agriculture news in marathi, heavy rain in satara district, maharashtra | Agrowon

सातारा जिल्ह्यातील पश्‍चिम भागात दमदार पाऊस
टीम अॅग्रोवन
मंगळवार, 17 जुलै 2018

सातारा : जिल्ह्याच्या पश्‍चिमेकडील महाबळेश्वर, जावली, पाटण, सातारा, वाई तालुक्‍यांतील अनेक ठिकाणी दमदार पाऊस झाला आहे. जिल्ह्यात सोमवारी सकाळी आठ वाजेपर्यंतच्या २४ तासात सरासरी ४१.५८ मि.मी. पाऊस झाला आहे. धरण क्षेत्रातही दमदार पाऊस असल्याने प्रमुख धरणांतील पाणीसाठा ५० टक्‍क्‍यांवर गेला आहे.

सातारा : जिल्ह्याच्या पश्‍चिमेकडील महाबळेश्वर, जावली, पाटण, सातारा, वाई तालुक्‍यांतील अनेक ठिकाणी दमदार पाऊस झाला आहे. जिल्ह्यात सोमवारी सकाळी आठ वाजेपर्यंतच्या २४ तासात सरासरी ४१.५८ मि.मी. पाऊस झाला आहे. धरण क्षेत्रातही दमदार पाऊस असल्याने प्रमुख धरणांतील पाणीसाठा ५० टक्‍क्‍यांवर गेला आहे.

जिल्ह्यात रविवारी दुपारपासून अनेक ठिकाणी पावसास सुरवात झाली. अधून मधून दमदार सरी कोसळत होत्या. मध्यरात्रीपासून पावसाचा जोर वाढला. पश्‍चिम भागात संततधार पाऊस सुरू होता. महाबळेश्वर, जावली, पाटण, सातारा, वाई तालुक्‍यांत अनेक ठिकाणी दमदार पाऊस झाला आहे. पावसामुळे अनेक शेतात पाणी साचल्याने पिके कुजण्याचा धोका निर्माण झाला आहे. या परिसरातील सर्वच कामे ठप्प झाली आहे.

एकट्या महाबळेश्‍वर शहरात २४ तासात २९८. ७ मिमी पावसाची नोंद झाली आहे. मुसळधार पावसामुळे वेण्णा लेक परिसर जलमय झाला आहे. पाटण, जावली, सातारा, महाबळेश्वर तालुक्‍यात भात लागवड सुरू आहे. कोरेगाव, कराड, खंडाळा या तालुक्‍यात मध्यम तर माण, खटाव, फलटण या तालुक्‍यात हलका ते मध्यम स्वरूपाचा पाऊस झाला आहे.

कोयना धरण क्षेत्रातही पावसाचा जोर वाढला आहे. धरण क्षेत्रातील कोयना येथे १९२, नवजा येथे २७७, तर महाबळेश्वर येथे १८९ मि.मी. पावसाची नोंद झाली आहे. या धरणातील पाणीसाठ्यात सोमवारी सकाळपर्यंतच्या २४ तासांत ४.८६ टीएमीसीने वाढ झाली आहे. सध्या धरणात ६९.७८ टीएमसी पाणीसाठा झाला आहे. पावसाचा जोर वाढत असल्याने धरणात मोठ्या प्रमाणात पाण्याची आवक होत आहे. इतर धरणांच्या क्षेत्रात पावसाचा जोर कायम आहे. धोम, कण्हेर, उरमोडी, तारळी, धोम-बलकवडी या प्रमुख धरणातील पाणीसाठा ५० टक्‍क्‍यांवर गेला आहे.    

तालुकानिहाय पाऊस (मि.मी.) ः सातारा २५.९८, जावली ७३.६७, पाटण ५८.४५, कराड १४.१५, कोरेगाव १०.३९, खटाव ४.६१, माण २.२९, फलटण  १.५६, खंडाळा १०.८५, वाई २८.८०, महाबळेश्वर २२६.६०.

