agriculture news in marathi, Help sugar industry in maharashtra : Pawar tell CM Fadanvis | Agrowon

उत्तर प्रदेश, हरियाना, पंजाबप्रमाणे साखर कारखान्यांना मदत करा
टीम अॅग्रोवन
रविवार, 16 डिसेंबर 2018

पुणे : जागतिक साखरेचे बाजार आणि खप विचारात घेता तयार झालेल्या स्थितीत राज्यातील साखरनिर्मितीचा खर्च वाढला आहे. यामुळे कारखान्यांना यंदा प्रतिक्विंटल ४०० रुपये तोटा येईल, असे भाकित माजी केंद्रीय कृषिमंत्री व व्हीएसआयचे अध्यक्ष शरद पवार यांनी वर्तविले. 

पुणे : जागतिक साखरेचे बाजार आणि खप विचारात घेता तयार झालेल्या स्थितीत राज्यातील साखरनिर्मितीचा खर्च वाढला आहे. यामुळे कारखान्यांना यंदा प्रतिक्विंटल ४०० रुपये तोटा येईल, असे भाकित माजी केंद्रीय कृषिमंत्री व व्हीएसआयचे अध्यक्ष शरद पवार यांनी वर्तविले. 

जगाच्या साखर बाजारपेठेचा अभ्यासपूर्ण आढावा घेत देशाबरोबरच राज्याच्या साखर कारखानदारीचे नेमके चित्र श्री. पवार यांनी व्हीएसआयच्या वार्षिक सभेत मांडले. श्री. पवार म्हणाले, की २०१७-१८ मध्ये जागतिक साखर उत्पादन १९३ दशलक्ष टन तयार झाले. त्यापैकी १८३ दशलक्ष टन साखरेचा वापर झाला आणि १० दशलक्ष टन साखर अतिरिक्त दिसते आहे. मात्र, २०१८-१९ च्या हंगामात जगात १९२ दशलक्ष टन तयार होईल. त्यातील १८५ दशलक्ष टन वापर होईल. म्हणजेच ७ दशलक्ष टन जगात जादा साखर तयार होणार आहे.

भारतात २०१७-१८ मध्ये ३२२ लाख टन साखर तयार झाली. त्यातील २५६ लाख टन साखरेची विक्री बघता १६० लाख टन शिल्लक राहिली. देशात यंदा ३१५ लाख टन तयार होईल असे देशाचे अन्नमंत्री म्हणतात. त्यामुळे अधिक साखर उत्पादनाचा परिणाम बाजारपेठेवर होईल. त्यामुळे साखरदर घसरलेले आहेत. साखरेचा भाव प्रतिक्विंटल २९०० आहे. मात्र, नजीकच्या काळात बाजारपेठेत सुधारणा होणार नाही.

यंदा कारखान्यांना ३३०० उत्पादन खर्च येणार असून, तोटा प्रतिक्विंटल ४०० रुपये होईल, असे सांगून श्री. पवार म्हणाले, की कारखान्यांना त्यामुळेच एफआरपी देणे अवघड जात आहे. परिणामी ऊस उत्पादक शेतकऱ्यांमध्ये नाराजी बघण्यास मिळते. त्यामुळे या समस्येतून बाहेर निघण्यासाठी आता सरकारी मदत झाली पाहिजे. 

केंद्राने साखर निर्यात वाहतूक अनुदान दिले; पण एफआरपी देण्यासाठी उत्तर प्रदेश, हरियाना, पंजाब सरकारप्रमाणेच महाराष्ट्र सरकारनेदेखील मदत केली पाहिजे. कारण साखर उद्योग हा राज्याच्या ग्रामीण भागाला, शेतीला मदत करणारा धंदा आहे. शेतकऱ्यांचे आर्थिक स्रोत वाढविणारा हा व्यवसाय सांभाळण्यासाठी सरकारने मदत करायला हवी, असे आवाहन श्री. पवार यांनी केले.

आधुनिकीकरणाच्या कामाला लागा
ऊस रसापासून बी हेव्ही मोलॅसिस तयार करणे, तसेच इथेनॉल उत्पादन वाढविण्यासाठी केंद्र घोषित केलेल्या आर्थिक मदतीच्या भूमिकेबद्दल मी अभिनंदन करतो. कारखान्यांच्या प्रकल्प आधुनिकीकरणासाठी ६१३९ कोटींची तरतूद केली आहे. त्यामुळे आता संचालक मंडळाने जुन्या प्रकल्पांचे आधुनिककरण हाती घ्यावे. प्रकल्प नसल्यास उभारावा व केंद्राच्या तरतुदीतील वाटा पदरात पाडून दोन पैसे शेतकऱ्यांना जादा मिळवून देण्यासाठी प्रयत्न करावा, असा सल्ला श्री. पवार यांनी दिला. 

शरद पवारांकडून साखर कारखान्यांना टिप्स

  •     ऊस उत्पादनवाढीसाठी ऊस विकास विभाग सक्षम करा
  •     तीन वर्षांत बेणे बदलासाठी प्रयत्न व्हावेत
  •     इथेनॉलसाठी प्रकल्पांचे आधुनिकीकरण करावे
  •     हुमणी नियंत्रणासाठी वेळीच पावले टाकावीत 
  •     भविष्यात शर्कराकंदाचा वापर, त्यासाठी गव्हाणीत बदल
  •     ऊस उत्पादनवाढीच्या स्पर्धेत सहभाग वाढवावा
  •     खोडवा उत्पादनावर लक्ष केंद्रित करावे
  •     ऊस पिकाची गुणवत्ता, उतारा वाढविण्यासाठी प्रयत्न

इतर अॅग्रो विशेष
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...