agriculture news in Marathi, heavy rain in Gachiroli and Nanded, Maharashtra | Agrowon

गडचिरोली, नांदेडमध्ये दमदार पाऊस
टीम अॅग्रोवन
मंगळवार, 21 ऑगस्ट 2018

पुणे : विदर्भातील गडचिरोली, मराठवाड्यातील नांदेड, हिंगोली आणि परभणी जिल्ह्यात सोमवारी (ता. २०) दमदार पाऊस पडला. या भागातील नद्या, नाले, ओढ्यांना पूर आले. गडचिरोली आणि नांदेड जिल्ह्यातील शेकडो गावांचा संपर्क तुटला असून, पिके पाण्यात गेली आहेत. तर, नगर, पुणे, सातारा, सांगली, कोल्हापूर जिल्ह्यात सुरू असलेल्या पावसाने धरणे ओव्हरफ्लो झाली असून, धरणातून मोठ्या प्रमाणावर पाणी सोडण्यात येत आहे.

पुणे : विदर्भातील गडचिरोली, मराठवाड्यातील नांदेड, हिंगोली आणि परभणी जिल्ह्यात सोमवारी (ता. २०) दमदार पाऊस पडला. या भागातील नद्या, नाले, ओढ्यांना पूर आले. गडचिरोली आणि नांदेड जिल्ह्यातील शेकडो गावांचा संपर्क तुटला असून, पिके पाण्यात गेली आहेत. तर, नगर, पुणे, सातारा, सांगली, कोल्हापूर जिल्ह्यात सुरू असलेल्या पावसाने धरणे ओव्हरफ्लो झाली असून, धरणातून मोठ्या प्रमाणावर पाणी सोडण्यात येत आहे.

गडचिरोली जिल्ह्यात मुलचेरा, सिंरोचा, भामरागडसह अनेक तालुके पुरामुळे प्रभावीत झाले असून, शेकडो गावांचा तालुका, जिल्हा मुख्यालयाशी संपर्क तुटला आहे. जोराच्या पावसाने पिकांचे नुकसान होत आहे. नद्या ओव्हरफ्लो झाल्याने पुराचे पाणी गावात शिरून अनेक गावांतील नागरिकांना स्थलांतरित करावे लागले. गडचिरोलीतील मुलचेरा येथे १५७ मिलिमीटर, तर भामरागड १९० मिलिमीटर पावसाची नोंद झाली. सोमवारीही दिवसभर पावसाचा जोर कायम होता.

मराठवाड्यात नांदेड, परभणी, हिंगोली जिल्ह्यांत सोमवारी (ता. २०) सकाळपर्यंतच्या २४ तासांमध्ये जोरदार पाऊस झाला. नांदेड जिल्ह्यातील दहा मंडळांमध्ये अतिवृष्टी झाली. दरम्यान, सोमवारी (ता. २०) दुपारपर्यंत या तीन जिल्ह्यांतील अनेक भागांत संततधार पाऊस सुरू होता. अनेक ठिकाणी मुसळधार पाऊस झाला. यामुळे ओढे, नाले भरून वाहिले. पुरामध्ये पूल पाण्याखाली गेल्यामुळे अनेक ठिकाणचा संपर्क तुटला होता. हिंगोली जिल्‍ह्यातील औंढा नागनाथ तालुक्यातील गोजेगाव शिवारात सोमवारी (ता. २०) दुपारी झालेल्या जोरदार पावसामुळे पिकामध्ये पाणी साचले. केळी ते येळी फाटा रस्त्यावरील ओढ्याला आलेल्या पुरामुळे केळी गावांचा संर्पक तुटला.

नगर जिल्ह्यामधील अकोले तालुक्‍याच्या पश्‍चिम भागात जोरदार पाऊस सुरू असल्याने, भंडारदारा, निळवंडे धरण भरले आहे. जिल्ह्यातील काही भागांत सोमवारी पावसाची रिपरिप सुरू होती. सातारा जिल्‍ह्यात कोयना, धोम, कण्हेर, बलकवडी व उरमोडी या धरणांतून पाण्याचा विसर्ग सुरू आहे. कोयना धरणातील विसर्गामुळे कृष्णा नदीच्या पाण्याच्या पातळीत वाढ झाली आहे. सांगलीतील कसबेडिग्रज -मौजेडिग्रज बंधारा दुसऱ्यादा पाण्याखाली गेला आहे. कोल्हापूर आणि पुणे जिल्ह्यातील बहुतांशी धरणे भरली असून, धरणांतील पाण्याचा विसर्ग अद्यापही सुरूच आहे.

