण्यात आली आहे, असेही गायकवाड यांनी सांगितले. या वेळी पार्कचे उपाध्यक्ष विजयकुमार चाेले उपस्थित हाेते.

पारंपरिक खाद्यसंस्कृतीसाठी देखील जागा देणार 
ग्रामीण भागात घराघरात लाेणची मसाले केली जातात. काही महिलांच्या हाताला विशिष्ट चव असते, ती महिला. त्या पाककृतीसाठी परिसरात प्रसिद्ध असते. अशा महिलांनादेखील उद्याेजकतेसाठी फूड पार्कमध्ये एक हजार चाैरस फूट जागा उपलब्ध करून देण्यात येणार आहे. 

केंद्राच्या धर्तीवर राज्याने १५ टक्के अनुदान द्यावे 
अन्नप्रक्रिया उद्याेगांसाठी केंद्र शासनाकडून ‘संपदा’ याेजनेअंतर्गत ५ काेटी किंवा ३५ टक्के अनुदान दिले जाते. याच धर्तीवर राज्य शासनाने ५० लाखांएेवजी २ काेटींचा निधी द्यावा, आणि कर्जाच्या व्याजावर ५ टक्के सवलत द्यावी, अशी मागणी मुख्यमंत्री देवेंद्र फडणवीस यांच्याकडे केली असल्याचे गायकवाड यांनी सांगितले. 

इतर ताज्या घडामोडी
औरंगाबादेत प्रतिक्विंटल वांगी १००० ते...औरंगाबाद : येथील कृषी उत्पन्न बाजार समितीमध्ये...
ज्याची पेरणी करू त्याचे दर सुधारतील का?जालना : गुलाबी बोंड अळीच्या संकटाने चिंतेत असलेले...
पुणे विभागातील १७ तालुक्यांत तीव्र...पुणे : पुणे विभागात पाणीटंचाई दिवसागणिक वाढतच आहे...
मागील हंगाम वाया गेला; यंदा चांगले... नंदुरबार ः जिल्ह्यात मागील हंगामाच्या तुलनेत...
निविष्ठा बाजारात उपलब्ध; पण हाती पैसा... नांदेड ः हरभरा, तुरीचे चुकारे अडकले आहेत. पीक...
नगरमध्ये काँग्रेसचे सरकार विरोधात विश्‍...नगर  ः ‘भाजप सरकारने सामान्य लोकांचा विश्‍...
पदोन्नतीपात्र अधिकाऱ्यांनी हातोहात...नागपूर  : विदर्भात काम करण्यास अनुत्सुक...
दूध दरवाढ आंदोलनासाठी शेतकरी संघर्ष...वैजापूर, जि. औरंगाबाद  : दूधदराच्या प्रश्‍...
शेतकऱ्यांनी शेतात भाजपचे झेंडे पेरावेत...बुलडाणा (प्रतिनिधी) ः शासनाने जाहीर केलेल्या...
राज्यातील शेतकऱ्यांना मिळणार १४ नवे वाणदापोली, जि. रत्नागिरी  : राज्याचे कृषी...
अर्जुन लागवडीसाठी निवडा दर्जेदार रोपेअर्जुन हा वृक्ष वनशेतीसाठी उत्तम आहे. अर्जुन...
कृषी, परराष्ट्र, रोजगार, इंधनाच्या...नवी दिल्ली : मागील चार वर्षात मोदी सरकार...
पिवळी डेझी लागवड कशी करावी?पिवळी डेझी (गोल्डन रॉड) हे अत्यंत कणखर पीक आहे....
निशिगंध लागवडीसाठी निचरा असलेली जमीन...निशिगंध पिकाची लागवड सोपी असून, तिचा लागवड खर्चही...
काळी मिरी कशी तयार करतात?काळी मिरीच्या वेलांची लागवड केल्यानंतर तीन...
वनस्पतींना रोगापासून वाचविण्यासाठी...वनस्पती आणि रोगकारक सूक्ष्मजीव यांच्यामध्ये...
शेतीमालाला रास्त भाव मिळेपर्यंत एल्गार...नगर : भाजप सरकार भांडवलदार उद्योगपती धार्जिणे...
शेतकरीप्रश्नी सरकारला गांभीर्य नाहीच :...पुणे  ः केंद्र आणि राज्य सरकार हेवत असून,...
शेतकऱ्यांना शहाणपणा शिकविण्याची गरज...पुणे : देशात आणि राज्यात शेतकरी तंत्रज्ञान...
एक जूनच्या संपात शेतकरी संघटना नाही :... पुणे ः देशात १ जून ते १० जूनदरम्यान पुकारण्यात...