agriculture news in Marathi, improvement in minimum temperature, Maharashtra | Agrowon

किमान तापमानात वाढ
टीम अॅग्रोवन
सोमवार, 30 जुलै 2018

पुणे ः राज्यातील बहुतांशी भागात पावसाचा जोर ओसरला आहे. कोकण, मध्य महाराष्ट्रातील काही भागांत पावसाची भूरभूर सोडल्यास ढगाळ हवामान होते. मराठवाडा विदर्भातही काही भागांत ऊन सावल्यांचा खेळ सुरू आहे. मराठवाडा व विदर्भात कमाल तापमानात वाढ होऊन काही अंशी उकाड्यात वाढ झाली आहे. विदर्भातील अकोला येथील कमाल तापमानात सरासरीच्या तुलनेत चार अंश सेल्सिअसने वाढ झाली असून, उच्चांकी ३६.० अंश सेल्सिअसची नोंद झाली असल्याचे हवामान विभागाच्या सूत्रांनी सांगितले.  

पुणे ः राज्यातील बहुतांशी भागात पावसाचा जोर ओसरला आहे. कोकण, मध्य महाराष्ट्रातील काही भागांत पावसाची भूरभूर सोडल्यास ढगाळ हवामान होते. मराठवाडा विदर्भातही काही भागांत ऊन सावल्यांचा खेळ सुरू आहे. मराठवाडा व विदर्भात कमाल तापमानात वाढ होऊन काही अंशी उकाड्यात वाढ झाली आहे. विदर्भातील अकोला येथील कमाल तापमानात सरासरीच्या तुलनेत चार अंश सेल्सिअसने वाढ झाली असून, उच्चांकी ३६.० अंश सेल्सिअसची नोंद झाली असल्याचे हवामान विभागाच्या सूत्रांनी सांगितले.  

पावसाने उघडीप दिल्याने कमाल तापमानाचा किंचित वाढला आहे. कोकणात कमाल तापमान २९ ते ३१ अंश सेल्सिअसच्या दरम्यान होते. मध्य महाराष्ट्रात कमाल तापमान १९ ते ३२ अंश सेल्सिअसच्या दरम्यान होते. सोलापूर, जळगाव येथे ३२.० अंश सेल्सिअसची नोंद झाली. मराठवाड्यातील नांदेड येथे ३३.० अंश सेल्सिअस तापमान होते.  

उर्वरित भागात ३० ते ३२ अंश सेल्सिअसच्या दरम्यान होते. विदर्भात अकोला वगळत उर्वरित भागात २९ ते ३२ अंश सेल्सिअसच्या दरम्यान कमाल तापमान होते. रविवारी (ता. २९) राज्यातील अनेक भागांत ढगाळ, काही भागांत कडक ऊन पडल्याची स्थिती होती. 

 गुजरातच्या दक्षिण भागात समुद्रसपाटीपासून ७.६ किलोमीटर उंचीवर चक्राकार वाऱ्यांची स्थिती आहे. तसेच, उत्तरप्रदेशाच्या परिसरातही कमी दाबाचे क्षेत्र आहे. या क्षेत्राचे समुद्रसपाटीपासून ५.८ किलोमीटर उंचीवर चक्राकार वाऱ्यांमध्ये रूपांतर होण्याची शक्यता आहे. बंगालचा उपसागर ते अमृतसर, बरेली, सुलतानपूर, कलकत्ता या दरम्यान कमी दाबाचे क्षेत्र तयार होण्याची शक्यता आहे.

त्यामुळे मंगळवार (ता. ३१) ते गुरुवार (ता. २) या दरम्यान कोकण, गोव्यात बहुतांशी ठिकाणी, तर मध्य महाराष्ट्र, मराठवाडा व विदर्भात तुरळक ठिकाणी हलका ते मध्यम स्वरूपाच्या सरी पडण्याचा अंदाज हवामान विभागाच्या सूत्रांनी वर्तविला आहे. रविवारी (ता. २९) सकाळी आठ वाजेपर्यंत कोकणातील मंडणगड येथे ३०, वाल्पोई २०, कणकवली १०, मध्य महाराष्ट्रातील चंदगड, पन्हाळा, राधानगरी येथे १०, तर विदर्भातील गोरेगाव येथे २०, आमगाव, सालेकसा येथे १० मिलिमीटर पाऊस पडल्याची नोंद झाली.
 
रविवारी (ता. २९) सकाळी आठ वाजेपर्यंतच्या चोवीस तासांतील कमाल तापमान ः अंश सेल्सिअसमध्ये 
मुंबई ३०.३, सांताक्रुझ ३०.८, अलिबाग ३०.६, रत्नागिरी २९.२, डहाणू ३१.६, पुणे २८.७, जळगाव ३२.४, कोल्हापूर २५.६, महाबळेश्वर १९.६, मालेगाव ३१.४, नाशिक २९.०, सांगली २६.५, सातारा २६.१, सोलापूर ३२.७, उस्मानाबाद ३०.१, औरंगाबाद ३१.०, परभणी ३२.९, नांदेड ३३.०, अकोला ३६.०, अमरावती २९.८, बुलढाणा ३०.६, चंद्रपूर ३२.२, गोंदिया २९.२, नागपूर ३२.१, वर्धा ३१.०, यवतमाळ २९.०.

इतर अॅग्रो विशेष
इतिहासातील जलसंधारण संकल्पना अन्...मागच्या भागात आपण इतिहासातील सागरी किल्ल्यांवरील...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
सांगली : कडब्याचे दर पोचले साडेचार हजार...सांगली  ः यंदा दुष्काळी स्थिती तीव्र आहे....
सांगली जिल्ह्यात पाण्याअभावी रखडली खरड...सांगली  ः जिल्ह्यातील द्राक्ष हंगाम अंतिम...
ऊस, कापूस पट्ट्यात कष्टाने पिकविली हळद शेतीचा फारसा अनुभव नाही. पण आवड, जिद्द,...
कृषी विद्यापीठांचे वाण वापरण्यात...वाशीम जिल्ह्यातील शिरपूर जैन (ता. मालेगाव) येथील...
राज्यात अद्यापही २४ टक्के ‘एफआरपी’ बाकीपुणे : ऊस खरेदीपोटी राज्यातील शेतकऱ्यांना...
उत्तर प्रदेशात ऊसबिलावरून धुमशाननवी दिल्ली : लोकसभा निवडणुकीत कोणता मुद्दा...
शेतकरी आत्महत्या रोखण्यासाठी युवकाचा ‘...नाशिक : राज्यात नापिकी, दुष्काळ, बाजारभाव...
उन्हाचा ताप वाढण्याची शक्यतापुणे : राज्यात उन्हाचा चटका अाणि उकाडा...
जेजुरी गडावर देवाची रंगपंचमीजेजुरी, जि. पुणे : जेजुरी गडावर पारंपरिक...
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...
जांभरुण परांडे गावात जन्माला आली...अमरावती : जांभरुण परांडे (जि. वाशीम) येथे...
शेतकऱ्यांना व्यापार संधी उपलब्ध होणारपुणे : राज्यात फळे भाजीपाल्याचे वाढते...