पाणीप्रश्नी इचलकरंजी बंदला उत्स्फूर्त प्रतिसाद

पाणीप्रश्नी इचलकरंजी बंदला उत्स्फूर्त प्रतिसाद
पाणीप्रश्नी इचलकरंजी बंदला उत्स्फूर्त प्रतिसाद

इचलकरंजी, जि. कोल्हापूर : इचलकरंजी शहराला वारणा नदीतून पाणी मिळालेच पाहिजे, या मागणीसाठी सोमवारी (ता. १४) येथे पुकारलेल्या सर्व पक्षीय बंदला उत्स्फूर्त प्रतिसाद मिळाला. नागरिकांनी सकाळपासून या बंदमध्ये सहभाग घेतला. या वेळी प्रांताधिकारी कार्यालयावर भव्य मोर्चा काढून निवेदन देण्यात आले. इचलकरंजी शहराला वारणा नदी पात्रातून पाणी आणण्यासाठी योजना मंजूर झाली आहे. या योजनेचे काम सुरू करताना दानोळी (ता. शिरोळ) येथे नागरिकांनी तीव्र विरोध केला. प्रशासनाने पोलिस फोर्स घेऊन काम सुरू करण्याचा प्रयत्न केला; पण त्या वेळी वारणा नदीकाठच्या लोकांनी गाव बंद ठेवून प्रतिकार केला. याबाबत इचलकरंजीकरांनी रस्त्यावर उतरण्याचा निर्णय घेतला. सर्व पक्षीय नेत्यांनी आंदोलनाचा कृती आराखडा केला असून याचा पहिला टप्पा म्हणून सर्वपक्षीय बंद पुकारला आहे.  सकाळपासून सर्व व्यवहार ठप्प होते. रिक्षा, एसटी सेवाही बंद होती. सकाळी १० वाजता भागा भागातून नागरिक शिवाजी पुतळ्याजवळ एकत्र आले. त्यानंतर मोर्चास सुरवात झाली. शिवाजी पुतळा,जनता चौक मार्गे प्रांत कार्यालयावर मोर्चा आला. या ठिकाणी प्रांताधिकारी समीर शिंगटे यांना निवेदन देण्यात आले. मोर्चाचे नेतृत्व आमदार सुरेश हाळवणकर, नगराध्यक्षा अलका स्वामी, माजी मंत्री प्रकाश आवाडे, माजी आमदार अशोक जांभळे, मदन कारंडे, शशांक बावचकर, प्रकाश मोरे, विलास रानडे, सदा मलाबादे, विजय भोसले, महादेव गौड आदींनी केले. शासनाने याबाबत लवकर तोडगा न काढल्यास आंदोलन अधिक तीव्र करण्याचा इशारा दिला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com