नाशिक : धरणांच्या पाणलोटात मुसळधार पाऊस :

इगतपुरी, जि. नाशिक : सह्याद्रीच्या घाटमाथ्यावर मॉन्सून सक्रिय झाला आहे. दारणा धरणाच्या पाणलोटात पावसाने सोमवारपासून (ता. २५) मुसळधार हजेरी लावली आहे. त्यामुळे धरणांमध्ये पाण्याची आवक वेगाने वाढण्याची शक्यता आहे. रविवारी दुपारनंतर सलग पडणाऱ्या संततधार पावसाने सह्याद्रीचा घाटमाथा ओलाचिंब झाला. सोमवारी दिवसभर सह्याद्रीचा घाटमाथा मुसळधार पावसाने झोडपून निघाला. खपाटी झालेल्या धरणांमध्ये पाण्याची आवक होण्याची आनंदवार्ता या पावसाने दिली आहे.

नाशिक येथे १९, मुकणे १५, दारणाच्या भिंतीजवळ ८ मिलिमीटर पावसाची नोंद झाली आहे. सोमवारी पाणलोट क्षेत्रात पावसाची नोंद (मिलिमीटरमध्ये) ः वाकी ४२, इगतपुरी ७१, घोटी २९, भावली ७५, अंबोली ७२, त्र्यंबक ४१ मॉन्सून सक्रिय झाल्यानंतर हा पहिलाच पाऊस आहे. नाशिक येथे 19 मिमी, मुकणे 15 मिमी, दारणाच्या भिंतीजवळ 8 मिमी अशी पावसाची नोंद झाली आहे.

धरणांचे साठे असे (दलघफूमध्ये) (सोमवारपर्यंत) :  दारणा- १ हजार २१३ , गंगापूर १ हजार ४६३, भावली २, गौतमी  १०४, आळंदीत १०५, कडवा ४९, भंडारदरा २ हजार ८२३.