agriculture news in Marathi, horticulture scheme has big response, Maharashtra | Agrowon

फळबाग योजनेला उदंड प्रतिसाद
टीम अॅग्रोवन
शुक्रवार, 14 सप्टेंबर 2018

फळबाग लागवडीच्या नव्या योजनेसाठी गरजू शेतकरी हाच आमचा केंद्रबिंदू आहे. नोकरी, व्यापार करीत नसल्याचे हमीपत्र लिहून देणाऱ्या शेतकऱ्याला प्राधान्य दिले जाणार आहे. जोडधंदा किंवा नोकरी, व्यवसायाचे साधन नसलेल्या शेतकऱ्याला फळबागेच्या रूपाने उदरनिर्वाहासाठी चांगला पर्याय उपलब्ध होईल. 
- शिरीष जमदाडे, फलोत्पादन सहसंचालक

पुणे:  राज्यात नव्याने सुरू करण्यात आलेल्या कै. पांडुरंग फुंडकर फळबाग योजनेला चांगला प्रतिसाद लाभला असून, पहिल्याच वर्षी सुमारे दीड लाख शेतकऱ्यांनी अर्ज केले आहेत. यातील पात्र शेतकऱ्यांना पूर्वसंमती देण्याचे काम कृषी विभागाने सुरू केले आहे. फळे निर्यातीत देशात आघाडीचे राज्य असणाऱ्या महाराष्ट्राला पुन्हा एकदा गरूडभरारी घेण्याची संधी या योजनेमुळे मिळेल, असे सूत्रांचे म्हणणे आहे. 
राज्यात रोजगार हमी योजनेतून (मनरेगा) फळबाग लागवड होते. मात्र, त्यात जॉबकार्ड सक्ती तसेच अनेक अटी असल्यामुळे काही भागांमध्ये या योजनेला प्रतिसाद मिळालेला नाही. 

`आम्ही शेतकऱ्यांच्या अडचणी विचारात घेऊनच नवी योजना केली आहे. त्यात जॉबकार्ड अट काढून टाकली आहे. मनरेगात अपात्र ठरलेल्या शेतकऱ्यालाही या योजनेचा लाभ मिळू शकतो,` असे सूत्रांनी स्पष्ट केले. 
शेतकऱ्यांकरिता नव्या फळबाग योजनेसाठी अर्ज करण्याची मुदत सात ऑगस्टपर्यंत होती. या मुदतीत १ लाख ४४ हजार ५७८ शेतकऱ्यांनी अर्ज केले असून क्षेत्र १ लाख ३५ हजार ६७१ हेक्टर आहे. अर्जासाठी मुदतवाढ देण्याचा प्रस्ताव नाही. तालुका कृषी अधिकाऱ्यांकडून पूर्वसंमती पत्र देण्याची प्रक्रिया सुरू झाली आहे. योजनेत सर्वात जास्त पेरूला अनुदान असून, ते तीन लाख रुपयांपर्यंत असेल. शेतकऱ्यांना या योजनेतून पहिल्या वर्षी ५० टक्के, दुसऱ्या वर्षी ३० टक्के आणि शेवटच्या वर्षी २० टक्के अनुदान दिले जाईल, असे कृषी विभागातील सूत्रांनी सांगितले. 
गेल्या हंगामात देशातून ३ हजार ११३ कोटी रुपये मूल्याची ३ लाख ५१ हजार ८३३ टन प्रक्रियायुक्त फळे निर्यात झाली. त्यात राज्याचा वाटा ३४ टक्के म्हणजे १ हजार ५४ कोटी रुपयांचा होता. देशातून ताज्या फळांची निर्यात ४ लाख ९ हजार ९३८ टन इतकी झाली. त्याचे मूल्य १ हजार ८५८ कोटी रुपयांचे होते. त्यात एकट्या महाराष्ट्राचा वाटा १ लाख २८ हजार टनाचा असून, त्याचे मूल्य ८०५ कोटी रुपये भरते. 

शेतकऱ्यांचा सहभाग वाढण्याची कारणे 

  • अतिघनदाट फळबाग लागवडीला प्राधान्य 
  • जॉबकार्ड, किचकट नियमांना फाटे 
  • सोडत काढून प्रत्येक शेतकऱ्याला नंबर
  • रोपांऐवजी कलमांना अनुदान मिळणार 
  • कलम लागवडी व ठिबक सक्तीमुळे बागा लवकर वाढणार
  • गरजू शेतकऱ्याला प्राधान्य 

नव्या फळबाग योजनेची वैशिष्ट्ये

  • पहिल्या वर्षी अनुदान वाटप होणार- १०० कोटी
  • अर्जदार शेतकऱ्यांची संख्या -१.४४ लाख
  • नव्या बागांचे नियोजित क्षेत्र- १.३५ लाख हेक्टर
  • पहिल्या टप्प्यात होणारी उभारणी- ३० हजार हेक्टर
  • अनुदान मर्यादा- किमान २० गुंठे आणि कमाल ६ हेक्टर

इतर अॅग्रो विशेष
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...
विना `सहकार` नाही उद्धारग्रामीण आणि शहरी भागांचा संतुलित विकास साधत...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
दुष्काळात २५ एकरांत शेवगा, रंगबिरंगी...मुंबई येथील ‘कोचिंग क्लास’चा व्यवसाय असलेले तपन...