agriculture news in Marathi, for heacter tur productivity declared, Maharashtra | Agrowon

हमीभावाने तूर खरेदीसाठी प्रतिहेक्टरी उत्पादकता निश्चित
टीम अॅग्रोवन
सोमवार, 11 फेब्रुवारी 2019

परभणी ः हमीभावाने खरेदी योजनेअंतर्गत २०१८-१९ च्या हंगामात शासकीय केंद्रांवर हमीभावाने तूर खरेदीसाठी जिल्हानिहाय प्रतिहेक्टरी उत्पादकता निश्चित करण्यात आली आहे. अकोला जिल्ह्यासाठी सर्वाधिक ११ क्विंटल १५ किलो, तर बीड जिल्ह्यासाठी सर्वांत कमी १ क्विंटल एवढी निश्चित करण्यात आली. यंदा हमीभावाने खरेदीसाठी ठरवून दिलेली तुरीची उत्पादकता गतवर्षीपेक्षा कमी आहे, असे संबंधित सूत्रांनी सांगितले.

परभणी ः हमीभावाने खरेदी योजनेअंतर्गत २०१८-१९ च्या हंगामात शासकीय केंद्रांवर हमीभावाने तूर खरेदीसाठी जिल्हानिहाय प्रतिहेक्टरी उत्पादकता निश्चित करण्यात आली आहे. अकोला जिल्ह्यासाठी सर्वाधिक ११ क्विंटल १५ किलो, तर बीड जिल्ह्यासाठी सर्वांत कमी १ क्विंटल एवढी निश्चित करण्यात आली. यंदा हमीभावाने खरेदीसाठी ठरवून दिलेली तुरीची उत्पादकता गतवर्षीपेक्षा कमी आहे, असे संबंधित सूत्रांनी सांगितले.

राज्यामध्ये नाफेड आणि विदर्भ मार्केटिंग को-आॅपरेटिव्ह फेडरेशनतर्फे किंमत समर्थन योजनेअंतर्गत तूर खरेदीसाठी आॅनलाइन नोंदणी सुरू झाली आहे. त्यासाठी शासनाने जिल्हानिहाय उत्पादकतेनुसार तूर खरेदीसाठी मर्यादा निश्चित केली आहे. राज्यातील अनेक जिल्ह्यांत उद्भवलेल्या दुष्काळी स्थितीमुळे तूर उत्पादनात घट झाल्याने गतवर्षीच्या तुलनेत यंदा प्रतिहेक्टरी उत्पादकता देखील कमी झाली आहे. तुरीचे पीक कापूस आणि सोयाबीन पिकांमध्ये आंतरपीक म्हणून घेण्यात येते. परंतु हमीभावाने खरेदीसाठी तुरीच्या लागवडीखालील पूर्ण क्षेत्र गृहित धरून उत्पादकता निश्चित करून त्याप्रमाणे खरेदी करण्याच्या सूचना देण्यात आल्या आहेत. 

गतवर्षी (२०१७-१८) हमीभावाने तूर खरेदीसाठी परभणी जिल्ह्यासाठी प्रतिहेक्टरी उत्पादकता १९.४५ क्विंटल, तर नांदेड आणि हिंगोली जिल्ह्यासाठी प्रतिहेक्टरी १० क्विंटल ठरवून दिली होती. यंदा परभणी जिल्ह्यासाठी प्रतिहेक्टरी ५ क्विंटल, नांदेड जिल्ह्यासाठी ४ .८८ क्विंटल, हिंगोली ४.१० क्विंटल एवढी उत्पादकता निश्चित करण्यात आली आहे. यंदा हमीभावाने खरेदीसाठी कृषी विभागाच्या प्रथम अंदाजानुसार राज्यातील ३३ जिल्ह्यांतील तुरीची उत्पादकता निश्चित करण्यात आली. अकोला जिल्ह्याची उत्पादकता सर्वाधिक म्हणजे ११ क्विंटल १५ किलो, तर बीड जिल्ह्याची उत्पादकता सर्वात कमी म्हणजे १ क्विंटल एवढी आहे.

जिल्हानिहाय हेक्टरी उत्पादकता (क्विंटल)
परभणी ५, हिंगोली ४.१०, नांदेड ४.८८, लातूर ४.०४, उस्मानाबाद १.९६, बीड १, जालना ७.१२, औरंगबाद २.०८, बुलडाणा ४.५९, अकोला ११.१५, वाशिम १०.१०, अमरावती ९.३४, यवतमाळ ६.८०, वर्धा ६.६७, नागपूर ५.५६, भंडार ५, गोंदिया ७.२०, चंद्रपूर ७.६८, गडचिरोली ५,नाशिक ३.१३, धुळे ५.१२, नंदुरबार २.४४, जळगाव ४.७०, नगर १.८०, पुणे २.१५, सोलापूर १.०२,सातारा ६.२५, सांगली ४.९६, कोल्हापूर १०.५४, रत्नागिरी ४.६२, रायगड ६.५१, पालघर ४.९४, ठाणे ६.०९.

इतर बातम्या
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
नांदेड, परभणी, हिंगोली, लातूरमध्ये आज...नांदेड : लोकसभेच्या नांदेड, परभणी, हिंगोली...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
‘महाबीज’तर्फे बीजोत्पादनासाठी आगाऊ...जळगाव : आगामी खरिपासाठी सोयाबीन, उडीद, मूग, ताग,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
अवकाळी पावसाने नाशिक जिल्ह्यावर संकटनाशिक : जिल्ह्यात सलग तिसऱ्या दिवशी वादळी...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
पेमेंट न मिळाल्याने वसाकाच्या ऊस...नाशिक : देवळा तालुक्यातील वसंतदादा सहकारी साखर...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...