विदर्भात आज अतिवृष्टीचा इशारा

विदर्भात आज अतिवृष्टीचा इशारा
विदर्भात आज अतिवृष्टीचा इशारा

पुणे ः बंगालच्या उपसागरात तयार झालेल्या कमी दाब क्षेत्राची तीव्रता वाढत आहे. या भागात चक्रिवादळ तयार होण्याचे संकेत आहेत. या प्रणालीमुळे राज्यात पाऊस जोर वाढणार असून आज (ता. २१) विदर्भात अतिवृष्टीचा इशारा देण्यात आला आहे. तर कोकण, मध्य महाराष्ट्र आणि मराठवाड्यात तुरळक ठिकाणी मुसळधार पावसाचा अंदाज हवामान विभागाने वर्तविला आहे. येत्या सोमवार (ता. २४) पर्यंत राज्यात तुरळक ठिकाणी हलका ते मध्यम स्वरूपाचा पाऊस पडेल. आज आणि उद्या मध्य महाराष्ट्र, कोकण, विदर्भ, मराठवाड्यात बऱ्याच ठिकाणी पाऊस पडण्याची शक्यता आहे. पुणे परिसरातही पावसाच्या मध्यम ते जोरदार सरी पडण्याचा अंदाज आहे.  आंध्रप्रदेशातील कालिगपटनमपासून नैऋत्य दिशेच्या बाजूला सुमारे ३१० किलोमीटर, ओडिशातील गोपाळपूरपासून तीनशे किलोमीटर अंतरावर चक्रीवादळ आहे. या चक्रीवादळाची तीव्रता अधिक होणार वाढणार आहे. हे चक्रीवादळ आंध्रप्रदेशाच्या बाजूला सरकेल. या चक्रीवादळाचा वेग ताशी ६० ते ७० किलोमीटर आहे.  आज या चक्रीवादळाचा वेग वाढत जाऊन ८० किलोमीटर होईल. तसेच मध्य महाराष्ट्राचा उत्तर भाग, उत्तर प्रदेश, राजस्थान आणि मध्य प्रदेशाचा पूर्व भागातही समुद्रसपाटीपासून सुमारे ५.८ किलोमीटर अंतरावर कमी दाबाचे क्षेत्र तयार तयार झाले आहे.     कोकणातील भिरा, वेंगुर्ला येथे गुरुवारी (ता. २०) सकाळी आठ वाजेपर्यंत हलक्या सरी बरसल्या. मध्य महाराष्ट्रातील शिरूर, पुणे शहर, साक्री, सांगोला, कवठे महाकाळ, ओझर, कर्जत, मिरज, सांगली, तळोदा येथे हलका ते मध्यम स्वरूपाचा पाऊस पडला. मराठवाड्यातील आष्टी, गेवराई, नायगाव, खैरगाव, पैठण, सोनपेठ, तुळजापूर येथेही हलका पाऊस पडला. विदर्भातील अकोला, ब्रम्हपुरी येथे पावसाच्या अधूनमधून सरी बरसल्या असून उर्वरित भागात काही अंशी ढगाळ हवामान होते. मध्य महाराष्ट्र, कोकण, मराठवाड्यातील अनेक भागात अधूनमधून ऊन सावल्याचा खेळ सुरू होता. पावसामुळे सुकत असलेल्या पिकांना काही अंशी दिलासा मिळाला असून पिके वाढीच्या अवस्थेत आहे.  गुरुवारी (ता. २० ) सकाळी आठ वाजेपर्यंतच्या चोवीस तासांत झालेला पाऊस ( मिलिमीटरमध्ये) ः कोकण ः भिरा, वेंगुर्ला १०  मध्य महाराष्ट्र ः शिरूर ७०, साक्री ६०, सांगोला ४०, कवठेमहाकाळ, ओझर, पारनेर २०, कर्जत, मिरज, सांगली, तळोदा १०  मराठवाडा ः आष्टी ३०, गेवराई, नायगाव, खैरगाव २०, पैठण, सोनपेठ, तुळजापूर १० विदर्भ ः अकोला, ब्रम्हपुरी १०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com