agriculture news in marathi, herbicide turnover, Jalgaon | Agrowon

जळगाव जिल्ह्यात तणनाशकांची उलाढाल चार कोटींवर
चंद्रकांत जाधव
रविवार, 8 ऑक्टोबर 2017

तणनाशकांच्या वापरामुळे वेळ, पैसा वाचतो. मजूर मिळत नाहीत. अनेकदा वाफसा नसतो. त्यामुळे आम्ही तणनाशकांचा वापर करतो. 
- ज्ञानेश्‍वर निळकंठ पाटील, हिंगोणे, ता. चोपडा, जि. जळगाव

जळगाव ः वाढते मजुरीचे दर व मजूरटंचाई आणि अनेकदा वाफसा नसल्यास वाढणारे तण नियंत्रणात आणणे अवघड जाते. यामुळे तण नियंत्रणात आणण्यासाठी जिल्ह्यातील शेतकऱ्यांनी तणनाशकांचा वापर वाढविला आहे. मागील तीन वर्षांत सातत्याने खप वाढत असून, यंदाच्या खरिपात जवळपास तणनाशकांची चार कोटींची उलाढाल झाल्याची माहिती आहे. 

जिल्ह्यात वर्षागणिक तणनाशकांचा वापर वाढत आहे. ग्लायफोसेड प्रकारच्या तणांचा वापर केळी, बंधारे, नापेर राहिलेल्या क्षेत्रातील तण नष्ट करण्यासाठी अधिकचा वापर केला जात असल्याची नोंद जिल्हा परिषदेच्या कृषी विभागाकडे आहे. जिल्ह्यात जवळपास ५० पेक्षा अधिक कंपन्यांच्या तणनाशकांचा पुरवठा खरिपात झाला. तणनाशकांचे दर २६० ते ३०० रुपये लिटरपर्यंत आहेत. 

मजूरटंचाईवर पर्याय
जिल्ह्यात तण नियंत्रणासाठी मजूर नाहीत. यातच अनेकदा पावसाने वाफसा नसतो. अशा स्थितीत शेतकरी तणनाशके वापरतात. एक एकरसाठी किमान एक लिटर तणनाशक लागते. फवारणीच्या मजुरीसह ५०० रुपयांत एक एकरात तण नियंत्रणाचे काम होते, तर एक एकरात तण नियंत्रणासाठी पावसाळ्याच्या काळात किमान २० महिला मजुरांची गरज भासते. त्यासाठी जवळपास दोन हजार रुपये मजुरी लागते. यामुळे शेतकरी तणनाशकांना पसंती देत असल्याचे चित्र आहे.
 
तणनाशक कंपन्यांची चांदी
जिल्ह्यात केळी व कपाशी अधिक आहे. कपाशीसह केळी, पपई, सोयाबीन व इतर पिकांमध्येही तणनाशकांचा वापर होऊ लागला आहे. त्यामुळे तणनाशक पुरवठादार, निर्मात्या कंपन्यांचीही चांदी आहे. जिल्ह्यात रावेर, जळगाव, चाळीसगाव, पाचोरा, चोपडा येथे तणनाशकांचा मोठा खप होत असल्याची माहिती कृषी विभागातून मिळाली. 

एक लाख लिटर वापर 
तणनाशकांच्या नेमक्‍या वापरासंबंधी जिल्हा परिषदेच्या कृषी विभागाने ऑडिट केलेले नसले तरी जिल्ह्यात यंदा एक लाख लिटर एवढ्या तणनाशकांचा वापर शेतकऱ्यांनी केला आहे. त्याची किंमत चार कोटींवर असल्याचे सांगण्यात आले. ज्वारी, बाजरी, ऊस, मका या एकदल पिकांमधील द्वीदल तण नष्ट करणारी तणनाशके वापरली जात आहेत, तर कपाशी, सोयाबीन, तूर आदी द्विदल पिकांमधील एकदल तण नष्ट करणारी तणनाशके वापरली जात आहेत.

नेमकी माहिती सांगणे अवघड

जिल्ह्यात यंदा जवळपास एक लाख लिटर तणनाशकांचा वापर झाला असला तरी किती उलाढाल झाली याची नेमकी माहिती सांगता येणार नाही; परंतु मजूरटंचाईमुळे वर्षागणिक तणनाशकांचा वापर वाढू लागला आहे, असे जळगाव जिल्हा परिषदेचे कृषी विकास अधिकारी मधुकर चौधरी यांनी स्पष्ट केले आहे.

इतर अॅग्रो विशेष
अर्थकारण सुधारणारी तरुणाची एकात्मिक...एकात्मिक शेती पद्धतीचा अंगीकार केल्यानेच सराफवाडी...
कृषी आयुक्तालयातील दक्षता पथक प्रमुखाची...पुणे : राज्याच्या कृषी आयुक्तालयातील दक्षता...
थेट विक्री, प्रक्रियेतून फायदेशीर...दुग्ध व्यवसाय अत्यंत खर्चिक झाला आहे. केवळ...
धान, बोंड अळीग्रस्तांना मदत : पांडूरंग...नागपूर ः गुलाबी बोंड अळीमुळे २० जिल्ह्यांतील...
राज्यात वटाणा प्रतिक्विंटल २००० ते ४५००...पुणे ः राज्यातील वटाण्याचा हंगाम सध्या सुरू झाला...
विनाअनुदानित कृषी महाविद्यालयांचे...पुणे : राज्यातील विनाअनुदानित कृषी...
नाशिकमध्ये ८३ आत्महत्याग्रस्त कुटुंबे...नाशिक : शेतकरी आत्महत्येच्या घटनांना...
शेतीमालाची प्रतवारी, चाळणी सामग्री...पुणे : शेतीमालाची प्रतवारी व चाळणी सामग्री...
बोंड अळीला शासन, बियाणे कंपन्याच...जळगाव ः कपाशीचे बॅसीलस थुरीलेंझीस (बीटी) बियाणे...
शेतमाल खरेदीतील चुका शोधून एक महिन्यात...पुणे: दर्जा असूनही हमीभावाने शेतमालाच्या खरेदीत...
कृषिपंपांची काहींना चुकीची वीजबिले :...नागपूर ः सरकारने कृषिपंपांचे आठ हजार कोटींचे दंड...
`क्रॉपसॅप`मधील चार वर्षांच्या 'पीएफ'...पुणे : राज्यातील कीडरोग सर्वेक्षण व सल्ला प्रकल्प...
किमान तापमानात चढ-उतारपुणे : राज्यात कोरडे हवामान असून हळूहळू थंडी...
शेतीत फुलताहेत उद्यमशीलतेची बेटं गेल्या वर्षी ''महाएफपीसी'' आणि शेतकरी कंपन्यांनी...
सुस्त प्रशासन, स्वस्थ शासनराज्यात बीटी कापूस व सोयाबीन पिकांवर कीटकनाशकांची...
दूध संघांच्या प्रश्नांवर विरोधक आक्रमकनागपूर : राज्यात सध्या अडचणीत आलेल्या सहकारी दूध...
मुंबई बाजार समिती घोटाळ्यातील दोषींवर...नागपूर : मुंबई कृषी उत्पन्न बाजार समितीतील...
मलकापूरला कापसाचे दर पाच हजारांपर्यंतअकोला : बोंड अळीने या हंगामात पिकाचे एकीकडे...
महाराष्ट्रात हुडहुडी वाढणारपुणे : मध्य महाराष्ट्राच्या काही भागांत कमी...
देशभरातील शेतकरी संघटनांचा स्वतंत्र...राष्ट्रीय किसान परिषदेच्या समारोपप्रसंगी...