agriculture news in Marathi, Increase in area of ​​onion cultivation due to water scarcity | Agrowon

पाणीटंचाईमुळे कांदा लागवडीच्या क्षेत्रात वाढ
टीम अॅग्रोवन
बुधवार, 20 फेब्रुवारी 2019

पुणे ः वाढत असलेल्या पाणीटंचाईमुळे शेतकऱ्यांनी रब्बी हंगामात पीकबदल केला आहे. बहुतांशी शेतकऱ्यांनी कमी पाण्याच्या पिकांवर भर दिला आहे. रब्बी कांद्याच्या लागवडीच्या क्षेत्रात चांगलीच वाढ झाली आहे. पुणे विभागात रब्बी हंगामात एक लाख २१ हजार ७६० हेक्टरवर कांदा लागवड झाली आहे. त्यामुळे कांद्याच्या उत्पादनात चांगलीच वाढ होण्याची शक्यता आहे.

पुणे ः वाढत असलेल्या पाणीटंचाईमुळे शेतकऱ्यांनी रब्बी हंगामात पीकबदल केला आहे. बहुतांशी शेतकऱ्यांनी कमी पाण्याच्या पिकांवर भर दिला आहे. रब्बी कांद्याच्या लागवडीच्या क्षेत्रात चांगलीच वाढ झाली आहे. पुणे विभागात रब्बी हंगामात एक लाख २१ हजार ७६० हेक्टरवर कांदा लागवड झाली आहे. त्यामुळे कांद्याच्या उत्पादनात चांगलीच वाढ होण्याची शक्यता आहे.

चालू वर्षी आॅक्टोबरपासून पाणीटंचाई सुरू झाली आहे. रब्बी हंगामात पिकांना लागणाऱ्या पाण्याचा प्रश्न उभा राहिला आहे. अनेक शेतकऱ्यांनी हरभरा, कांदा भाजीपाला पिके घेण्यावर भर दिला आहे. रब्बी कांदा तीन ते चार महिन्यांत काढणीस येत असून, पाण्याचा ताण पडला तरी हातात काहीतरी प्रमाणात उत्पादन हाती येईल, या उद्देशाने अनेक शेतकरी कांदा लागवडीकडे वळले आहेत. 

शेतकरी वर्षभरामध्ये खरीप, लेट खरीप, रब्बी (उन्हाळी) हंगामात कांद्याची लागवड करतात. त्यादृष्टीने शेतकऱ्यांनी रब्बी हंगामात नोव्हेंबर, डिसेंबरमध्ये कांद्याची लागवड केली आहे. यंदा पावसाळ्यात कमी पावसामुळे शेतकऱ्यांनी मोठ्या प्रमाणात कांदा लागवडी केल्या होत्या. त्यामुळे उत्पादनात वाढ झाली आहे. त्यातच रब्बी हंगामातील कांद्याचेही उत्पादन निघणार आहे. त्यामुळे खरीप, लेट खरीप हंगामात उत्पादित झालेल्या कांद्याची विक्री करत आहे. बाजारात एकाच वेळी आवक वाढत असल्यामुळे कांद्याच्या दरावर परिणाम होत आहे. सध्या किरकोळ विक्रीच्या ठिकाणी कांद्याचा प्रतिकिलोचा दर १० ते २० या दरम्यान असला तरी कांद्याच्या मार्केटमध्ये हा दर अत्यंत कमी आहे. त्यामुळे शेतकऱ्यांना कांदा पिकांतून मोठा तोटा सहन करावा लागत असल्याचे चित्र आहे. 

पुणे विभागातील नगर जिल्ह्यात पारनेर, श्रीगोंदा, कोपरागाव, राहुरी, नेवासा, नगर या तालुक्यात मोठ्या प्रमाणात कांदा लागवड झाली आहे. श्रीगोंदा तालुक्यात सर्वाधिक ११ हजार ६०० हेक्टरवर कांदा लागवड झाली आहे. जामखेड, शेवगाव, पाथर्डी, अकोले, श्रीरामपूर या तालुक्यांत कमी लागवडी झाल्या आहेत. 

पुणे जिल्ह्यातील जुन्नर तालुक्यात सर्वाधिक १० हजार ७० हेक्टरवर लागवड झाली आहे. शिरूर, खेड, बारामती, दौड, आंबेगाव या तालुक्यांतही बऱ्यापैकी कांदा लागवड झाली आहे. सोलापूर जिल्ह्यातील बार्शी, मोहोळे, माढा या तालुक्यांत बऱ्यापैकी कांदा लागवडी झाल्या आहेत. करमाळा, पंढरपूर, सोगाला, मंगळवेढा, माळशिरस, उत्तर सोलापूर, दक्षिण सोलापूर या तालुक्यांत पाणीटंचाई अधिक आहे. त्यामुळे कमी प्रमाणात लागवडी झाल्या आहेत.

जिल्हानिहाय झालेली कांदा लागवड, क्षेत्र हेक्टरमध्ये  
जिल्हा झालेली लागवड 
नगर ७३,८९१ 
पुणे ३८,७२५ 
सोलापूर ९१५०

 

इतर ताज्या घडामोडी
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...