जिल्ह्यातील धरणांतील पाणीसाठा टक्केवारी ः कोयना ६६.३०, उरमोडी ६०.३५, धोम बलकवडी  ७०.५५, तारळी ६१.८८, धोम ४९.६१, कण्हेर ५८.७३, नागेवाडी २९.६६, मोरणा (गुरेघर) ७१.५६, उत्तरमांड ४६.०८, महू ८.७५, हातगेघर ३१.२८, वांग (मराठवाडी) २५.५५, चिखली ५८.१५,  जांभळी ९७.९३, पांगारे ९३.६१, कुसवडे ५४.१७, काळगाव ८५.५५.

इतर ताज्या घडामोडी
पाणी अमूल्य असल्याने जनजागृतेची गरज ः...कोल्हापूर : ‘‘पाण्यासाठी व्यापक जनजागृती होणे...
येवला तालुक्यात हंडाभर पाण्यासाठी वणवणनाशिक : कमी पावसामुळे येवला तालुक्यात पाणीटंचाई...
हवामानविषयक समस्यांमुळे शेतीवर परिणाम ः...परभणी ः जागतिक तापमान वाढ, पावसातील अनियमितता,...
मतदार यादीत वाढला महिलांचा टक्कानगर : निर्दोष मतदार यादी तयार करण्यासाठी जिल्हा...
तापमानातील चढ-उताराचा अंजीर उत्पादकांना...परभणी : तापमानातील चढ-उतारामुळे अंजिराची फळे...
गुलटेकडीत भाजीपाल्याची आवक कमी; दर वाढलेपुणे ः गुलटेकडी येथील कृषी उत्पन्न बाजार...
यंदा मतदानात महिला पुरुषांना मागे टाकणारनवी दिल्ली : लोकसभा निवडणुकांमध्ये पुरुषांपेक्षा...
शक्तिशाली उल्कापातापासून बचावली पृथ्वीपुणे ः अमेरिकेतील अवकाश संशोधन संस्था ‘नासा’...
संत्रा बागांना उरला केवळ टॅंकरचा आधारअमरावती : संत्रा बागा जगविण्यासाठी...
मराठवाड्याच्या पाण्यासाठी फक्त बोलून...परभणी : केवळ जायकवाडीच्या हक्काच्या...
राज्यात चार हजाराने मतदान केंद्रे वाढलीमुंबई  : लोकसभा निवडणुकीसाठी राज्यात...
काँग्रेस-राष्ट्रवादीच्या महाआघाडीचा...मुंबई : गेले सहा महिने विविध समविचारी पक्षांशी...
चंद्रपूर : बांगडेंच्या उमेदवारीने...चंद्रपूर : गेल्या पंधरवाड्यापासून चंद्रपूर...
प्रियांका गांधींचा नागपुरात होणार रोड शोनागपूर ः काँग्रेस उमेदवाराच्या प्रचारार्थ...
अमरावती लोकसभेसाठी होईल दुहेरी लढतअमरावती : शिवसेनेकडून दोनदा संसदेत गेलेल्या...
संजय धोत्रे चौथ्यांदा लोकसभा...अकोला :  लोकसभा निवडणुकीची रणधुमाळी सुरू...
लोकसभा निवडणुकीसाठी आतापर्यंत ७१...मुंबई : लोकसभा निवडणूक २०१९ अंतर्गत आज पहिल्या व...
शेती, बेरोजगारी, वाहतूक कोंडी प्रश्‍...पुणे : जिल्ह्यातील ‘शेतीसंपन्न’ आणि ‘औद्योगिक...
भाजपच्या चार विद्यमान खासदारांचा पत्ता...मुंबई : लोकसभा निवडणुकीसाठी भाजपाने...
सातारा : प्रमुख धरणांतील पाणीसाठ्यात घटसातारा : कमी पर्जन्यमानाचा परिणाम...