agriculture news in marathi, Highest Gram Sowing in Jalgaon District | Agrowon

जळगाव जिल्ह्यात हरभऱ्याची सर्वाधिक पेरणी
चंद्रकांत जाधव
रविवार, 29 ऑक्टोबर 2017

जळगाव : जिल्ह्यात रब्बी पिकांची पेरणी वेगात सुरू आहे. त्यात कमी पाणी व कमी खर्चाचे पीक म्हणून हरभऱ्याला पसंती मिळत आहे. जिल्हाभरात तापी व गिरणाकाठावरील गावांमध्ये यंदाही हरभऱ्याची पेरणी अधिक असून, यापाठोपाठ दादर (ज्वारी) व मक्‍याची पेरणी केली जात आहे.

जळगाव : जिल्ह्यात रब्बी पिकांची पेरणी वेगात सुरू आहे. त्यात कमी पाणी व कमी खर्चाचे पीक म्हणून हरभऱ्याला पसंती मिळत आहे. जिल्हाभरात तापी व गिरणाकाठावरील गावांमध्ये यंदाही हरभऱ्याची पेरणी अधिक असून, यापाठोपाठ दादर (ज्वारी) व मक्‍याची पेरणी केली जात आहे.

जिल्ह्यात यंदा एक लाख ३८ हजार हेक्‍टरवर रब्बी हंगामाची पेरणी होईल, असा अंदाज किंवा उद्दिष्ट कृषी विभागाने बांधले आहे. रब्बी पेरणीला वेग आला असता, परंतु मध्यंतरी पाऊस आल्याने उडीद, मुगाच्या रिकाम्या क्षेत्रातील पेरणी काहीशी रखडली. त्यात दिवाळी सण आला. अशात पेरणी रखडली होती. दिवाळी आटोपताच थंडी वाढल्याने पेरणीला वेग आला आहे.

पावसानंतर काही शेतकऱ्यांनी लागलीच मशागत करून हरभरा व दादरची पेरणी केली. आजघडीला दादर व हरभऱ्याचे पीक जोमात आहे. त्यात वातावरणात गारवा वाढू लागल्याने या पिकांची वाढही जोमात आहे.

ज्वारी, सोयाबीन याच्या रिकाम्या झालेल्या क्षेत्रात मका पेरणी सुरू आहे. यावल, चोपडा, एरंडोल भागात काही शेतकरी कांदा लागवड करीत आहेत; परंतु बागायती रब्बी पिकांमध्ये मका पेरणीला अधिक पसंती मिळत आहे. गहू पेरणीस अजून फारशी सुरवात झालेली दिसत नाही. परंतु पुढील आठवड्यात तापीकाठावरील गावांमध्ये गहू पेरणी सुरू होईल, असे चित्र आहे.

जिल्हाभरात आतापर्यंत जवळपास ३५ ते ३६ हजार हेक्‍टरवर रब्बी पिकांची पेरणी झाली आहे. यात सर्वाधिक २० ते २२ हजार हेक्‍टर क्षेत्र एकट्या हरभऱ्याचे आहे. यापाठोपाठ दादरची जवळपास सात ते आठ हजार हेक्‍टरवर पेरणी झाली आहे. मका व कांद्याचे क्षेत्र अनुक्रमे चार व दीड हजार हेक्‍टर असल्याचा अंदाज कृषी विभागाने व्यक्त केला आहे.

बियाणे मुबलक
रब्बीच्या पेरणीसाठी बियाणे मुबलक प्रमाणात आहे. विविध कंपन्यांसह महाबीजचे बियाणे शेतकरी घेत आहेत. तसेच गव्हाचे बियाणे पुढील आठवड्यात येईल. गहू पेरणीची मुदत अगदी १५ डिसेंबरपर्यंत असल्याने हे बियाणे टप्याटप्प्याने येईल, असे कृषी विकास अधिकारी मधुकर चौधरी यांनी सांगितले.

अपेक्षित क्षेत्रावर पेरणी होणार
जिल्ह्यात रब्बीची अपेक्षित क्षेत्रावर पेरणी होईल, अशी स्थिती आहे. ऑक्‍टोबरमध्ये आलेल्या पावसाने अनेक शेतकऱ्यांना कोरडवाहू रब्बी पिके पेरणीची उभारी मिळाली आहे, असे तज्ज्ञांचे म्हणणे आहे. अनेक ठिकाणी पावसामुळे गवत वाढले. त्यात वाफसा मिळत नाही. ट्रॅक्‍टरने मशागत करून घ्यावी लागत आहे. त्यात काही दिवस आणखी वेळ लागेल. अनेक ठिकाणी ट्रॅक्‍टर मशागतीसाठी उपलब्ध होत नाहीत.

 

इतर बातम्या
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
दिवसागणिक रब्बी हंगामाची आशा धूसरऔरंगाबाद : जो दिवस निघतो तो सारखाच. परतीच्या...
खैरगावात दोन गुंठ्यांत कापसाचे २५ किलो...नांदेड ः खैरगाव (ता. अर्धापूर) येथील एका...
केन ॲग्रो कारखान्याला मालमत्ता जप्तीची...सांगली ः रायगाव (जि. सांगली) येथील केन ॲग्रो साखर...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
नाशिकमधील ९३ गावांचा पाहणी अहवाल सादरनाशिक : नाशिक जिल्ह्यातील आठ तालुक्यांमध्ये कमी...
दसऱ्याच्या मुहूर्तासाठीच्या कांद्याला...उमराणे, जि. नाशिक : विजयादशमी अर्थात दसऱ्याच्या...
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...