साेमवारी (ता. २०) सकाळपर्यंतच्या २४ तासांमध्ये राज्यात पडलेला पाऊस (मिलिमीटरमध्ये - स्त्रोत कृषी विभाग) :

कोकण : अलिबाग ४९, पोयनड ६१, किहीम ४४, चरी ४७, रामरज ४५, करनाळा ४२, कर्जत ४३, नेरळ ५६, कडाव ४५, कळंब ५५, कशेले ५१, खालापूर चौक ४१, वौशी ५१, खोपोली ५२, पेण ५६, वशी ६६, निझामपूर ५५, रोहा ४७, वाहल ४१, सावर्डे ४४, असुर्डे ४८, भरणे ४२, धामनंद ४३, तळवली ४५, पाटपन्हाले ६६, मंडणगड ४३, देव्हरे ५०, खेडशी ४६, तरवल ४५, देवळी ४२, भांबेड ४२, विलवडे ४०, अंबोली ६०.

मध्य महाराष्ट्र : इगतपुरी ४०, पेठ ३०, माले ५१, मुठे ६८, भोेलावडे ३८, संगमनेर ३८, काले ६१, कार्ला ३४, लोणावळा ५७, शिवणे ३०, राजूर ३४, हेळवाक ६०, महाबळेश्‍वर ६४, तापोळा ६२, लामज ९९, बाजार ३३, भेडसगाव ३१, करंजफेन ७१, आंबा ८७, राधानगरी ४६, गगनबावडा ४६, साळवण ४२, चंदगड ३६, हेरे ३७.

मराठवाडा : वाटूर २७, मंथा २०, ढोकसळ ३८, पांगरी ३२, औराद ३२, आंबूलगा २२, नांदेड शहर ४९, नांदेड ग्रामीण ५५, वजीराबाद ४६, तुप्पा ४२, वसरणी ५१, विष्णुपुरी ४४, लिंबगाव ४५, तरोडा ५६, बिलोली ४५, सगरोळी २७, अदमपूर ४५, लोहगाव ४२, मुखेड ३५, येवती २६, जाहूर ३४, चांडोळा ७०, मुक्रमाबाद २२, कंधार २२, कुरुळा २७, फुलवळ २३, पेठवडज ४०, उस्माननगर ४०, बारूळ ३८, कापसी ४६, सोनखेड ४८, शेवडी ३३, कलंबर ३४, हदगाव २७, तळणी २१, निवघा २९, तामसा २२, पिंपरखेड २४, आष्टी ३८, भोकर ३४, मोघाळी ७५, मातूळ ३३, किनी ३२, देगलूर ४६, खानापूर ५२, शहापूर ८०, मुदखेड ७५, मुगट ६८, बारड ६६, हिमायतनगर ३०, जवळगाव ३३, सरसम २८, धर्माबाद ७२, करखेली २५, जळकोट ३८, उमरी ७४, गोळेगाव ५०, सिंधी ६५, अर्धापूर ६६, दाभड ६३, मालेगाव ४२, बरबडा २४, कुंटूर ३६, नरसी २६, नायगाव ४०, माजंरम ३४, सांगवी म्हाळसा २०, बामणी २६, चारठाणा ३०, पूर्णा २९, कांतेश्‍वर २०, चुडवा ४४, डोंगरकडा २१, वारंगा २६, आंबा २६, हयातनगर २५, गिरगाव २१, हट्टा २०, कुरुंदा ३५.

विदर्भ : सोनोशी ३०, अकोला ३४, घुसर ३०, बोरगावमंजू ४१, शिवणी ४३, सांगळूद ३१, बार्शीटाकळी ३७, महान ३१, पिंजर ३०, खेर्डा ३८, मुंगळा ३०, चिखलदरा ३७, दर्यापूर ४०, बोटोनी ३२, घाटंजी ३३, साखरा ३४, हुडकेश्‍वर ४३, मुसेवाडी ४०, उमरेड ७०, हेवंती ५२, मळेवाडा ४८, भिवापूर ३७, कारेगाव ६४, कुही ३१, तितूर ४१, कान्हाळगाव ७२, केशोरी ३०, चंद्रपूर ३१, चांदनखेडा ३२, विहाड ३१, गडचिरोली ४४, येवळी ४२, चामोर्शी ३७, कुंघाडा ६३, घोट ४६, आष्टी ३६, सिरोंचा ५२, बामणी ६८, पेंटीपका ५२, असारळी ३७, जिमलगट्टा ८५, अल्लापाल्ली ४५, पेरमिली ३५, एटापल्ली ४४, कासंसूर ३९, जरावंडी ३५, गाट्टा ३५, धानोरा ३९, चाटेगाव ५६, पेंढरी ४५, कोटगुळ ३५, मुलचेरा १५७, तरडगाव ६१, भामरागड १९०.

