agriculture news in marathi, heavy rain in murtijapur, akola, maharashtra | Agrowon

मूर्तिजापूर तालुक्यात अतिवृष्टी
टीम अॅग्रोवन
गुरुवार, 12 जुलै 2018

अकोला  : जिल्ह्यातील मूर्तिजापूर तालुक्यात तीन दिवसांपासून संततधार पाऊस सुरूच असून, ठिकठिकाणचे नदी-नाले अोसंडून वाहत अाहेत. मंगळवारी रात्री तालुक्यात काही भागांत अतिवृष्टी झाल्याने राजनापूर खिनखीनी, कुरुम, कवठा, मंडूरा, रामटेक, कासारखेड, कार्ली, माना आकोली, सैदापूर, नवसाळ ही गावे पाण्याखाली आली अाहेत. सर्वांत जास्त नुकसान कुरूम, राजनापूर, खिनखीनी, कवठा, सैदापूर, कार्ली या गावांत झाल्याची माहिती आहे.

अकोला  : जिल्ह्यातील मूर्तिजापूर तालुक्यात तीन दिवसांपासून संततधार पाऊस सुरूच असून, ठिकठिकाणचे नदी-नाले अोसंडून वाहत अाहेत. मंगळवारी रात्री तालुक्यात काही भागांत अतिवृष्टी झाल्याने राजनापूर खिनखीनी, कुरुम, कवठा, मंडूरा, रामटेक, कासारखेड, कार्ली, माना आकोली, सैदापूर, नवसाळ ही गावे पाण्याखाली आली अाहेत. सर्वांत जास्त नुकसान कुरूम, राजनापूर, खिनखीनी, कवठा, सैदापूर, कार्ली या गावांत झाल्याची माहिती आहे.

मंगळवारी रात्री उशिरा उपरोक्त गावांच्या परिसरात पावसाने रौद्ररूप धारण केल्याने गावालगत असलेले अंबर नाला, मोरीमाय नाला, जामठी नाला, सैदापूर नाला, कवठा, खिनखीनी हे सर्व नाले तुडुंब भरून वाहू लागले. प्रचंड प्रमाणात पाऊस झाल्याने पाणी नाल्यातून पुढे जात नव्हते. तथापि, नाल्याचे बांध फुटून पाणी गावात शिरले. गावात शिरलेल्या पाण्याने ग्रामस्थांचे मोठ्या प्रमाणात नुकसान झाले आहे. हेच पाणी शेतात शिरल्याने पिके अक्षरशः खरडून गेली आहेत.

राजापूर येथे पहाटे ५ वाजता पाणी शिरल्याने तेथील शहादेव सोळंके, रामदास हिवराळे, बबनराव सेजव, तुळशीराम सेजव, मनोज कडू, मुकुंदा भागवत, विनोद चक्रे, मारोतराव गाडगे यांच्या कुटुंबांना जिल्हा परिषद शाळा व महादेव मंदिरात स्थलांतरित करावे लागले. या नागरिकांच्या घरातील अन्नधान्य ओले झाले. कवठा सोपीनाथ येथील बाळू बाजड यांचे मातीत बांधकाम असलेले अर्धे घर पडून त्यात मोठे नुकसान झाले असून, कुठलीही जीवितहानी झाली नाही.

कुरूम इथेही हीच स्थिती असून इतवारा, आठवडी बाजार, माळीपुरा, शिवनगर, मेन रोड, पंचशील विद्यालय, भोईपुरा, चांभारपुरा, मातंगपुरा, जामठी रोड मुस्लिम वस्ती या परिसरात मोठ्या प्रमाणात पाणी शिरल्याने १० कुटुंबांना जिल्हा परिषद शाळेत स्थलांतरित करण्यात आल्याची माहिती आहे.

कुरुम गावालगत राष्ट्रीय महामार्ग जात असून, महामार्गाचे काम चालू आहे. याकामामुळे गावाबाहेरून वाहणाऱ्या होळी नाल्याचे पाणी पुढे जाण्यास अडथळा निर्माण झाला आहे. शिवाय या नाल्याला काही अंतरावर चार नाले येऊन मिळत असल्याने नाल्याचे पाणी गावात शिरले. कुरूमनजीक राष्ट्रीय महामार्गाचे काम सुरू असून, या रस्त्याचे काम करणारे दोन मजूर रस्त्यालगत शेतात एका घरात अडकून पडले होते. माना पोलीस स्टेशनचे पोलीस उपनिरीक्षक चंदू पाटील यांनी प्रसंगावधान राखून महादेव गुणाजी वऱ्हेकर (वय ६५), विकास नामक मजुरांना पाण्यात दोर टाकून लोकांच्या मदतीने बाहेर काढून त्यांचे प्राण वाचविले.

वऱ्हाडात बहुतांश ठिकाणी संततधार पाऊस
तीन दिवसांपासून वऱ्हाडात पाऊस होत असून अकोला, वाशीम जिल्ह्यांत मंगळवारी (ता. १०) सकाळपर्यंतच्या २४ तासांत पावसाचा जोर कायम राहिला. अकोला जिल्ह्यात सरासरी ३१.२ तर वाशीममध्ये सरासरी ३५.३७ मिमी पाऊस झाला. मूर्तिजापूरमध्ये सर्वाधिक ७० मिमी पावसाची नोंद झाली आहे. मागील तीन दिवस सर्वत्र ढगाळ हवामान असून, काही ठिकाणी संततधार पाऊस कोसळत असल्याने शेतीतील कामे ठप्प झाली अाहेत. जनजीवन विस्कळित झाले अाहे.

अकोला, वाशीममधील तालुकानिहाय पाऊस (मिमी) ः अकोला ३४.८, बार्शीटाकळी २२.३, अकोट २१.५, तेल्हारा २५.५, बाळापूर १९, पातूर २५, मूर्तिजापूर ७० वाशीम ३६.९४, मालेगाव ४५.७५, रिसोड ४९.२५, मंगरुळपीर २५.९६, मानोरा २१.४०, कारंजा ३३.

इतर ताज्या घडामोडी
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...
पुणे जिल्ह्यात ११५ गावे पितात दूषित पाणीपुणे ः जिल्ह्यातील ११५ गावे चक्क दूषित पाणी पित...
शेतकरी सन्मान निधी योजनेत नगर...नगर : शेतकऱ्यांना निश्‍चित उत्पन्न मिळवून...
शेतीमाल तारण, ई नाम पुरस्कारांचे...पुणे: शेतीमाल तारण आणि आॅनलाइन राष्ट्रीय कृषी...
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...