agriculture news in Marathi, How much sugarcane is fixed in state, Maharashtra | Agrowon

राज्यात निश्चित ऊस किती ?
टीम अॅग्रोवन
गुरुवार, 22 फेब्रुवारी 2018

पुणे : राज्यात यंदा निश्चित किती ऊस आहे, याचा अंदाज शासनाला अजूनही आलेला नाही. राज्याचे कृषी खाते, साखर कारखाने, साखर आयुक्तालय अशा विविध यंत्रणांनी दिलेले ऊस उत्पादनाचे आधीचे अंदाज सपशेल चुकीचे निघाले आहेत. त्यामुळे सर्व साखर कारखान्यांची आढावा बैठक होण्याची शक्यता आहे.

पुणे : राज्यात यंदा निश्चित किती ऊस आहे, याचा अंदाज शासनाला अजूनही आलेला नाही. राज्याचे कृषी खाते, साखर कारखाने, साखर आयुक्तालय अशा विविध यंत्रणांनी दिलेले ऊस उत्पादनाचे आधीचे अंदाज सपशेल चुकीचे निघाले आहेत. त्यामुळे सर्व साखर कारखान्यांची आढावा बैठक होण्याची शक्यता आहे.

राज्यात यंदा भरपूर ऊस आहे हे नक्की. मात्र, किती ऊस आहे, याविषयी कोणाकडेही निश्चित माहिती नाही. साखर कारखान्यांकडून ऊस लागवडीबाबत व त्यानंतर उपलब्धतेबाबत गांभीर्याने माहिती गोळा केली जात नाही. कारखान्यांच्या म्हणण्यानुसार, ‘‘केवळ गाळपालाच नव्हे तर इतर कारणांसाठीदेखील ऊस वापरला जात असल्यामुळे माहिती गोळा करण्यात अडचणी येतात. दुसऱ्या बाजूला राज्याच्या कृषी खात्यात कोणत्याही पिकाची सर्व माहिती बेभरवशाची असते,’’ असे सूत्रांचे म्हणणे आहे. 

कृषी विभागाच्या आकडेवारीनुसारच राज्यातील उसाची उपलब्धता निश्चित केली जाते. या आकडेवारीवर विसंबून राहून साखर आयुक्तालयाने यंदा राज्यात ६५० लाख टन ऊस उपलब्ध राहण्याची शक्यता असल्याचे सांगितले जाते. त्यानंतर पावसामुळे स्थिती बदलली. त्यामुळे ७५० लाख टनांच्या वर ऊस असल्याचे सांगितले जाऊ लागले. 

‘‘साखर कारखान्यांमधीळ गाळपाची स्थिती बघता सध्या ७११ लाख टन ऊस गाळून झाला आहे. अजून फेब्रुवारीदेखील संपलेला नाही. त्यामुळे ८०० लाख टनांच्या पुढे ऊस उपलब्ध असल्याचे स्पष्ट झाले आहे. पश्चिम महाराष्ट्रातील काही साखर कारखाने यंदा अगदी मेपर्यंत गाळप चालण्याची शक्यता वर्तवित असल्यामुळे राज्यात उसाची उपलब्धता कदाचित ९०० लाख टनांच्या पुढेदेखील असू शकते,’’ असेही एका साखर कारखान्याच्या कार्यकारी संचालकाने स्पष्ट केले. 

ऊस उपलब्धतेची निश्चित आकडेवारी शासनाकडे नसल्यामुळे नियोजनात अडथळे येतात. कृषी विभागाच्या म्हणण्यानुसार, ऑगस्ट व सप्टेंबरमध्ये झालेल्या पावसामुळे उसाची उत्पादकता वाढण्याची शक्यता असल्याचे आम्ही यापूर्वीच सांगितले होते. गेल्या हंगामात उसाची उत्पादकता प्रतिहेक्टरी ६५ टन होती. यंदा ती ८० टन राहण्याचा अंदाज वर्तविण्यात आला आहे. 

उसाची उत्पादकता ८० नव्हे, तर १०० टन 
उसाचे क्षेत्र अंदाजाप्रमाणे योग्य असून, हेक्टरी उत्पादकता मात्र ८० टन नव्हे तर ९८ ते १०० टन इतकी असण्याचा कयास आहे. यामुळे उपलब्धतेविषयी सध्या संभ्रमाची स्थिती आहे. पुढील उपलब्ध उसाबाबत सर्व साखर कारखान्यांकडून प्रत्यक्ष माहिती घेणे हाच पर्याय आता शासनाकडे आहे. त्यामुळे कारखान्यांची आढावा बैठक घेतली जाण्याची चिन्हे आहेत, असे सहकारी साखर कारखान्यांच्या सूत्रांचे म्हणणे आहे.

इतर अॅग्रो विशेष
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...