agriculture news in marathi, heat wave in varhad, maharashtra | Agrowon

दीड महिन्यापासून वऱ्हाडात तप्त उन्हाच्या झळा
टीम अॅग्रोवन
मंगळवार, 29 मे 2018
वाढलेल्या तापमानापासून दिलासा मिळण्यासाठी शेतकरी पूर्वमोसमी पावसाची प्रतीक्षा करीत अाहेत. पाऊस जोरदार अाल्यास तापमान कमी होऊन फळबागांना फायदा होईल. शिवाय खरीप पूर्व मशागतीची कामेही वेग घेतील. केळी पिकावर खूप मोठा परिणाम झाला असून पाने फाटली. केळीचा खोडवा खराब झाला आहे. असेच उन्ह तापले तर पुढील हंगामात जून, जुलैत लागवड करायची की नाही याचा विचार करावा लागेल. 
-जगदेवराव अाखाडे, शेतकरी, डोणगाव जि. बुलडाणा.
अकोला  ः  वऱ्हाडातील तीन ही जिल्ह्यांना गेल्या दीड महिन्यापासून तप्त उन्हाचा जोरदार तडाखा बसला अाहे. याची झळ उन्हाळी पीक उत्पादनालाही बसत असल्याने अनेक शेतकऱ्यांचा लागवड खर्चही निघू शकलेला नाही.
 
वऱ्हाडात १५ एप्रिलपासून उन्हाच्या झळा वाढायला सुरवात झाली. दिवसाचे सरासरी तापमान हे ४२ ते ४५ अंश सेल्सिअसपर्यंत राहत अाहे. चालू अाठवड्यात तर तापमान ४५ ते ४६ अंश सेल्सिअस दरम्यान राहत अाहे. वाढत्या उन्हामुळे संत्रा, केळी, लिंबू या फळबागांना फटका बसला आहे. सोबतच उन्हाळी भुईमूग, भाजीपाला पिकेही या उन्हाची झळ सहन करू शकलेली नाहीत.
 
भुईमूगासारखे हक्काचे पीक यावर्षी अनेकांना उत्पादन खर्चही देण्यापुरते अालेले नाही.  या पिकाची वाढ होऊनही झाडांना शेंगा लागल्या नव्हत्या. केळी बागांमध्ये अनेक ठिकाणी झाडे वाळली. पानांवर करपा दिसून अाला. घडसुद्धा काही ठिकाणी हे तीव्र उन्हाचा तडाखा सहन करू शकले नाही. 
 
उन्हामुळे पिकांसाठी पाण्याची मागणी वाढली तर दुसरीकडे पाणी पुरेसे नसल्याने पिकांची तहान भागवताना शेतकऱ्यांची मोठी अोढाताण होत अाहे. प्रामुख्याने केळीसारख्या पिकाला पाणी देताना इतर पिकांकडे दुर्लक्ष करावे लागते अाहे. पाणी कमी झाल्याने व वाढलेले तापमान लक्षात घेता शेतकरी या हंगामात केळी लागवड कमी प्रमाणात करतील असा अंदाज व्यक्त होत अाहे.
 
भाजीपालावर्गीय पिकांना तर दररोज पाणी द्यावे लागत अाहे. दिवसाच्या तापमानात पाणी देणे पिकासाठी पोषक नसल्याने तसेच भारनियमन होत असल्याने अनेक शेतकरी रात्रीच्या वेळी पिकांना पाणी देत अाहेत.   

वऱ्हाडात बुलडाणा, अकोला जिल्ह्यांत कापसाचे पीक मोठ्या क्षेत्रावर घेतले जाते. बुलडाणा जिल्ह्यात घाटाखालील तालुके व अकोल्यातील तेल्हारा तालुक्यात प्री-मॉन्सून कपाशी लागवड केली जाते. सध्याच्या तापमानामुळे अद्याप शेतकऱ्यांनी यासाठी पुढाकार घेतलेला दिसत नाही. सिंचनासाठी पाणी नसल्याचे दुसरे कारणही यामागे अाहे.     

 
 

इतर ताज्या घडामोडी
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...