agriculture news in marathi, Import Ban will secure Sugar industry | Agrowon

‘आयात’बंदीच तारेल साखर उद्योगाला
राजकुमार चौगुले
शुक्रवार, 5 जानेवारी 2018

कोल्हापूर : साखरेच्या दरात वाढ होण्यासाठी केवळ निर्यात अनुदानच न देता बाहेरून येणाऱ्या साखरेला पूर्णपणे आयातबंदी केली तरच कोसळणारे साखरेचे दर स्थिर राहून या साखर उद्योगाला दिलासा मिळणे शक्य आहे. गेल्या काही वर्षांतील केंद्राचा अनुभव पहाता आतापासूनच प्रयत्न केल्यास त्याचा लाभ कुठेतरी पुढच्या हंगामात होऊ शकेल या निष्कषापर्यंत या उद्योगातील घटक आले आहेत. यादृष्टीनेच केंद्रातील महत्त्वाच्या व्यक्तींना भेटून सद्यःस्थिती सांगण्याचे काम वेगाने सुरू  झाले आहे.  

कोल्हापूर : साखरेच्या दरात वाढ होण्यासाठी केवळ निर्यात अनुदानच न देता बाहेरून येणाऱ्या साखरेला पूर्णपणे आयातबंदी केली तरच कोसळणारे साखरेचे दर स्थिर राहून या साखर उद्योगाला दिलासा मिळणे शक्य आहे. गेल्या काही वर्षांतील केंद्राचा अनुभव पहाता आतापासूनच प्रयत्न केल्यास त्याचा लाभ कुठेतरी पुढच्या हंगामात होऊ शकेल या निष्कषापर्यंत या उद्योगातील घटक आले आहेत. यादृष्टीनेच केंद्रातील महत्त्वाच्या व्यक्तींना भेटून सद्यःस्थिती सांगण्याचे काम वेगाने सुरू  झाले आहे.  

फिलिपिन्स, इराणसारखी तत्परता महत्त्वाची
यंदाच्या हंगामात तातडीने साखर निर्यात हाणे अशक्‍य असले तरी किमान पुढील हंगामात तरी आश्‍वासक निर्णय व्हावेत यासाठी शेतकरी संघटनांबरोबर साखर कारखानदार व साखर महासंघाच्या वतीनेही याबाबत आतापासूनच प्रयत्न केले जात आहेत. जागतिक बाजारात साखरचे दर घसरल्यानंतर फिलिपिन्स व इराणने तातडीने निर्णय घेऊन या उद्योगाच्या ऊर्जितावस्थेसाठी प्रयत्न केले. एक महिन्यापूर्वीच या दोन्ही देशांनी त्यांच्या देशात होणाऱ्या आयातीवर बंदी घातली. याचा सकारात्मक परिणाम त्या देशातील स्थानिक बाजारांमधील दरवाढीवर झाला. अशीच तत्परता केंद्राने दाखविण्याची गरज असल्याचे या उद्योगातील तज्ज्ञांचे मत आहे. 

पुढील हंगाम अधिक खडतर
देशात यंदा पहिल्या टप्प्यात साखरेचे उत्पादन जास्त होणार नाही, असा अंदाज होता; पण परतीच्या पावसाने लावलेली हजेरी ही उत्पादनवाढीसाठी चांगली ठरली. अनपेक्षितपणे साखर उत्पादन वाढू लागले. केंद्रानेही एफआरपी वाढवून दिल्याने शेतकऱ्यांनी यंदाही ऊस लागवडीला प्राधान्य दिला आहे. एकूण क्षेत्राचा आढावा घेतल्यास पुढील हंगामात ५२ टक्के खोडवा आणि नवी लागवड असे चित्र राहण्याची शक्‍यता आहे. हे गृहीत धरून कोणत्याही परिस्थितीत पुढील हंगामाच्या प्रारंभापर्यंत केंद्राने हालचाली केल्या तरच सकारात्मक काहीतरी घडू शकते, असे देशपातळीवरील चित्र आहे. 

निर्यात बंद असल्याने उठाव कसा मिळणार?
केंद्राचे साखर उद्योगाच्या बाबतीतले धोरण लवचिक नसल्याने त्याचा फटका या उद्योगाला गेल्या दोन-तीन वर्षांपासून प्रकर्षाने आणि सलग बसत आहे. वेळ निघून गेल्यावर निर्णयाची अंमलबजावणी होत असल्याने फक्त कागदोपत्रीच चांगले निर्णय दिसतात. प्रत्यक्षात फायदाच होत नसल्याची कारखानदारांची तक्रार आहे. भारतातून जून 2016 ला साखरेची निर्यात झाली होती. त्यांनतर निर्यात ठप्प आहे. साखर निर्यातच होत नसेल तर देशांतर्गत बाजारात उठाव होणार कसा, असा सवाल कारखानदारांचा आहे 

पदाधिकारी घेणार आज वाणिज्यमंत्र्यांची भेट
प्रतिकूल परिस्थितीच्या पार्श्‍वभूमीवर आता साखर उद्योगातून वेगाने हालचाली होत आहेत. राष्ट्रीय सहकारी साखर महासंघाचे अध्यक्ष आमदार दिलीप वळसे पाटील, व्यवस्थापकीय संचालक प्रकाश नाईकनवरे यांच्यासहित पदाधिकारी केंद्रीय वाणिज्यमंत्री सुरेश प्रभू यांच्याशी भेट घेणार आहेत. निर्यातीला असणारे 20 टक्के शुल्क दूर करावे, आयातबंदी करावी, तातडीने बफर स्टॉक करावा, या मागण्या या वेळी करण्यात येणार आहेत.

भविष्यात पाकिस्तानातून आयात नाही?
ऑक्‍टोबरमध्ये पंजाबमधील एका व्यापाऱ्याने लाहोरमधील व्यापाऱ्यांशी संपर्क साधून तेथून वाघा बोर्डरमार्गे साखर भारतात आणली. पण त्यानंतर साखरेचे दर मोठ्या प्रमाणात कोसळल्याने संबंधित व्यापाऱ्याला मोठा तोटा सहन करावा लागला. हा अनुभव पाहता  भविष्यात व्यापारी आयातीचे धाडस करणार नसल्याची शक्‍यता उद्योगोतील सूत्रांची आहे. 

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...