नांदेड, परभणी, हिंगोली जिल्ह्यांत अतिवृष्टी

नांदेड : नांदेड, परभणी, हिंगोली जिल्ह्यांतील १३९ मंडळांमध्ये शनिवारी (ता. २३) सकाळपर्यंतच्या मुसळधार पावसामुळे ओढ्या-नाल्याला पूर आले. शेतीचे बांध फुटले, जमिनी खरडून गेल्या. पेरणी केलेले बियाणे, हळद बेणे वाहून गेल्यामुळे शेतकऱ्यांचे नुकसान झाले. अनेक तालुक्यात चांगला पाऊस झाल्यामुळे रखडलेल्या पेरण्या सुरू होतील.

नांदेड जिल्ह्यातील बारुळ (१४० मिमी), उस्माननगर (११०), कापशी (१०३ मिमी), मुगट (९१), पिंपरखेड (७६ मिमी), धर्माबाद (७५ मिमी) कुरुला (७२ मिमी) या सात मंडळांमध्ये, परभणी जिल्ह्यातील चुडावा (७५ मिमी), कात्नेश्वर (६५), हिंगोली जिल्ह्यतील हिंगोली (७५ मिमी), माळहिवरा (६९ मिमी), बांसबा (६५ मिमी), हट्टा (१३४ मिमी), औंढा नागनाथ (९८ मिमी) या १४ मंडळांमध्ये अतिवृष्टी झाली. नांदेड जिल्ह्यातील ७४ मंडळांमध्ये मध्यम ते मुसळधार पाऊस झाला. कंधार, लोहा, हदगाव, मुदखेड, धर्माबाद तालुक्यांत पावसाचा जोर अधिक होता. परभणी जिल्ह्यतील ३५ मंडळांमध्ये मध्यम ते जोरादार पाऊस झाला. परभणी, पूर्णा, पालम, गंगाखेड, मानवत तालुक्यात पावसाचा जोर होता. हिंगोली जिल्ह्यातील ३० मंडळांमध्ये मध्यम ते मुसळधार पाऊस झाला. सर्व पाच तालुक्यांत पावसाचा जोर होता.

मंडळनिहाय पाऊस (मिलिमीटरमध्ये) नांदेड जिल्हा : नांदेड शहर १४, नांदेड ग्रामीण १६, वजिराबाद १६, वसरणी ४८, तरोडा ८, तुप्पा ४५, लिंबगाव ९, विष्णुपुरी ११, अर्धापूर १२, दाभड ९, मुदखेडज २०, मुगट ९१, बारड ५१, कंधार ४७, कुरुला ७२, उस्माननगर ११०, पेठवडज ४५, फुलवळ ५७, बारुळ १४०, नायगाव ९, मांजरम ७, बरबडा ३२, कुंटूर २०, किनवट २४, हिमायतनगर ९, सरसरम ६, उमरी ३९, सिंधी ३२, गोलेगाव ३५, मनाठा २०, पिंपरखेड ७६, निवघा ५२, तळणी २५, हानेगाव ७, वाई ३२, वानोळा ८, मोघाळी ३२, बिलोली १०, लोहगांव २५, कुंडलवाडी १०, सगरोळी १२, मुदखेड १५, जांब ६२, येवती १०, जाहूर १८, लोहा ४८, माळकोळी ४७, कलंबर ६०, शेवडी ३०, सोनखेड ९, कापशी १०३, धर्माबाद ७५, करखेली ३९, जळकोट १५. परभणी जिल्हा ः परभणी शहर २५, परभणी ग्रामीण १६, सिंगणापूर ३०, दैठणा १२, झरी २४, पेडगांव ७, पिंगळी १७, जांब १८, पालम १०, चाटोरी ३४, बनवस २५, पूर्णा ५०, ताडकळस  ५३, कात्नेश्वर ६५, गंगाखेड १४, राणीसावरगाव २४, माखणी १५, महातुरी २४, सोनपेठ ७, आवलगाव ११, पाथरी, बोरी ७, केकरजवळा १५, कोल्हा १४. हिंगोली जिल्हा ः हिंगोली ७५, खंबाळा ५२, माळहिवरा ६९, सिरसम ४८, बासंबा ६५, नरसी नामदेव ५६, डिग्रस ३७, कळमनुरी ४१, नांदापूर ४५, आखाडा बाळापूर २५, डोंगरकडा ८, वारंगा १६, वाकोडी १५, सेनगाव २०, गोरेगाव ६२, आजेगाव १५, साखरा ३६, पानकनेरगाव १६, हत्ता १२, वसमत २२, हट्टा १३४, कुरुंदा ३५, टेंभुर्णी १५,आंबा २१, हयातनगर ६०, औंढा नागनाथ ९८, जवळा बाजार ५५, येळेगाव १५२, साळना ४८.