वऱ्हाडात विविध ठिकाणी जोरदार पावसाची हजेरी

अकोला ः अकोला व बुलडाणा जिल्ह्यांत शनिवारी (ता. २३) सकाळी बऱ्याच ठिकाणी ढगांच्या गडगडासह पाऊस झाला. मोताळा तालुक्यात वीज पडून एका ४० वर्षीय महिलेचा मृत्यू झाला. अकोला, बाळापूर, बुलडाणा, मोताळा या तालुक्यांमध्ये पावसाने चांगली हजेरी लावली. शनिवारी पहाटेपासून पावसाला सुरवात झाली होती. सुमारे दीड ते दोन तास हा पाऊस झाला.

मोताळा तालुक्यात अाव्हा येथे विमलताई श्रीराम घोंगटे (वय ४०) ही महिला सकाळी १० वाजेदरम्यान शेतात काम करीत असताना त्यांच्या अंगावर वीज पडली. यात त्यांचा मृत्यू झाला. दमदार पावसामुळे मोताळा तालुक्यात विविध नाल्यांना पाऊस वाहला. कोथळी परिसरात मुसळधार पाऊस झाल्याने शेतशिवारांमध्ये सर्वत्र पाणी साचले होते. या मोसमात हा पहिलाच दमदार पाऊस ठरला. रिधोरा परिसरात बियाणे गेले वाहून

बाळापूर तालुक्यातही गेल्या २४ तासांत ठिकठिकाणी पाऊस पडला. रिधोरा शिवारात पवन अग्रवाल यांनी ठोक्याने १६ एकर शेतात शुक्रवारी कपाशीची पेरणी केली होती. जोरदार पाऊस झाल्याने शेतात सर्वत्र पाणी साचले. काही ठिकाणी जमीन खरडून गेली. यामुळे लागवड केलेले बियाणेसुद्धा वाहून गेले अाहे, यामुळे अग्रवाल यांचे मोठे नुकसान झाले अाहे.