बोंडसडविषयी कृषी सहसंचालकांनी घेतली माहिती

बोंडसडविषयी कृषी सहसंचालकांनी घेतली माहिती
बोंडसडविषयी कृषी सहसंचालकांनी घेतली माहिती

नागपूर ः कापसावर बोंड अळीचे प्रमाण अवघे ५ ते दहा टक्‍के इतकेच असून बुरशीजन्य रोगामुळे बोंड सडण्याचे प्रमाण मात्र वाढीस लागले आहे. त्याची दखल घेत शेतकऱ्यांना उपाययोजना सुचविण्यात याव्यात, अशी मागणी अमृत देशमुख यांच्या नेतृत्वात शेतकऱ्यांनी केली आहे. त्याची दखल घेत बुटीबोरी परिसरात कृषी अधिकाऱ्यांकडून प्रादुर्भावग्रस्त पिकाची पाहणी करण्यात आली.

अमृत पॅटर्नचे जनक अमृतराव देशमुख यांनी बोंड अळीचा प्रादुर्भाव या वर्षीच्या हंगामात कमी असल्याचा दावा केला आहे. त्याऐवजी या वर्षी हंगामाच्या सुरवातीला बुरशीसदृश रोगामुळे बोंड सडण्याचे प्रमाण वाढीस लागल्याचे त्यांचे म्हणणे आहे.

प्रादुर्भावग्रस्त बोंडाचे त्या पार्श्‍वभूमीवर पृथ्थकरण करण्याकरीता केंद्रीय कापूस संशोधन संस्थेकडे देण्यात आली. त्यानंतर कृषी विद्यापीठाच्या कीटकशास्त्र विभागालादेखील अशी बोंड सोपविण्यात आली. नागपूर विभागीय कृषी सहसंचालक रवींद्र भोसले यांचीदेखील शेतकऱ्यांनी भेट घेतली. या भेटीत शेतकऱ्यांनी प्रादुर्भावग्रस्त शेतीच्या पाहणीचा आग्रह धरला. त्यानुसार विभागीय कृषी सहसंचालक रवींद्र भोसले, अर्चना कडू यांनी बुटीबोरी परिसरातील शेतकऱ्यांच्या शेतांना भेट दिली. यावेळी बोंड सडत असल्याचे रवींद्र भोसले यांच्या निदर्शनास आले.

तज्ज्ञांना केले तत्काळ पाचारण शेतकऱ्यांच्या म्हणण्याप्रमाणे बोंड सडत असल्याचे लक्षात आल्यानंतर रवींद्र भोसले यांनी केंद्रीय कापूस संशोधन संस्था तसेच कृषी विद्यापीठाच्या तज्ज्ञांना मोबाईलवरून संपर्क साधत त्यांना बुटीबोरी परिसरात येण्यास सांगितले. त्यानुसार तज्ज्ञ फिल्डवर पोचले. या वेळी नमुने घेऊन अहवाल देण्याच्या सूचना रवींद्र भोसले यांनी तज्ज्ञांना केल्या.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com