agriculture news in Marathi, heavy Vidarbha and Marathwada, Maharashtra | Agrowon

विदर्भात दणका; मराठवाड्यात जोरदार
टीम अॅग्रोवन
बुधवार, 22 ऑगस्ट 2018

२०० मिलिमीटरपेक्षा अधिक पाऊस पडलेली ठिकाणे  
नागरधन २४५, रामटेक २०१, कान्हान २४५, निमखेडा २४५, मौदा २६३, चाचेर २८१, कोडामेंडी २९१ (सर्व नागपूर), आहेरी २८०, अल्लापाल्ली २१२, देसाईगंज २२९ (सर्व गडचिरोली).

पुणे : राज्यात सुरू असलेल्या पावसाने विदर्भाला दणका दिला असून नागपूर, गडचिरोलीत धूमशान घातले आहे. तर, नांदेडसह मराठवाड्यातील काही भागांत पावसाने थैमान घातले आहे. या पावसामुळे नद्या, नाले दुथडी भरून वाहत असून, नदीकाठच्या गावांना सतर्कतेचा इशारा देण्यात आला अाहे. मराठवाडा आणि विदर्भात पिकांचे मोठे नुकसान झाले असून, नागपूरमध्ये आणि नांदेडध्ये आठ जणांचा मृत्यू झाला अाहे. आजपासून (ता. २२) पावसाचा जोर ओसरणार असल्याची माहिती हवामान विभागाने दिली. 

नागपूरमधील रामटेक, पारशिवणी, मौदा, गडचिरोलीतील अेहरी, देसाईगंज तालुक्यात धुव्वाधार पाऊस पडला. नागपूरमध्ये घर कोसळून तिघांचा मृत्यू झाला, तर पारशिवणी तालुक्यातील आमडी येथे सदाशिव सातपैसे (वय ४२) हे वाहून गेले. पूर्व विदर्भातसह वऱ्हाडात पावसाने जोरदार पुनरागमन केले. अकोला, बुलडाणा, वाशीम या तीनही जिल्ह्यांत सर्वदूर जोरदार पावसाची नोंद झाली. बुलडाणा जिल्ह्यात पावसाचा जोर अधिक होता. वान प्रकल्पाची पातळी झपाट्याने वाढत असून, प्रकल्पातून पाणी सोडले जाणार असल्याने नदी काठावरील गावांना सतर्कतेचा इशारा देण्यात आला. वाशीम जिल्ह्यात बऱ्याच ठिकाणी सखल भागात पिकांमध्ये पाणी साचलेले आहे. जिल्ह्यात अतिवृष्टीने १४ हजार हेक्‍टरचे नुकसान झाले आहे. 

मराठवाड्यात ८५ मंडळांत पावसाने धुमाकूळ घातला असून, परभणी, हिंगोली, नांदेडमध्ये जोर अधिक होता. नांदेड जिल्ह्यात पावसाने घातलेल्या थैमानात चौघांचा मृत्यू झाल्याची घटना घडली. शिवाय पुरात वाहून गेलेल्या आणखी दोघांचा शोध सुरू आहे. नांदेड जिल्ह्यातील किनवट व माहूर तालुक्‍यातील ६४ हजार ७८० हेक्‍टरवरील जिरायती पिकांचे नुकसान झाल्याचा प्राथमिक अंदाज आहे.

नाशिक जिल्ह्यातील धरणाच्या पाणलोट क्षेत्रात पावसाची रिपरिप सुरूच असल्यामुळे गंगापूर धरणातून पाण्याचा विसर्ग तिसऱ्या दिवशीही कायम आहे. या विसर्गामुळे जायकवाडी धरणातील पाण्याची पातळी वाढणार आहे. पुणे जिल्ह्यातही धरणांमध्येही पाण्याची आवक वाढल्याने धरणातून पाणी साडण्यात येत आहे. जिल्ह्यातील नद्या दुथडी भरून वाहत असून भीमा, मुळा-मुठा, निरा नदीला पूर आला आहे. नगर जिल्ह्याच्या पश्‍चिम भागात पावसाची संततधार सुरू होती, तर अन्य भागात जोरदार पावसाची प्रतीक्षा आहे. अकोले तालुक्‍यात जोरदार पाऊस सुरूच असल्याने भंडारदरा, निळवंडे धरणातून पाणी सोडण्यात येत आहे. सोलापूर जिल्ह्यातही सर्वदूर हलक्या स्वरुपाचा पाऊस पडत आहे. भीमानदी ओसंडून वाहत असल्याने उजनी धरणातील पाणीपातळी वाढत आहे. 

मंगळवारी (ता. २१) सकाळपर्यंतच्या २४ तासांमध्ये पडलेला पाऊस (मिलिमीटरमध्ये, स्त्रोत - कृषी विभाग)  

कोकण : किन्हवळी ८२, पोयंजे ६०, तलोजे ७०, मोराबे ६०, कर्जत ८५, नेरळ १३१, कडाव ८०, कळंब १०५, कशेळे ७९, खालापूर चौक ८८, खोपोली ७०, हमरापूर १०८, कासू ६०, निझामपूर ६०, वाकवली ६३, वेळवी ६१, कोंडेगाव ६२, दवेळे ६३, आंबोली ८८. 

