agriculture news in Marathi, heat and cold day and rain in March, Maharashtra | Agrowon

मार्च महिन्यात उष्ण अन् थंड दिवस, पावसाची हजेरी
अमोल कुटे
मंगळवार, 3 एप्रिल 2018

पुणे : तापमानात वाढ झाल्याने आलेली उष्णतेची लाट, दिवस रात्रीच्या तापमानातील तफावत वाढल्याने रात्री थंडी तर दिवसा चटका, ढगाळ हवामानासह पावसाने लावलेली हजेरी, आणि तापमानात अचानक घट झाल्याने थंड दिवस असे वेगाने होणारे बदल हे मार्च महिन्यातील हवामानाचे वैशिष्ट्य ठरले. कोकणातील भिरा येथे २६ मार्च रोजी यंदाच्या हंगामातील उच्चांकी ४५ अंश सेल्सिअस तापमानाची नोंद देशासह जगभरात दखलपात्र ठरली.

पुणे : तापमानात वाढ झाल्याने आलेली उष्णतेची लाट, दिवस रात्रीच्या तापमानातील तफावत वाढल्याने रात्री थंडी तर दिवसा चटका, ढगाळ हवामानासह पावसाने लावलेली हजेरी, आणि तापमानात अचानक घट झाल्याने थंड दिवस असे वेगाने होणारे बदल हे मार्च महिन्यातील हवामानाचे वैशिष्ट्य ठरले. कोकणातील भिरा येथे २६ मार्च रोजी यंदाच्या हंगामातील उच्चांकी ४५ अंश सेल्सिअस तापमानाची नोंद देशासह जगभरात दखलपात्र ठरली.

मार्च महिन्याच्या सुरवातीपासूनच राज्यात अनेक ठिकाणी तापमानाचा पारा ३५ अंशांच्या पुढे सरकला होता. दुसऱ्या आठवड्यापासून राज्यात ढगाळ हवामानामुळे तापमानात पुन्हा घट झाली. ११ मार्च रोजी यवतमाळ येथे यंदाच्या हंगामातील दिवसाच्या सर्वांत कमी तापमानाची (२७.५ अंश सेल्सिअस) तापमानाची नोंद झाली. त्यानंतर राज्यात झालेल्या ढगाळ हवामान आणि पावसामुळे रात्रीच्या तापमानात घट झाल्याचे दिसून आले. दि. २३ मार्च रोजी पुणे येथे यंदाच्या हंगामातील रात्रीच्या नीचांकी (१२.४) अंश सेल्सिअस तापमानाची नोंद झाली होती.

अवकाळी पावसाची हजेरी
उन्हाची ताप वाढत असताना राज्यात १२ मार्च रोजी अरबी समुद्रात कमी दाबाचे क्षेत्र तयार झाले. या कमी दाब क्षेत्राची तीव्रता वाढत असतानाच राज्यात हवेचे दाब कमी झाल्यानंतर बंगालच्या उपसागरावरून होत असलेल्या बाष्पाच्या पुरवठा होत असल्याने राज्यात ढगाळ हवामान तयार झाले. विदर्भ, मराठवाडा, मध्य महाराष्ट्र, कोकणात १२ ते १७ मार्च या कालावधीत वादळी पावसाने हलक्या ते मध्यम सरींसह हजेरी लावली.

दिवस-रात्रीच्या तापमानात तफावत
राज्याच्या दिवसाच्या तापमानात वाढ होत असतानाच ढगाळ वातावरण आणि वेगवान वाऱ्यामुळे रात्रीच्या तापमानात घट झाल्याचे दिसून आले. यामुळे तापमानातील तफावत वाढली होती. बऱ्याच ठिकाणी ही तफावत १५ ते २० अंशांपर्यंत होती. रात्रीच्या वेळी थंडी तर दिवसा उन्हाचा चटका असे परस्पर विरोधी हवामान अनुभवायला मिळाले. तापमानातील ही तफावत महिन्यातील अनेक दिवस कायम होती.
उष्णतेची लाट आणि थंड दिवसही

महिन्याच्या अखेरच्या टप्प्यात भिरा, मुंबईसह कोकणात काही ठिकाणी उष्णतेची लाट अनुभवायला मिळाली. तर विदर्भ मराठवाड्यात तापमान वाढल्याने उन्हाचा चटका अधिक असल्याचे दिसून आले. महिन्याच्या मध्यात राज्यात असलेल्या ढगाळ हवामानामुळे दिवसाच्या तापमानही सरासरीपेक्षा मोठी घट होत थंड दिवसाची स्थिती होती. ११ मार्च रोजी विदर्भातील यवतमाळ, अमरावती, अकोला येथे तर पुणे, कोल्हापूर, सांगली, सोलापूर, औरंगाबाद, परभणी, अमरावती, बुलडाणा, ब्रह्मपुरी, चंद्रपूर, गोंदिया, नागपूर, वर्धा, यवतमाळ येथे १५ मार्च हा थंड दिवस ठरला.

मार्च महिन्यात राज्यातील विविध ठिकाणचे उच्चांकी तापमान 
(अंश सेल्सिअसमध्ये) कंसात तारीख 

पुणे     ३८.७ (२७)
नगर     ४१.५ (२७)
जळगाव     ४१.८ (२९)
कोल्हापूर     ३७.३ (२५,३०)
महाबळेश्वर     ३३.६ (२६)
मालेगाव     ४२.० (३०)
नाशिक     ३९.० (३०)
सांगली     ३९.२ (२६)
सातारा     ३९.१ (२७)
सोलापूर     ४१.६ (२९)
मुंबई (सांताक्रूझ)     ४१.० (२५)
अलिबाग     ३७.५ (१४)
रत्नागिरी     ३५.९ (२५)
डहाणू     ३५.१ (२५)
भिरा      ४५.०(२६)
आैरंगाबाद     ३९.६ (३०)
परभणी     ४२.६ (३०)
नांदेड     ४२.० (२९,३०,३१)
अकोला     ४२.५ (२९,३०,३१)
अमरावती     ४१.६ (३१)
बुलडाणा     ३९.६ (३०,२७)
चंद्रपूर     ४२.८ (३१)
गोंदिया     ४०.५ (३१)
नागपूर     ४१.६ (३१)
वर्धा     ४२.५ (३१)
यवतमाळ     ४२.० (३०)

इतर अॅग्रो विशेष
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...