agriculture news in marathi, harshavardhan patil talks on sugar export,kolhapur, maharashtra | Agrowon

किमान पंचवीस टक्के साखर निर्यातीचे धोरण हवे ः पाटील
टीम अॅग्रोवन
सोमवार, 6 ऑगस्ट 2018

कोल्हापूर : साखरेचे उत्पादन यंदा ३२४ लाख टनांवर गेले. येत्या गळीत हंगामात ते किमान साडेतीनशे लाख टन होण्याची शक्‍यता आहे. या साऱ्या पार्श्‍वभूमीवर शासनाने साखर हंगामाबाबतचे धोरण तातडीने ठरवायला हवे. किमान पंचवीस टक्के साखर निर्यात, प्रतिक्विंटल साडेतीन हजार रूपये किमान भाव, किमान शंभर रुपये निर्यात अनुदान, साखर कारखान्यांच्या कर्जाचे पुनर्गठण आदी गोष्टींचा धोरणात समावेश व्हायला हवा, असे स्पष्ट मत माजी मंत्री हर्षवर्धन पाटील यांनी व्यक्त केले.

कोल्हापूर : साखरेचे उत्पादन यंदा ३२४ लाख टनांवर गेले. येत्या गळीत हंगामात ते किमान साडेतीनशे लाख टन होण्याची शक्‍यता आहे. या साऱ्या पार्श्‍वभूमीवर शासनाने साखर हंगामाबाबतचे धोरण तातडीने ठरवायला हवे. किमान पंचवीस टक्के साखर निर्यात, प्रतिक्विंटल साडेतीन हजार रूपये किमान भाव, किमान शंभर रुपये निर्यात अनुदान, साखर कारखान्यांच्या कर्जाचे पुनर्गठण आदी गोष्टींचा धोरणात समावेश व्हायला हवा, असे स्पष्ट मत माजी मंत्री हर्षवर्धन पाटील यांनी व्यक्त केले.

श्री. पाटील शनिवारी (ता. ४) एका कार्यक्रमासाठी येथे आले होते. या वेळी त्यांनी माध्यमांशी संवाद साधला. दरम्यान, शासनाने आजवर जाहीर केलेली सर्व पॅकेज फसवी असल्याची टीकाही त्यांनी केली.
ते म्हणाले, की यंदा अडीचशे लाख टन साखर उत्पादन होईल, असा केंद्र शासनाचा अंदाज होता. मात्र प्रत्यक्षात ३२४ लाख टन साखरेचे उत्पादन होऊन किमान ११० टन साखर शिल्लक राहिली आहे. येत्या गळीत हंगामाचा विचार केला तर एकूण क्षेत्र अकरा लाख ६८ हजार हेक्‍टर असून, किमान साडेतीनशे टन साखर तयार होईल आणि साहजिकच शिल्लक साखरेचा प्रश्‍न आणखी गंभीर होईल. येत्या हंगामाबाबत मंत्री समितीची बैठक व्हायला हवी होती. मात्र अजूनही त्यावर कुठलीच चर्चा नाही.

केंद्र व राज्य सरकारने आताच धोरण न ठरविल्यास येत्या हंगामात किमान सत्तर टक्‍क्‍यांहून अधिक कारखाने चालू होतील की नाही, अशी भीती आहे. हंगाम जसजसा पुढे जाईल, तसा उभ्या उसाचा प्रश्‍न गंभीर होईल आणि त्याचा तोटा सामान्य शेतकऱ्याला सहन करावा लागेल. अशी स्थिती निर्माण झाली तर नुकसानभरपाईची तरतूदही करावी लागणार आहे. मुळातच अडचणीत आलेल्या साखर उद्योगाच्या पार्श्‍वभूमीवर हंगाम सुरू होण्यापूर्वी कारखान्यांच्या कर्जांचे पुनर्गठण आणि सॉफ्ट लोनचे धोरण ठरवायला हवे. यापूर्वी अशी तरतूद झाली होती. इथेनॉलची उचल ऑइल कंपन्याकडून होत नसून परराज्यांत इथेनॉल पाठवा, अशी पत्रे संबंधित कंपन्याकडून येत आहेत. परराज्यांत ते पाठवायचे झाले तर वाहतूक खर्च वाढतो आणि तो परवडणारा नसल्याचेही ते म्हणाले.

 

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...