सहकारातील त्रिस्तरीय बॅंकिंग व्यवस्थेला भक्कम करा

सहकारातील त्रिस्तरीय बॅंकिंग व्यवस्थेला भक्कम करा
सहकारातील त्रिस्तरीय बॅंकिंग व्यवस्थेला भक्कम करा

राज्याच्या ग्रामीण अर्थव्यवस्थेत महत्त्वाची भूमिका बजावणाऱ्या सहकारातील त्रिस्तरीय बॅंकिंग व्यवस्थेला भक्कम करण्यासाठी अर्थमंत्र्यांनी पुढाकार घेण्याची आवश्यकता आहे, असे मत सहकारातील अभ्यासकांनी व्यक्त केले.   अभ्यासक दिनेश ओऊळकर यांनी सांगितले की, वैद्यनाथन समितीच्या शिफारशींबाबत राज्य शासनाकडून अर्धवट काम झालेले आहे. राज्यातील तोठ्यात असलेल्या विविध सहकारी सोसायट्या, तसेच कमकुवत जिल्हा मध्यवर्ती बॅंकांना बळकट करण्यासाठी अर्थसंकल्पात तरतूद झाल्यास त्रिस्तरीय रचना भक्कम होऊ शकते.   वैद्यनाथन समितीच्या अहवालानुसार केंद्राने निधी दिला मात्र, राज्य शासनाने आपली भूमिका पार पाडलेली नाही. तोट्यातील सोसायट्यांचे विलीनीकरण किंवा बंद करणे हे उपाय समितीने सुचविले होते. मात्र, दुसऱ्या बाजूला सोसायट्या बळकट करण्यासाठी अत्यावश्यक धोरण राज्य शासनानेदेखील राबविले नाही. सोसायट्यांना प्रशासकीय खर्च, तसेच कर्जवाटपात सेवाशुल्काचा गाळ वाढवून मिळण्याची गरज होती. त्याबाबत अर्थसंकल्पात विचार झाला पाहिजे, असे सोसायट्यांना वाटते. राष्ट्रीयीकृत बॅंकांना १८ टक्के कर्ज शेतीला देण्याचे केंद्र शासनाचे बंधन आहे. मात्र, एकही राष्ट्रीयीकृत बॅंक हा नियम पाळत नसल्यामुळे सहकारातील त्रिस्तरीय रचनेवरच शेतीचे भवितव्य अजूनही अवलंबून आहे. त्यामुळे केवळ राजकीय भूमिका ठेवून शिखर बॅंक, जिल्हा बॅंक किंवा विविध कार्यकारी सोसायट्यांकडे दुर्लक्ष करता येणार नाही, असेही श्री.ओऊळकर म्हणाले. अहमदनगर जिल्हा मध्यवर्ती बॅंकेचे संचालक पांडुरंग अभंग म्हणाले, की राज्यातील आजारी जिल्हा मध्यवर्ती बँकांना सक्षम करण्यासाठी अर्थसंकल्पात तरतूद करावी, तसेच कर्जमाफीचा लाभ जलद पद्धतीने शेतकऱ्यांना होण्यासाठी सरकारला अर्थसंकल्पात निधी ठेवावा लागेल. एकरकमी कर्जफेड योजनेत सहभागी घेतलेल्या शेतकऱ्यांनी स्वतःजवळील रकमा या योजनेत जमा केल्या मात्र ते अजूनही थकबाकीत आहे. या समस्येवर अर्थसंकल्पात उपाय काढावा. राज्यातील सर्व विविध कार्यकारी सोसायट्यांचे संगणकीकरण, गटसचिवांना वेतन व नोकरीची शाश्वती तसेच या सोसायट्यांना विविध व्यवसायांकडे वळविण्यासाठी प्रोत्साहन देणारी तरतूद अर्थसंकल्पात असावी, अशीदेखील मागणी करण्यात आली आहे.         

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com