agriculture news in marathi, india brinjal Production In the United States bharit | Agrowon

अमेरिकेतही भरीत चर्चेत
टीम अॅग्रोवन
गुरुवार, 18 जानेवारी 2018

जळगाव : मूळचे आसोदा (ता. जि. जळगाव) येथील असलेले नितीन चिंधू महाजन हे आपल्यासह कुटुंबाला भरीत खायला मिळावे म्हणून डलास (अमेरिका) येथे आपल्या निवासस्थानानजीक भरीताच्या वांगी पिकाची दरवर्षी लागवड करीत आहेत. त्याचे चांगले संगोपन करून बियांचे जतनही तेथे नितीन करीत असतात.

जळगाव : मूळचे आसोदा (ता. जि. जळगाव) येथील असलेले नितीन चिंधू महाजन हे आपल्यासह कुटुंबाला भरीत खायला मिळावे म्हणून डलास (अमेरिका) येथे आपल्या निवासस्थानानजीक भरीताच्या वांगी पिकाची दरवर्षी लागवड करीत आहेत. त्याचे चांगले संगोपन करून बियांचे जतनही तेथे नितीन करीत असतात.

ॲग्रोवनमध्ये शनिवारी (ता.१३) प्रसिद्ध झालेली वांग्यासह चवदार भरीतालाही मिळविले मार्केट ही यशोगाथा वाचून खूप आनंद झाल्याची प्रतिक्रिया त्यांनी अमेरिकेतून दिली असून, तेथे स्थायिक असलेल्या जळगावकरांनाही ही यशोगाथा आवडली. या यशोगाथेची लींक तेथील मराठी मंडळींनी आनंदाच्या भरात मोठ्या प्रमाणात व्हायरल केल्याचेही नितीन यांनी सांगितले.

नितीन यांचे वडील चिंधू सुका महाजन हे आसोदा येथील शेतकरी आहे. नितीन यांनी प्राथमिक शिक्षण आसोदा येथे घेतले. पुढे संगणक विषयात पुणे येथे पदवी संपादन केली. मागील १८ वर्षांपासून नितीन हे अमेरिकेतील टेक्‍सास राज्यातील डलास येथे पत्नी विभावरी, मुले जय व दीप यांच्यासह राहतात.

बियांची पारंपरिक पद्धतीने लागवड
नितीन व त्यांच्या कुटुंबाला भरीत मनापासूून आवडते. अमेरिकेत भरीताची वांगी नसतात, म्हणून त्यांनी काही वर्षांपूर्वी वडील चिंधू महाजन यांना बोलावून त्यांच्यासोबत भरीताच्या वांग्यांच्या बिया मागवून घेतल्या. त्या बियांची पारंपरिक पद्धतीने तेथे जुुलै महिन्यात लागवड केली जाते. दरवर्षी सुमारे ५० ते ६० झाडे असतात. दिवाळीला पहिले भरीत खाण्याचा आनंद ते तेथे लुटतात. त्यांची पत्नी विभावरी या जुन्या जळगावमधील असून, त्यांना छान भरीत बनविता येते. महाजन यांची वांगी तेथील मराठी मंडळीलाही आवडतात. काही जण तर वांगी लगडली की नाही याची चौकशी करायला महाजन यांच्या निवासस्थानी येतात. पिकाची पाहणी करतात. जळगावात जसे भरीताच्या वांग्याचे पीक जोमात असते, तसे तेथे नसते. वांग्यांचा आकार थोडा लहान असतो. पण भरीताची चव चांगली असते. यानिमित्ताने अमेरिकेतही भरीत चर्चेत आले आहे.

ॲग्रोवनने भरीताची वांगी, आसोदा गावाची परंपरा हे जगासमोर आणून एकप्रकारे आसोदावासीयांचा गौरव केला आहे. जळगावकडची जेवढी मंडळी अमेरिकेत स्थिरावली आहे, त्यापैकी अनेकांनी ही यशकथा इंटरनेटवर वाचली. आम्ही इकडेही भरीताच्या वांग्यांचे पीक वाढविण्याचा प्रयत्न करीत आहोत.
- नितीन महाजन, संगणक अभियंता, डलास (टेक्‍सास, अमेरिका)

इतर ताज्या घडामोडी
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
जळगावात आले प्रतिक्विंटल २००० ते ६५००...जळगाव : कृषी उत्पन्न बाजार समितीमध्ये बुधवारी (ता...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...
नगर जिल्ह्यातील १२८ गावांत दूषित पाणीनगर  : ‘सर्वांना शुद्ध पाणी’ यासाठी सरकार...
आमच्या काळात एकही घोटाळा नाही :...सोलापूर : काँग्रेस आघाडी देशाला मजबूत करू...
सातारा जिल्ह्यात सलग तिसऱ्या दिवशी...सातारा : जिल्ह्यात मंगळवारी सकाळपासून ढगाळ...
बहुपयोगी नत्रयुक्त खत `कॅल्शिअम...सावकाश उपलब्ध होण्याच्या क्षमतेमुळे कॅल्शियम...
जल, मृद्‌संधारणासाठी पूर्वमशागत...जमिनीमध्ये चांगले पीक उत्पादन येण्याकरिता भौतिक,...
कृषी सल्ला : भुईमूग, आंबा पीक भुईमूग शेंगा अवस्था भुईमूग पीक आऱ्या...