agriculture news in marathi, Horticulture spoilage in Nanded, Parbhani, Hingoli districts | Agrowon

नांदेड, परभणी, हिंगोली जिल्ह्यांत फळबागांची नासाडी
टीम अॅग्रोवन
गुरुवार, 15 फेब्रुवारी 2018

नांदेड : नांदेड, परभणी, हिंगोली या तीन जिल्ह्यांत सोमवारी (ता.१२) दुपारी वादळी वाऱ्यासह अवकाळी पाऊस तसेच गारपीट झाल्याने फळबागा, रब्बी पिकांची मोठ्या प्रमाणावर नासाडी झाली आहे. नैसर्गिक आपत्तीमुळे तोंडाचा घास हिरावण्याची चिन्हे दिसू लागल्यामुळे या तीन जिल्ह्यांतील शेतकरी चिंतित झाले आहेत.

नांदेड : नांदेड, परभणी, हिंगोली या तीन जिल्ह्यांत सोमवारी (ता.१२) दुपारी वादळी वाऱ्यासह अवकाळी पाऊस तसेच गारपीट झाल्याने फळबागा, रब्बी पिकांची मोठ्या प्रमाणावर नासाडी झाली आहे. नैसर्गिक आपत्तीमुळे तोंडाचा घास हिरावण्याची चिन्हे दिसू लागल्यामुळे या तीन जिल्ह्यांतील शेतकरी चिंतित झाले आहेत.

गेल्या दोन दिवसांपासून नांदेड, परभणी, हिंगोली जिल्ह्यांतील विविध भागात अवकाळी पाऊस, गारपिटीने थैमान घातले आहे. रविवार (ता.११) पाठोपाठ सोमवारी (ता.१२) दुपारी साडेचारच्या सुमारास नांदेड जिल्ह्यातील लिंबगाव तसेच परिसरातील धानोरा, तळणी, पोखर्णी, ढोकी, खडकी, नाळेश्वर, मरळक गावशिवारात वादळी वाऱ्यासह गारपीट झाली. यामध्ये मोसंबी, लिंबू, डाळिंब, केळी, आंबा आदी फळबागासह गहू,ज्वारी, हरभरा पिके, भाजीपाल्याचे नुकसान झाले.

हादगांव, लोहा, कंधार तालुक्यातील अनेक तालुक्यांतील गावशिवारात झालेल्या अवकाळी पावसामुळे पिकांचे नुकसान झाले. हिमायतनगर तालुक्यात वादळी वाऱ्यात पिलर कोसळून पाचजण जखमी झाले. दरम्यान, नांदेड जिल्ह्यातील ६१ मंडळांमध्ये सरसरी १६ मिलिमीटर पाऊस पडल्याची नोंद झाली आहे.

परभणी जिल्ह्यातील पूर्णा तालुक्यातील चुडावा, गौर, नऱ्हापूर, गोविंदपूर, सोनखेड, पिंपळगांव लिखा, कावलगांव, बरबडी, महागांव, सारंगी, आडगांव, पांढरी, धनगर टाकळी, पिंपळगाव भत्त्या सातेगांव, सोन्ना, निळा, चांगेफळ, भाटेगांव, कळगांव आदी गावशिवारात झालेल्या गारपिटीमुळे पपई, मोसंबी आदी पिकांसह गहू,ज्वारी, हरभरा पिकांची नासाडी झाली.

परभणी तालुक्यातील झरी तसेच परिसरात वादळी वाऱ्यासह पाऊस झाला. पूर्णा तालुक्यात एका महिलेचा मृत्यू झाला तर अन्य सहा जण गारपिटीत सापडून जखमी झाले. पिंपळगाव लिखा गावातील एक वासरू गारपिटीत सापडून दगावले.

हिंगोली जिल्ह्यातील गेल्या दोन दिवसांत झालेल्या गारपिटीमुळे औंढानागनाथ, सेनगांव, वसमत, कळमनुरी या तालुक्यातील १५ ते २० गावांतील २५० ते ३०० हेक्टरवरील पिकांचे नुकसान झाल्याचा प्राथमिक अंदाज आहे. सोमवारी (ता.१२) दुपारनंतर वसमत तालुक्यातील कुरुंदा मंडळातील कुरुंदा, नेहरुनगर, पारडी, दाभडी, कोथारी या गावांच्या शिवारात गारपीट झाल्यामुळे पपई सह अन्य फळबागांचे नुकसान झाले.हट्टा मंडळातील आडगांव, हट्टा आदी ठिकाणी वाऱ्यासह पाऊस झाला.

कळमनुरी तालुक्यातील आखाडा बाळापूर, वारंगाफाटा, आदी ठिकाणी गारपीट झाली. दरम्यान, नुकसानीच्या सर्वेक्षणाचे आदेश दिले आहेत असे जिल्हा अधीक्षक कृषी अधिकारी (हिंगोली) व्ही. डी. लोखंडे यांनी सांगितले.

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...