agriculture news in marathi, high voting in kolhapur, maharashtra | Agrowon

उच्चांकी मतदानामुळे कोल्हापूर मतदारसंघ चर्चेत
टीम अॅग्रोवन
गुरुवार, 25 एप्रिल 2019

कोल्हापूर  : राज्याच्या तुलनेत कोल्हापूर लोकसभा मतदारसंघात उच्चांकी मतदान झाल्यानंतर आता आकडेमोडीला सुरुवात झाली आहे. 

कोल्हापूर  : राज्याच्या तुलनेत कोल्हापूर लोकसभा मतदारसंघात उच्चांकी मतदान झाल्यानंतर आता आकडेमोडीला सुरुवात झाली आहे. 

कोल्हापूर लोकसभा मतदारसंघातील निवडणूक अत्यंत चुरशीची झाली. उन्हाच्या तडाख्याने सर्वत्र मतांची टक्‍केवारी घटली असताना या मतदारसंघात उच्चांकी मतदान झाले. निवडणुकीत विविध समीकरणांमुळे बऱ्याच वेळा ही निवडणूक वर-खाली झाली. अनेक चढउतार या निवडणुकीत पहायला मिळाले. हक्‍काचे मतदान घेण्यासाठी पोलिंग बूथवर मतदानाची स्लीप नेईपर्यंत चढाओढ पहायला मिळाली. सायंकाळी मतदान संपल्यानंतर आता झालेले मतदान कोणाला, किती झाले याचा शोध सुरू झाला आहे. शहर आणि गावात, प्रमुख नेत्यांच्या घरात ही आकडेमोड सुरू झाली असून, या आधारेच आता पैजाही लागू लागल्या आहेत. 

निवडणुकीच्या काळात पडद्यामागून झालेल्या घडामोडी, पैशांचा झालेला वारेमाप वापर, वंचित बहुजन आघाडीचा फटका यामुळे निकाल काय लागणार याची कमालीची उत्सुकता मतदारसंघात लागून राहिली आहे. महत्त्वाचे म्हणजे निवडणुकीचा निकाल महिनाभराने म्हणजे २३ मे रोजी लागणार असल्याने दररोज नवीन वावड्या आणि चर्चेमुळे उमेदवार आणि समर्थक मात्र ‘गॅस’वर राहणार आहेत. कोण कोणाचा उघड तर कोण कोणाचा छुपा प्रचार करत होते, याची मात्र आता उघड चर्चा सुरू झाली आहे. मतदानादिवशीच काहींनी पार्टी बदल करून विरोधी उमेदवाराला मदत केली. अशा घटना कोठे-कोठे घडल्या व का घडल्या याचीही चर्चा सुरू आहे.

कोणी आर्थिक मदतीवर, कोणी नोकरीच्या तर कोणी पदाच्या लालसेने उलट-सुलट उमेदवारांना मदत केल्याची माहिती पुढे येत आहे. पडद्यामागील घडामोडींमुळे वर-वर बांधले जाणारे अंदाज चुकण्याची शक्‍यता असल्याने उमेदवारांसह गट-तटाचे प्रमुखही हादरून गेले आहेत. लोकसभा मतदारसंघाअंतर्गत असलेल्या सर्वच विधानसभा मतदारसंघात आगामी विधानसभेची रंगीत तालीम झाली आहे. दूर गेलेले गट जवळ करणे तसेच जवळची नाराज मंडळी दुसऱ्या कंपूत जाण्याचा प्रकार या निवडणुकीत घडला आहे. याचे पडसाद विधानसभा निवडणुकीदरम्यान उमटू नयेत यासाठी आत्तापासूनच विधानसभेसाठी इच्छुकांकडून फिल्डिंग लावण्यात येत आहे.

इतर ताज्या घडामोडी
सेंद्रिय पशुपालन पक्ष्यांच्या...फिनलँड येथील युनिव्हर्सिटी ऑफ हेलसिंकी येथील...
सावळी मोहितकर ग्रामस्थांनी लोकवर्गणीतून...नागपूर ः शासन, प्रशासन आणि लोकप्रतिनिधी स्तरावर...
हळदीला १० हजार रुपये क्विंटल हमीभाव...नांदेड : राज्य आणि केंद्र सरकारने हमीभावाच्या...
चिखलीतील तेल्हारा धरणाच्या गेटदुरुस्तीस...बुलडाणा ः पाटबंधारे विभागांतर्गत असलेल्या चिखली...
गंगापुरात बनावट खतसाठा जप्तऔरंगाबाद : जिल्ह्यातील गंगापूर येथील एका खत...
सहकार आयुक्तालयातील नियुक्त्यांचे घोळ...पुणे  : दुष्काळ, कर्जमाफी आणि घसरलेले...
संत्रा बाग वाळल्याने नयाखेडा येथील...अमरावती ः चार बोअरवेल घेतले, इतरांच्या...
नाशिकमध्ये टरबूज प्रतिक्विंटल ७०० ते...नाशिक : नाशिकमध्ये टरबुजाची आवक ९६० क्विंटल झाली...
झाडावर नाही, काळजावर घाव पडतात नगर ः ‘‘दहा वर्षांपूर्वी संत्र्याची लागवड केली...
सातारा जिल्ह्यात २५४ टँकरद्वारे...सातारा  ः जिल्ह्यात दिवसेंदिवस दुष्काळाची...
नगरमधील शेतकऱ्यांना साडेचाळीस कोटींचे...नगर  ः सरकारने कांद्याला प्रतिक्विंटल २००...
सांगलीत शेतकऱ्यांचा जनावरांसह मोर्चासांगली  : जिल्ह्यातील दुष्काळाची दाहकता...
वऱ्हाडात बाजी कुणाची?अकोला ः  लोकसभा निवडणुकीचा निकाल अवघ्या काही...
पुणे विभागात ‘जलयुक्त’ची आठ हजारांवर...पुणे : भूजल पातळी वाढविण्याच्या उद्देशाने...
नेता निवडीचा अधिकार राहुल गांधींनामुंबई  ः काँग्रेस पक्षाचा विधिमंडळ नेता...
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...