तुरळक ठिकाणी मुसळधारेचा अंदाज
बंगालच्या उपसागरात तयार झालेल्या कमी दाब क्षेत्रामुळे पाऊस स.िक्रय झाला अाहे. आज (ता. २१) राज्यात सर्वदूर पावसाची शक्यता असून, कोकण, मध्य महाराष्ट्र, विदर्भासह मराठवाड्यातही तुरळक ठिकाणी मुसळधारेचा अंदाज हवामान विभागाने वर्तविला आहे. तर, उद्यापासून (ता. २२) पावसाचा जोर पुन्हा ओसरणार असून, कोकण अनेक ठिकाणी; तर मध्य महाराष्ट्रात काही ठिकाणी पावसाची शक्यता आहे.

इतर अॅग्रो विशेष
रानडुकरांचे पर्यावरणस्नेही व्यवस्थापनवनविभाग किंवा जंगलाच्या आसपास असलेल्या...
मराठवाड्यात भीषण जलसंकटऔरंगाबाद : मराठवाड्यातील ८२४ लघू मध्यम...
पशुपालन, प्रक्रिया उद्योगात नेदरलॅंडची...शास्त्रीय पद्धतीने पशुपालन, दुग्धोत्पादन आणि...
आदिवासी पाड्यावर रुजली कृषी उद्योजकताकोणे (ता. त्र्यंबकेश्वर, जि. नाशिक) येथील आदिवासी...
मंडळ स्तरावरील अचूक हवामान अंदाजासाठी...परभणी ः महावेध प्रकल्पांतर्गत मंडळ स्तरावरील...
विदर्भासह, मध्य महाराष्ट्र, मराठवाड्यात...पुणे : विदर्भात उष्णतेची लाट आली आहे. यातच दोन...
राज्यातील सर्वांत मोठा सौरऊर्जा प्रकल्प...नाशिक: कृषिपंपांना दिवसा वीज मिळावी, या...
मॉन्सून मंगळवारपर्यंत उत्तर...पुणे: नैॡत्य मोसमी वारे (मॉन्सून) शनिवारी (ता. १८...
राज्याचे स्वतंत्र निर्यात धोरण ठरणारनागपूर ः शेतीमालाची निर्यात दुपटीने वाढविण्याचे...
राज्यात कापूस बियाणे विक्री २५ मेपासूनजळगाव ः राज्यातील पूर्वहंगामी कापूस लागवड...
दुष्काळात परवडीने ओलांडली सीमा (video...औरंगाबाद : वीस वर्षांचा होतो तवापासून शेतीत राबतो...
Breaking : मॉन्सून अंदमानात दाखलपुणे : नैर्ऋत्य मोसमी वारे (मॉन्सून) आज (ता. १८)...
बिगर नोंदणीकृत जैविक उत्पादनात खत...पुणे : शेतकऱ्यांना पुरविल्या जाणाऱ्या बिगर...
अर्थकारण उंचावणारी उन्हाळी मुगाची शेती वाशिम जिल्ह्यातील पांगरी नवघरे येथील दिलीप नवघरे...
दोनशे देशी गायींच्या संगोपनासह ...सुमारे दोनशे देशी गायींचे संगोपन-संवर्धन यासह...
सांगली : दुष्काळी भागात मंत्र्यांच्या...सांगली ः जिल्ह्यातील दुष्काळी पट्ट्यातील...
‘रोहयो’च्या प्रस्तावांना तीन दिवसांत...मुंबई  ः रोजगार हमी योजनेखाली कामांच्या...
बनावट खतनिर्मिती कारखान्यावर गुणवत्ता...नाशिक : केवळ सेंद्रिय खतांच्या उत्पादनाचा परवाना...
सचिव, आयुक्तांना झुगारून ‘को-मार्केटिंग...पुणे : शेतकऱ्यांची फसवणूक टाळण्यासाठी कावळ्याच्या...
साखर निर्यातीकडील दुर्लक्ष कारखान्यांना...कोल्हापूर : केंद्र सरकारने साखर निर्यातीचे दिलेले...