निवडणुकीमुळे चाराटंचाईकडे दुर्लक्ष; जनावरांचे हाल

निवडणुकीमुळे चाराटंचाईकडे दुर्लक्ष; जनावरांचे हाल
निवडणुकीमुळे चाराटंचाईकडे दुर्लक्ष; जनावरांचे हाल

पुणे  : निवडणुकीची रणधुमाळी सुरू असताना वाढलेल्या पाणी-चाराटंचाईच्या प्रश्नाकडे प्रशासनासह, लोक प्रतिनिधिनीसह दुर्लक्ष केल्याचे दिसून येते. जनावरांसाठी चाऱ्यांचा मोठा प्रश्न भेडसावू लागला आहे. नगर जिल्ह्यासह सोलापूर, पुणे या भागातूनही मोठ्या प्रमाणात चारा छावण्या सुरू करण्याची मागणी शेतकऱ्यांकडून पुढे येऊ लागली आहे.  

 उन्हाचा चटका वाढू लागल्याने पाणी टंचाईची झळ चांगलीच बसू लागली आहे. यामुळे हिरवा चारा उपलब्ध होण्याचे बंद झाले आहे. वाळलेल्या चारा उपलब्ध होण्याचे प्रमाण कमी झाले आहे. चाराटंचाईमुळे अनेक शेतकऱ्यांना जनावरे विकण्याची वेळ आली आहे. दुष्काळामुळे रब्बी हंगामात अवघ्या ९१ हजार २१० हेक्टरवर चारा पिकांची पेरणी होती. त्यातच साखर कारखाने बंद झाल्याने हिरवा चाराही महाग झाला असून तो मिळेनासा झाला आहे.

नगर जिल्ह्यात गेल्या दोन ते तीन महिन्यांपासून चारा छावण्या सुरू झाल्या आहेत.  सोलापूर, पुणे या भागातही अजूनही छावण्या सुरू झाल्या नसल्या तरी चारा टंचाई चांगलीच सुरू झाली आहे. पुणे विभागात दरवर्षी १ लाखांहून अधिक क्षेत्रावर मका, कडवळ, लुसर्नग्रास, नेपिअरग्रास, बाजरी अशा विविध चारा पिकांची लागवड होत होती. लागवडीनंतर साधारणपणे दोन ते तीन महिन्यांनंतर चाऱ्याचे उत्पादन होते. काही शेतकरी उत्पादन झालेला चारा वाळवून तो टप्प्याटप्प्याने वापरतात. त्यामुळे उन्हाळ्यात चाराटंचाई कमी होण्यास मदत होत होती. 

उन्हाळी हंगामात कमी चारा पिके दरवर्षी मे, जून आणि जुलै महिन्यात चारा उपलब्ध होण्यासाठी उन्हाळी हंगामात मार्च महिन्यात विविध चारा पिकांची लागवड करतात. चारा पिकांच्या लागवडीनंतर साधारणपणे दोन ते तीन महिन्यांनंतर चाऱ्यांचे उत्पादन होते. त्यामुळे उन्हाळ्याच्या अखेरीस व पावसाळ्याच्या तोंडावर चारा टंचाई कमी होण्यास मदत होत होते. मात्र, उन्हाळी हंगामात पाणी टंचाईमुळे अवघ्या ११ हजार ४८५ हेक्टरवर चारा पिकांची लागवड झाली आहे. त्यामुळे उत्पादन घट होऊन पुढील दोन महिन्यांत चाऱ्यांचा मोठा प्रश्न उपस्थित राहण्याची शक्यता आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com