‘ई-नाम’ राबवा; पुरस्कार मिळवा

‘ई-नाम’ राबवा; पुरस्कार मिळवा
‘ई-नाम’ राबवा; पुरस्कार मिळवा

पुणे : आॅनलािन राष्ट्रीय कृषी बाजार (ई-नाम) याेजनेची बाजार समित्यांनी प्रभावीपणे अंमलबजावणी करावी, यासाठी राज्यातील पाच बाजार समित्यांना विशेष पारिताेषिक देऊन गाैरविण्यात येणार आहे. यासाठी अनुक्रमे पाच, तीन, दाेन लाख रुपये आणि उत्तेजनार्थ एक लाख रुपयांची दाेन असे पारिताेषिकांचे स्वरूप असणार आहे, अशी माहिती पणन मंडळाचे कार्यकारी संचालक सुनील पवार यांनी दिली.

पवार म्हणाले, ‘‘शेतमाल विक्री व्यवस्थेमध्ये अधिकाधिक पारदर्शीपणा आणण्याबराेबरच शेतकऱ्यांच्या शेतमालाला आॅनलाइन लिलावाद्वारे राष्ट्रीय बाजारपेठ उपलब्ध व्हावी, या उद्देशाने राष्ट्रीय पातळीवर आॅनलाइन बाजार संकल्पना राबविण्यात येत आहे. या याेजनेतील पहिल्या दाेन टप्प्यांत राज्यातील ६० बाजार समित्यांचा समावेश करण्यात आला आहे.

पहिल्या टप्प्यातील बाजार समित्यांसाठी प्रत्येकी ३० लाखांचा निधी वितरित करण्यात आला असून, २८ बाजार समित्यांनी आॅनलाइन लिलावाची प्रक्रिया सुरू केली आहे. यामध्ये शेतमालाची बाजार समितीच्या प्रवेशद्वारावरच आॅनलाइन नाेंदणी आणि आॅनलाइन लिलाव प्रक्रिया सुरू करण्यात आली आहे. दुसऱ्या टप्प्यातील ३० बाजार समित्यांसाठीचा निधी अद्याप प्राप्त झाला नसून, निधी लवकरच मिळेल.’’

ई-नामअंतर्गत शेतमालाची प्रवेशद्वारावरच संगणकीय नाेंद, वजन, शेतमालाचे वर्गीकरण, गुणवत्ता तपासणी, आॅनलाइन लिलाव, आॅनलाइन पेमेंट आणि आॅनलाइनच जावक नाेंद करण्यात येणार आहे. या पद्धतीमुळे शेतमालाच्या सर्व प्रकारच्या नाेंदी संगणकीय प्रणालीमध्ये हाेणार असल्याने शेतकऱ्यांची हाेणारी फसवणूक टाळता येणार आहे, असेही पवार यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com