agriculture news in Marathi, horticulture in trouble due to drought, Maharashtra | Agrowon

संकटातील फळबागा वाचविण्याची धडपड
टीम अॅग्रोवन
सोमवार, 15 एप्रिल 2019

आटते पाणीसाठे व जलस्रोत पाहता अनेक वर्षे जोपासलेल्या फळबागांवर भीषण संकट आहे. परंतू दुष्काळी परिस्थितीत तज्ज्ञांनी सांगितलेले फळबागांचे व्यवस्थापन, पाचट, प्लॅस्टिक आच्छादन, पोटॅशिअम नायट्रेटच्या फवारण्या केल्यास जिवापाड सांभाळलेल्या बागा वाचविता येतील.
- बाळासाहेब शिंदे, जिल्हा अधीक्षक कृषी अधिकारी, जालना

जालना: जिल्ह्यात दुष्काळाच्या पार्श्‍वभूमीवर कृषी विभागाच्या वतीने फळबाग वाचवा अभियान हाती घेतले आहे. या अभियानाच्या माध्यमातून जवळपास पाच हजार हेक्‍टर क्षेत्रावरील फळबागांमध्ये आच्छादनाचा प्रयोग राबविण्यात आला आहे.

 यंदाचा दुष्काळ मराठवाड्यातील फळबागांसाठी कर्दनकाळ ठरू पाहत आहे. पाण्याचे भीषण संकट, दरदिवशी आटत चाललेले स्रोत यंदा बागा वाचतील की नाही, असा प्रश्न उपस्थित करत आहेत. जालना जिल्ह्यात फळबागांचे क्षेत्र जवळपास २४ हजार ४३० हेक्‍टरवर विस्तारले आहे. त्यामध्ये द्राक्ष, डाळिंब, मोसंबी आदी फळपिकांच्या बागांचा समावेश आहे. जिल्ह्यातील अंबड, घनसावंगी, जालना, मंठा, बदनापूर तालुक्‍यातील, मोसंबी, डाळींब, द्राक्ष बागा संकटात सापडल्या आहेत.

शिवाय नव्याने झालेली  लागवडही पाणी कमतरतेमुळे संकटात सापडली आहे. टॅंकरने पाणी आणून बागा जगविण्यासाठीची आर्थिक क्षमता फारच थोड्या शेतकऱ्यांकडे आहे. शिवाय दरदिवशी आटत चालेल्या जलस्रोतांमुळे त्यांनाही दुरवरून किती पाणी आणून बागांना घालायचे यावरही मर्यादा आल्या आहेत. त्यामुळे उपलब्ध पाणी सूक्ष्म सिंचन तंत्राचा उपयोग करून बागा वाचविता येतील का यासाठी कृषी विभागाने ''वाचवा अभियान'' हाती घेतले आहे.

प्राप्त माहितीनुसार फळबाग वाचवा अभियानांतर्गत आतापर्यंत घनसावंगी तालुक्‍यातील बोधलापूरी शिवारातील जवळपास १६० हेक्‍टरवर फळबागा वाचविण्यासाठी आच्छादनाचे काम पूर्ण करण्यात आले आहे. याशिवाय बाचेगाव शिवारात १८० हेक्‍टरपैकी ९० हेक्‍टरवर तर वडी, रामसगाव शिवारातील ९० हेक्‍टर फळबागांपैकी जवळपास ५० हेक्‍टर फळबागांवर आच्छादनाचे काम पूर्ण करण्यात आले आहे.

फळबाग वाचवा अभियानात सुचविलेल्या उपायांची अंमलबजावणी कशी करावी याविषयी माहितीपत्रकाच्या माध्यमातून शेतकऱ्यांना सजग करण्याचे काम केले जात असल्याची माहिती कृषी विभागाच्यावतीने देण्यात आली. 

झाडांच्या वयोमानानुसार फेब्रुवारी ते जुनदरम्यान प्रतिझाड, प्रतिदिन सूक्ष्म सिंचनाद्वारे नेमके किती लिटर पाणी लागते याची माहिती लिखित स्वरूपात सादर केली आहे. फळबाग वाचवा अभियानाच्या माध्यमातून फळबागायतदारांपर्यंत पोचविण्याचे काम केले आहे. शिवाय दीर्घ मुदतीसाठी करावयाच्या उपाययोजना माहिती पत्रकाच्या रूपाने फळबागायतदारांपर्यंत पोचविण्याचे काम कृषी विभाग व आत्माच्या माध्यमातून केले जात आहे. 

अभियानात यावर दिला जातो आहे भर 

  • आच्छादनाचा वापर 
  • मडका सिंचनाचा उपयोग 
  • सलाइनच्या बाटल्यांचा वापर 
  • खोडास बोर्डोपेस्ट लावणे 
  • बोर्डोपेस्टचा वापर करताना घ्यावयाची काळजी 
  • झाडांचा पनोळा, फळ संख्या कमी करणे

     

इतर बातम्या
शेडनेटगृह अनुदानाचे राज्यस्तरीय दरपत्रक...पुणे : धोरणात्मक कामकाजापासून शेतकरी प्रतिनिधींना...
चौथ्या टप्प्यात १०९ कोट्यधीश उमेदवार...मुंबई ः राज्यातील चौथ्या टप्प्याची निवडणूक...
पुणे ः खरिपासाठी एक लाख ८५ हजार टन...पुणे ः पुणे जिल्ह्यात खरीप हंगामाची तयारी सुरू...
ढाकणी पाणी भरणा केंद्र अत्यवस्थदहिवडी, जि. सातारा : दुष्काळाची दाहकता गंभीर रूप...
राज्यातील काॅँग्रेस प्रायव्हेट लिमिटेड...नगर ः ‘‘राज्यातील काॅँग्रेस प्रायव्हेट लिमिटेड...
कपाशीच्या नांदेड ४४ बीटी बियाण्याची ५...परभणी ः महाबीज आणि वसंतराव नाईक मराठवाडा कृषी...
वनस्पतीच्या ताण स्थितीतील संदेश यंत्रणा...वनस्पतीतील ताणाच्या स्थितीमध्ये कार्यरत होणाऱ्या...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
शेतीमालाच्या काढणीपश्चात तंत्रज्ञानावर...नाशिक :  ‘उन्नत शेती समृद्ध शेतकरी...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
रायवाडी तलावातून १५ हजार ब्रास गाळ काढलासांगली ः कवठेमहांकाळ तालुक्यातील सर्वाधिक पाणी...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...
लातूर विभागात होणार चौदाशे शेतीशाळालातूर ः या वर्षीपासून शेतकऱ्यांच्या शेतावर...
कोरडवाहू फळपिकांच्या क्षेत्र वाढीसाठी...नांदेड ः जिल्ह्यातील शेतकऱ्यांच्या शाश्वत...
पुणे जिल्ह्यासाठी २६ हजार ५७३ क्विंटल...पुणे  ः खरीप हंगाम सुरू होण्यास एक ते दीड...
पुणे विभागात राष्ट्रीय फलोत्पादन...पुणे   ः कृषी विभागामार्फत चालू वर्षी...