agriculture news in marathi, heavy rain in 53 mandal, pune, Maharashtra | Agrowon

राज्यातील ५३ मंडळांत अतिवृष्टी
संदीप नवले
गुरुवार, 12 ऑक्टोबर 2017

पुणे : गेल्या दोन ते तीन दिवसांपासून राज्यात पावसाने पुन्हा जोर धरला आहे. बुधवारी (ता. ११) सकाळपर्यंत ५३ मंडळांत अतिवृष्टी झाली अाहे. पश्चिम महाराष्ट्रातील नाशिकमधील, पुणे, सोलापूर, मराठवाड्यातील बीड, औरंगाबाद जिल्ह्यासह उर्वरित जिल्ह्यांत नद्या, नाले, ओढे भरून वाहू लागले आहे. यामुळे जायकवाडी, येडगाव, चासकमान, वीर, उजनी, गंगापूर, नांदूरमध्यमेश्वर आदी धरणांतून पुन्हा पाण्याचा विसर्ग सोडण्यात आला आहे. परिणामी काही नद्यांना पूर आला आहे.

पुणे : गेल्या दोन ते तीन दिवसांपासून राज्यात पावसाने पुन्हा जोर धरला आहे. बुधवारी (ता. ११) सकाळपर्यंत ५३ मंडळांत अतिवृष्टी झाली अाहे. पश्चिम महाराष्ट्रातील नाशिकमधील, पुणे, सोलापूर, मराठवाड्यातील बीड, औरंगाबाद जिल्ह्यासह उर्वरित जिल्ह्यांत नद्या, नाले, ओढे भरून वाहू लागले आहे. यामुळे जायकवाडी, येडगाव, चासकमान, वीर, उजनी, गंगापूर, नांदूरमध्यमेश्वर आदी धरणांतून पुन्हा पाण्याचा विसर्ग सोडण्यात आला आहे. परिणामी काही नद्यांना पूर आला आहे.

सोमवारी आणि मंगळवारी राज्यातील अनेक भागांत जोरदार पाऊस झाला. मंगळवारी (ता.११) सायंकाळी कोकणातील ठाणे, रत्नागिरी, पालघर जिल्ह्यांतील अनेक ठिकाणी हलका ते मध्यम स्वरूपाचा पाऊस पडला. तर ठाणेमधील न्याहाडी, किन्हवली, रत्नागिरीतील शिरगाव, पालघरमधील खोडला येथे अतिवृष्टी झाली. त्यामुळे ओढे, नाले भरून वाहत असल्यामुळे भातसा, अप्परवैतरणा ही धरणातील पाणीपातळीत वाढ झाली होती.

मध्य महाराष्ट्रातील नाशिक, धुळे, नगर, सोलापूर, सातारा जिल्ह्यांतील अनेक भागांत जोरदार पाऊस पडला. काही भागात हलका ते मध्यम स्वरूपाचा पाऊस पडला. नाशिकमधील कानशी, दळवत, लासलगाव, उम्रने धुळे जिल्ह्यातील धुळे शहर, सोनगीर, नागाव, धुळे खेडे, कुसुम्बा, नेर, जळगावमधील तामसवाडी, नगरमधील बांभोरा, कोपरगाव, सोलापूरमधील वाघोली, मोहळ, माढा, पंढरपूर, भंडीशेगाव, पतकुरोळी, पुलूज, तुगट, सांगोला, शिवने, सोनंद, महूड, नाझरा, सांगेवाडी, मंगळवेढा साताऱ्यातील म्हसवड मंडळात अतिवृष्टी झाली.

त्यामुळे धरणातील पाणीसाठ्यात वाढ होऊन विसर्ग सोडण्यात आला होता. परिणामी गोदावरी नदीला पूर आला होता. सोलापूरमध्ये दमदार पावसामुळे माळशिरस (जि. सोलापूर) तालुक्यातील तोंडले बोंडले येथील घुमेरा ओढ्याला पूर आला. तालुक्यातील पिलीव, गारवाड, चांदापुरी, तरंगफळ, कारखेल घाट, निमगाव, मळोली तसेच घुमेरा ओढ्याच्या क्षेत्रात मोठ्या प्रमाणात पावसाने हजेरी लावली. पुणे जिल्ह्यातही हलका ते मध्यम स्वरूपाचा पाऊस पडला. सातारा, सांगली, कोल्हापूर जिल्ह्यातही हलका पाऊस पडला.

मराठवाड्यातील बीड जिल्ह्यातही अनेक मंडळात अतिवृष्टी झाली. तर औरंगाबाद, जालना, उस्मानाबाद, लातूर, नांदेड, परभणी जिल्ह्यातील काही मंडळांत हलका ते मध्यम स्वरूपाचा पाऊस पडला. त्यामुळे ओढे, नाले भरून वाहत होते. तर जालन्यातील भोकरदन, बीडमधील बीड, दासखेड, दिग्रुड, आंबेजोगाई, पाटोदा, लोखंदी, गंतनांदुर, बर्दापूर, परळी, नागापूर, पिंपळगाव, मोहखेड, लातूरमधील तांदुळजा, रेणापूर, पानगाव, पाडोळी, मंगळूर मंडळात अतिवृष्टी झाली.

विदर्भातील अकोला जिल्ह्यातही हलका ते मध्यम स्वरूपाचा पाऊस पडला. तर एका मंडळात अतिवृष्टी झाली. बुलडाणा, अमरावती, अकोला, नागपूर, चंद्रपूर, गडचिरोली, गोंदिया जिल्ह्यातील काही मंडळांत हलका ते मध्यम स्वरूपाच्या सरी बरसल्या. तर वर्धा, यवतमाळ जिल्ह्यांत तुरळक ठिकाणी हलका पाऊस पडला असून उर्वरित भागात ढगाळ हवामान होते. तर काही ठिकाणी ऊन पडले होते.

जिल्हानिहाय पावसाचे प्रमाण (मिलीमिटर)
ठाणे ः न्याहाडी 70, किन्हवली 98.6,
रत्नगिरी ः शिरगाव 98,
पालघर ः खोडला 76.8
नाशिक ः कानशी 71, दळवत 70, लासलगाव 77.2, उम्रने 71
धुळे ः धुळे शहर 71, सोनगीर 85, नगाव 90, धुळे खेडे 78, कुसुंबा 88, नेर 70,
जळगाव ः तामसवाडी 91,
नगर ः बांबोरा 102, कोपरगाव 92,
सोलापूर ः वाघोली 82, मोहळ 88, माढा 89.5, पंढरपूर 93, भंडीशेगाव 70, पतकुरोळी 82, पुलूज 72, तुगट 75,
सांगोला 93, शिवणे 84, सोनंद 90, महूड 95, नाझरा 100, सांगेवाडी 85, मंगळवेढा 175
सातारा ः म्हसवड 70,
जालना ः भोकरदन 92,
बीड ः बीड 70, दासखेड 80, दिग्रुड 80, आंबेजोगाई 89, पाटोदा 72, लोखंदी 71, गंतनांदूर 75, बर्दापूर 88, परळी 93, नागापूर 155, पिंपळगाव 110,
मोहखेड 77,
लातूर ः तांदूळजा 70, रेणापूर 110, पानगाव 112, पाडोळी 75, मंगळूर 80,
अकोला ः पानज 120, उमारा 100,

इतर अॅग्रो विशेष
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...