agriculture news in Marathi, harvesting rates of soybean risen in parbhani District, Maharashtra | Agrowon

सोयाबीन काढणीचे दर वाढले
माणिक रासवे
सोमवार, 23 ऑक्टोबर 2017

गतवर्षीच्या तुलनेत मजुरीचा खर्च वाढला आहे. एकरी उत्पादन निम्म्यावर आले. हार्वेस्टरद्वारे स्वस्तात काढणी होत आहे. परंतु त्यासाठी काही आंतरपीक तसेच जमीन वाफसावर नसल्यामुळे मर्यादा आहेत.
- नरेश शिंदे, शेतकरी, सनपुरी, ता. परभणी.
 

परभणी : यंदा सोयाबीनची मजुरांद्वारे काढणी करून घेण्यासाठी एकरी ४००० ते ४३०० रुपयांपर्यंत खर्च येत आहे. तर हार्वेस्टरद्वारे काढणीचे दर १८०० ते २००० रुपये प्रतिएकर आहेत. गतवर्षीच्या तुलनेत यंदा मजुरीच्या दरामध्ये एकरी ६०० ते ७०० रुपयांची वाढ झाली आहे. नैसर्गिक संकटांमुळे उत्पादनात ४० ते ६० टक्के घट आली आणि त्यातच काढणीचे दर वाढल्याने उत्पादक अडणीत आले आहेत. 

गेल्या सात ते आठ वर्षात परभणी, हिंगोली, नांदेड जिल्ह्यात सोयाबीनचे सर्वसाधारण क्षेत्र ४,१९,९०९ हेक्टर आहे; परंतु यावर्षी तीन जिल्ह्यात एकूण ७ लाख ६८ हजार १७६ हेक्टरवर सोयाबीनची पेरणी झाली. सध्या सोयाबीनची काढणी सुरू आहे. यंदा सोयाबीन कापून जमा करण्यासाठी एकरी २५०० ते २७०० रुपये दर आहे. कापणी केलेल्या सोयाबीनची गंजी लावल्यानंतर मजुरांचे काम संपते.

त्यानंतर अन्य मजुरांकडून मळणी यंत्राद्वारे काढणी करावी लागते. यंदा मळणीसाठी प्रतिबॅग १२५ रुपये दर आहे. मळणीसाठी एकरी १२०० ते १५०० रुपये खर्च येतो. यंदा जुलै आॅगस्ट महिन्यात आलेल्या दीर्घ पावसामुळे सोयाबीनच्या उताऱ्यामध्ये मोठी घट आली आहे. एकरी ३ ते ५ क्विंटलपर्यंत उतारा येत आहे.

यंदा पेरणीपूर्व मशागत ते काढणीपर्यंतच्या खर्चाची गोळाबेरीज केली असता एकरी १० हजार रुपये ते ११ हजार रुपये खर्च येत आहे. ओलावाच्या प्रमाणानुसार सोयाबीनला २००० ते २७०० रुपये प्रतिक्विंटल पर्यंत दर मिळत आहेत. गतवर्षी मजुरीचे दर एकरी ३३०० ते ३६०० रुपयांपर्यंत होते. तर सोयाबीनचा एकरी उतारा ८ ते १२ क्विंटलपर्यंत आला होता.

सलग पीक असलेल्या सोयाबीनची काढणी हार्वेस्टरने करता येते. परंतु सोयाबीनमध्ये तूर आंतरपीक असलेल्या पिकाची काढणी करता येत नाही. 

प्रतिक्रिया 
चार वर्षापासून हार्वेस्टरचा व्यवसाय आहे. यंदा आजवर वाफसा झालेल्या जमिनीवरील २०० एकर सोयाबीनची काढणी हार्वेस्टरने केली असून त्यासाठी शेतकऱ्यांकडून एकरी १८०० ते २००० रुपये भाडे घेतले जात आहे.
- सुरेश नावडे, हार्वेस्टर मालक, ताडलिमला, ता. पूर्णा

इतर बातम्या
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
नांदेड, परभणी, हिंगोली, लातूरमध्ये आज...नांदेड : लोकसभेच्या नांदेड, परभणी, हिंगोली...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
‘महाबीज’तर्फे बीजोत्पादनासाठी आगाऊ...जळगाव : आगामी खरिपासाठी सोयाबीन, उडीद, मूग, ताग,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
अवकाळी पावसाने नाशिक जिल्ह्यावर संकटनाशिक : जिल्ह्यात सलग तिसऱ्या दिवशी वादळी...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
पेमेंट न मिळाल्याने वसाकाच्या ऊस...नाशिक : देवळा तालुक्यातील वसंतदादा सहकारी साखर...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...