विदर्भासह, मध्य महाराष्ट्र, मराठवाड्यात आज उष्ण लाट

उष्ण लाट
उष्ण लाट

पुणे : विदर्भात उष्णतेची लाट आली आहे. यातच दोन दिवसांत उन्हाचा चटका आणखी वाढण्याची शक्यता आहे. विदर्भासह, मध्य महाराष्ट्र, मराठवाड्यात आज (ता. १९) उष्ण लाटेचा इशारा हवामान विभागाने दिला आहे. शनिवारी (ता. १८) सकाळपर्यंतच्या २४ तासांमध्ये चंद्रपूर येथे देशातील सर्वोच्च ४५.८ अंश सेल्सिअस तापमानाची नोंद झाली आहे.  विदर्भात काही दिवसांपासून उन्हाचा ताप चांगलाच वाढला आहे. चंद्रपूर, ब्रह्मपुरी, नागपूर, वर्धा येथे तापमान ४५ अंशांवर पाेचल्याने उष्णतेची लाट आली आहे. तर मध्य महाराष्ट्रातील सातारा येथेही तापमान ४० अंशांच्या पुढे असून, सरासरीपेक्षा ५ अंशांची वाढ झाल्याने उष्ण लाट आली आहे. मध्य महाराष्ट्र, मराठवाडा, विदर्भात अनेक ठिकाणी तापमानाचा पारा ४० पार असल्याने उन्हाच्या झळा असह्य होत आहेत. बुधवारपर्यंत राज्यात मुख्यत: उष्ण व कोरड्या हवामानाचा अंदाज आहे. तर कोकणात बुधवारी (ता. २२) तुरळक ठिकाणी पावसाला पोषक हवामान होण्याची शक्यता आहे. शनिवारी (ता.१८) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ३९.४ (२.७), जळगाव ४०.६(-२.१), कोल्हापूर ३९.८ (४.६), महाबळेश्वर ३४.५ (४.८), मालेगाव ४०.८ (०.८), नाशिक ३७.३ (-०.४), सांगली ४०.६ (४.१), सातारा ४०.२ (५.०), सोलापूर ४२.५(२.४), अलिबाग ३२.२ (-०.९), डहाणू ३३.० (-१.२), सांताक्रूझ ३३.९ (०.५), रत्नागिरी ३३.७ (०.८), औरंगाबाद ४०.४ (०.९), नांदेड ४२.५ (१.०), परभणी ४३.८ (२.०), उस्मानाबाद ४१.३ (२.०), अकोला ४३.८ (१.७), बुलडाणा ४०.३ (१.९), बह्मपुरी ४५.६ (३.५), चंद्रपूर ४५.८ (२.८), गोंदिया ४३.४ (१.३), नागपूर ४५.४ (२.७), वाशीम ४२.४, वर्धा ४४.९ (२.२), यवतमाळ ४२.८(१.१). 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com