मध्य महाराष्ट्र : तोरणमाळ ७५, पातोंडा ६२, रिंगणगाव ८१, बहाळ ६२, हातले ६०, तोंडापूर ६२, भडगाव ६३, कोळगाव ६१, मुठे ९८, भोलावडे ८२, काले ६४, लोणावळा ९६, महाबळेश्‍वर ८७, तापोळा १४३, लामज १५८, आंबा ७७. 

मराठवाडा : पिंपळगाव ७३, नांदेड शहर ७८, नांदेड ग्रामीण ७९, वजीराबाद ८२, तुप्पा ७५, वसरणी ८४, विष्णुपुरी ८०, लिंबगाव ९०, तरोडा ७८, बिलोली ८२, कुंडलवाडी ८६, अदमपूर ८७, लोहगाव ८१, मुखेड ८०, कंधार ८५, कुरूळा ११४, फुलवळ ११९, पेठवडज ११७, उस्माननगर ११७, बारूळ १०३, लोहा ७२, माळाकोळी ९१, कापसी ७५, सोनखेड ८५, शेवडी ७०, कलंबर ११७, हदगाव ९६, तळणी ८६, पिंपरखेड ९८, आष्टी १०१, भोकर १०९, मोघाळी ९०, मातूळ ९६, किनी ८२, शहापूर ८७, किनवट ८३, इस्लापूर ६५, शिवणी ८५, मुदखेड १०२, मुगट ८५, बारड ९१, हिमायतनगर १३०, जवळगाव ९५, सरसम ९५, धर्माबाद ७१, करखेली ८८, उमरी ११८, गोळेगाव ११३, सिंधी १२७, अर्धापूर ७७, दाभड ७५, बरबडा ७४, कुंटूर ७८, नरसी ७६, नायगाव ८२, माजंरम ९४, पाथरी ७४, हादगाव ७७, पूर्णा ७१, ताडकळस ८४, देऊळगाव ८०, हिंगाली ८१, बासंबा ८२, माळहिवरा ७८, कळमनुरी ९०, नांदापूर ९५, हयातनगर ७४, औंढा ८७, येहळेगाव (तूकाराम) ७९, साळवा ७७, जवळा ९३.

विदर्भ : चिखलदरा ११०, सेमडोह १५५, चुर्णी १५४, वाडी १२७, हुडकेश्‍वर १३०, कामठी १७७, वडोदा १९५, दिघोरी १७६, नागरधन २४५, रामटेक २०१, मुसेवाडी १५६, आमडी १५२, कान्हान २४५, निमखेडा २४५, मौदा २६३, खाट १७६, धानळा १८२, चाचेर २८१, कोडामेंडी २९१, कुही १५७, पाचखेडी १०६, वेलतूर १५४, राजोली १६०, तितूर १५२, शहापूर १७४, भंडारा १५४, धारगाव १२०, बेला १४३, पहेला १२०, खामारी १४७, मोहाडी ११६, वार्थी १२५, केंद्री १७०, अड्याळ ११७, कोंढा १२८, चिंचळ १२०, आकोडी १२५, सांगडी १२६, मासाळ १०२, पोहारा १७०, लाखनी १८५, पालंदूर १२३, बोधगाव देवी १२६, अर्जुनी ११७, महागाव १३०, सौदाद १२०, गांगळवाडी १२६, चौगण १५६, बल्लारपूर १०७, गडचिरोली १५०, येवळी १३८, ब्राह्मणी १२०, अरमोरी ११६, पिसेवढथा १२२, वैरागड १२०, पेंटीपका १०५, असारळी १२१, आहेरी २८०, अल्लापाल्ली २१२, मुरूमगाव ११२, देसाईगंज २२९, शंकरपूर १६०, मुलचेरा १६६. 

पाऊस आेसरणार?
दोन दिवसांपासून राज्याच्या विविध भागांत धुव्वाधार कोसळणारा पाऊस आजपासून (ता. २२) आसेरण्याची शक्यता अाहे. मध्य प्रदेशालगत असलेले कमी दाबाचे क्षेत्र निवळत असल्याने पाऊसही कमी होणार आहे. आज कोकणात अनेक ठिकाणी तर उर्वरीत महाराष्ट्रात काही ठिकाणी पावसाची शक्यता असल्याचे हवामान विभागाने स्पष्ट केले आहे. 
 

इतर अॅग्रो विशेष
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...
कीडनाशकांबाबतच्या याचिकेची सर्वोच्च...नवी दिल्ली ः मानवी आरोग्याला धोकादायक व भारतात...
स्वेच्छानिवृत्तीनंतरही प्रयोगशील...सांगली जिल्ह्यातील दुष्काळी आटपाडी शहरातील...
महाराष्ट्रात भावांतर योजना लागू...परभणी ः शेती एवढ्या समस्या कुठेच नाहीच. सर्व...
तयारी रब्बी हंगामाची...खरीप पिकांच्या काढणीनंतर रब्बी हंगामासाठी...
ऊसदर नियंत्रण समितीची पहिली बैठक...मुंबई : ऊसदर नियंत्रण समितीची बैठक सोमवारी (ता.१७...
डाळिंब उत्पादनात घट होण्याची शक्यतासांगली ः राज्यात पावसाने दडी मारली आहे. यामुळे...