agriculture news in marathi, If there is a doubt in weight of sugarcane, then send the SMS to the district collectors says Subhash Deshmukh | Agrowon

उसाच्या वजनात शंका वाटल्यास, जिल्हाधिकाऱ्यांना मेसेज करा
सुदर्शन सुतार
रविवार, 29 ऑक्टोबर 2017

पंढरपूर, जि. सोलापूर : "साखर कारखानदारांनो शेतकऱ्यांच्या मापात पाप कराल, तर याद राखा गाठ माझ्याशी आहे, असा दम देत यापुढे प्रत्येक साखर कारखान्यातील ऊस वजनकाट्यांची तपासणी करण्याचे आदेश वजन मापे नियंत्रण अधिकाऱ्यांबरोबरच जिल्हाधिकाऱ्यांना दिले आहेत. उसाच्या वजनाबाबत शंका आल्यास थेट जिल्हाधिकाऱ्यांना मेसेज करा, त्याची तातडीने दखल घेऊन कारवाई केली जाईल, असे आश्‍वासन सहकारमंत्री सुभाष देशमुख यांनी दिले.

पंढरपूर, जि. सोलापूर : "साखर कारखानदारांनो शेतकऱ्यांच्या मापात पाप कराल, तर याद राखा गाठ माझ्याशी आहे, असा दम देत यापुढे प्रत्येक साखर कारखान्यातील ऊस वजनकाट्यांची तपासणी करण्याचे आदेश वजन मापे नियंत्रण अधिकाऱ्यांबरोबरच जिल्हाधिकाऱ्यांना दिले आहेत. उसाच्या वजनाबाबत शंका आल्यास थेट जिल्हाधिकाऱ्यांना मेसेज करा, त्याची तातडीने दखल घेऊन कारवाई केली जाईल, असे आश्‍वासन सहकारमंत्री सुभाष देशमुख यांनी दिले.

गुरसाळे (ता. पंढरपूर) येथील श्री विठ्ठल सहकारी साखर कारखान्याचा ३८ वा ऊस गळीत हंगामाचा प्रारंभ सहकारमंत्री देशमुख यांच्या हस्ते झाला. राष्ट्रवादी कॉंग्रेसचे खासदार विजयसिंह मोहिते-पाटील, खासदार धनंजय महाडिक, कारखान्याचे अध्यक्ष आमदार भारत भालके, सहकार शिरोमणीचे अध्यक्ष कल्याणराव काळे, भाजपचे जिल्हा अध्यक्ष शहाजी पवार, उपाध्यक्ष राजेंद्र जगदाळे, संजय कोकाटे, शिवाजी कांबळे, कारखान्याचे उपाध्यक्ष लक्ष्मण पवार, संचालक भगीरथ भालके उपस्थित होते.

सहकारमंत्री देशमुख म्हणाले, "साखर कारखान्यांत उसाचे वजन कमी दाखवले जाते, अशा अनेक तक्रारी आहेत. त्यानुसार साखर कारखान्यांतील वजनकाटे तपासणीसाठी जिल्हाधिकारी, वजन, मापन नियंत्रण अधिकारी आणि महसूल विभागातील एक अधिकारी यांना संयुक्त अधिकार दिले आहेत. त्यांच्यामार्फत हंगामात कधीही कारखान्यांचे वजनकाटे तपासले जाणार आहेत.

उसाला पाण्याची आवश्‍यकता अधिक असून, उपलब्धता पाहता शेतकऱ्यांनी कमी पाण्यात कमी क्षेत्रात अधिक उत्पादन देणाऱ्या उसाची लागवड करावी. शेतीसाठी पुरेशी वीज उपलब्ध होण्यासाठी उजनी धरणावर तरंगता सौरऊर्जा प्रकल्प उभारण्यात येणार आहे. टेकफेडरल या कंपनीने हा प्रकल्प उभाण्याची तयारी दर्शवली आहे.''

लवकरच मंत्रिमंडळाच्या बैठकीत याविषयी सविस्तर चर्चा करण्यात येणार आहे. येत्या काही महिन्यांत प्रकल्पाचे काम सुरू होईल, असे मंत्री देशमुख यांनी सांगितले. कारखान्याचे अध्यक्ष आमदार भारत भालके यांनी प्रास्ताविकात कारखान्याच्या गाळप हंगामाचा आढावा घेत सर्वांबरोबर ऊसदर देणार असल्याचे नमूद केले.

इतर बातम्या
दोन आठवड्यांनंतर मॉन्सूनची प्रगती..पुणे : नैऋत्य मोसमी वाऱ्यांनी (मॉन्सून)...
युरोपीय महासंघाने तयार केला...युरोपीय महासंघाच्या संयुक्त संशोधन केंद्राच्या...
उस्मानाबाद, नांदेड, लातूर, हिंगोली...औरंगाबाद : मराठवाड्यातील बहुतांश भागात शनिवारी (...
राज्यात दमदार पाऊस; कोकण, विदर्भात...पुणे : मॉन्सून सक्रिय झाल्याने कोकण, मध्य...
शाश्वत विकासासाठी ग्राम सामाजिक...औरंगाबाद ः ग्रामीण भागात मूलभूत सोयी सुविधांच्या...
पीककर्जासाठी टाळाटाळ केल्यास कारवाई :...कोल्हापूर : यंदाच्या खरीप हंगामात पीककर्ज वाटपात...
`विश्वास`चे सात लाख टनांपेक्षा जास्त...शिराळा, जि. सांगली : विश्वास साखर कारखाना २०१८-...
कर्जमाफीचा ४३ टक्के शेतकऱ्यांनाच लाभमुंबई : राज्य सरकारने जाहीर केलेल्या शेतकरी...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील १३९...
शेतकऱ्यांना समान पीकविमा परतावा मिळावा...नांदेड ः गतवर्षीच्या खरिपातील पिकांच्या नुकसानी...
खरिपाचा पेरा ११६ लाख हेक्टरवरनवी दिल्ली ः देशात आतापर्यंत खरिपाची पेरणी ११६...
वऱ्हाडात विविध ठिकाणी जोरदार पावसाची...अकोला ः अकोला व बुलडाणा जिल्ह्यांत शनिवारी (ता....
शेतकरी आणि ग्राहकांची सुयोग्य सांगड...पुणे ः अनियमित माॅन्सून, बाजारभावाची अनिश्चितता,...
शेतकरी अात्महत्यांनी बुलडाणा हादरलाबुलडाणा  ः खरीप हंगाम सुरू झाला असून,...
खानदेशात सुमारे ४ लाख हेक्‍टरवर पेरण्याजळगाव : खानदेशातील सुमारे १६ लाख हेक्‍टर...
खरिपात भौगोलिक स्थितीचा विचार करा :...अकोला ः आधुनिक शेती तंत्रज्ञानुसार उत्पादन...
सातारा जिल्ह्यात ३५ टॅंकरद्वारे...सातारा ः जिल्ह्यात माॅन्सूनचे दमदार आगमन होऊनही...
सातारा जिल्ह्यातील खटाव, महाबळेश्वर...सातारा ः जिल्ह्यातील खटाव, महाबळेश्वर, माण या...
पंधरवड्याच्या विश्रांतीनंतर सोलापुरात...सोलापूर  : मृग नक्षत्रात झालेल्या पावसानंतर...
सव्वीस जणांचा अटकपूर्व जामीन अर्ज...सोलापूर  : सोलापूर कृषी उत्पन्न बाजार समितीत...