agriculture news in marathi, Improved banana rate in Khandesh | Agrowon

खानदेशात केळीच्या दरात सुधारणा
टीम अॅग्रोवन
शुक्रवार, 16 नोव्हेंबर 2018

दर्जेदार केळीला ऑनसह १२०० रुपयांपर्यंत दर मिळेल. दर कमी होणार नाहीत, असे चित्र आहे. रावेर, फैजपुरातील केळीच्या मोठ्या खरेदीदारांना जळगाव, चोपडा भागातून केळी घ्यावी लागत आहे. कारण रावेर, यावलमध्ये केळी फारशी कापणीसाठी उपलब्ध नाही. बऱ्हाणपूरच्या बाजारातही केळीचा तुटवडा आहे.
- सुधाकर चव्हाण,
केळी व्यापारातील जाणकार

जळगाव : केळीची आवक सध्या कमी असून, थंडी वधारताच मागणीदेखील उत्तरेकडून अधिक आहे. सध्या खानदेशात फक्त चोपडा, जळगाव, पाचोरा भागात केळी कापणीसाठी उपलब्ध आहे. यामुळे दर टिकून आहेत. पुढेही दर चांगले राहतील, असे संकेत मिळत आहेत.

सध्या लगतच्या मध्य प्रदेशातील केळीच्या सर्वात मोठ्या बऱ्हाणपूर येथील बाजारातही केळीची आवक प्रतिदिन १०० ते ११५ ट्रक (एक ट्रक १५ मेट्रिक टन क्षमता) केळीची आवक होत आहे. बऱ्हाणपुुरातील खरेदीदारांना रोज किमान २०० ट्रक केळीची आवश्‍यकता आहे.

जळगावात सावदा (ता. रावेर) व फैजपूर (ता. यावल) येथील पुरवठादारांनाही प्रतिदिन २०० ट्रकची गरज आहे. परंतु, सध्या १५० ते १८० ट्रक केळी उपलब्ध होत आहे. मागील महिनाभरापासून मागणी अधिक, पुरवठा कमी आहे. कारण यावल, रावेर, जामनेर भागांतील जुनारी केळी बागा व पिलबागांची कापणी आटोपली आहे. मागील दीड महिन्यापासून केळीला प्रतिक्विंटल ११०० रुपयांवर दर आहे. उत्तरेकडे बॉक्‍समध्ये पाठविल्या जाणाऱ्या केळीस १५० ते २०० रुपये जादा (ऑन) दर मिळत आहेत. सध्या दर्जेदार केळीला ११३० रुपये प्रतिक्विंटलचा दर आहे. दिल्ली, पंजाब, काश्‍मिरातून केळीची मागणी वाढली आहे. तेथे दर्जेदार केळीची आवश्‍यकता आहे. परंतु अशी केळी फारशी उपलब्ध होत नसल्याची स्थिती आहे.

थंडी अधिक असल्याने केळी पक्व होण्याची गती मंद होत आहे. केळीची कापणी व्हायला अधिकचे दिवस लागतील. रावेर, यावल भागात फेब्रुवारीत केळी उपलब्ध होईल. ठाणे, कल्याण व पुणे येथूनही मागणी कायम आहे. जळगाव, चोपडा भागातील केळी क्रेटमध्ये प्रतिदिन किमान ३० ते ३५ ट्रक पाठविली जात आहे.
मध्य प्रदेशातील बऱ्हाणपूर, बडवानी व खंडवा जिल्ह्यातही केळीची कापणी सुरू नाही. तेथेही फेब्रुवारीनंतर केळी कापणीसाठी उपलब्ध होईल. यामुळे केळीचे दर कमी होणार नाहीत, असे जाणकारांचे म्हणणे आहे.

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...