agriculture news in marathi, The information about Kharif crope insurance holder not provided | Agrowon

खरीप पीकविमाधारकांची माहिती गुलदस्त्यात
टीम अॅग्रोवन
शुक्रवार, 1 डिसेंबर 2017

परभणी : पंतप्रधान पीकविमा योजनेअंतर्गत यंदाच्या खरीप हंगामामध्ये मूग, उडीद या पिकांचे विमा संरक्षण घेतेलेल्या शेतकऱ्यांना नुकसानभरपाई अदा करण्यासाठी राज्य शासनाच्या हिश्‍शाची अनुदान रक्कम कंपन्यांना वितरित करण्यात आली; परंतु परभणी जिल्ह्यासाठी असलेल्या रिलायन्स जनरल इंन्शुरन्स कंपनीने पीकविमा योजनेत सहभागी झालेल्या शेतकऱ्यांची संख्या, त्यांनी भरणा केलेला विमा हप्ता, पीकनिहाय विमा संरक्षित क्षेत्र आदी माहिती अद्याप कृषी विभागाकडे दिलेली नाही.

ही माहिती अद्याप गुलदस्तात असल्यामुळे ऐन वेळेवर भरपाई मिळेल की नाही, असा प्रश्‍न शेतकऱ्यांमधून उपस्थित केला जात आहेत.

परभणी : पंतप्रधान पीकविमा योजनेअंतर्गत यंदाच्या खरीप हंगामामध्ये मूग, उडीद या पिकांचे विमा संरक्षण घेतेलेल्या शेतकऱ्यांना नुकसानभरपाई अदा करण्यासाठी राज्य शासनाच्या हिश्‍शाची अनुदान रक्कम कंपन्यांना वितरित करण्यात आली; परंतु परभणी जिल्ह्यासाठी असलेल्या रिलायन्स जनरल इंन्शुरन्स कंपनीने पीकविमा योजनेत सहभागी झालेल्या शेतकऱ्यांची संख्या, त्यांनी भरणा केलेला विमा हप्ता, पीकनिहाय विमा संरक्षित क्षेत्र आदी माहिती अद्याप कृषी विभागाकडे दिलेली नाही.

ही माहिती अद्याप गुलदस्तात असल्यामुळे ऐन वेळेवर भरपाई मिळेल की नाही, असा प्रश्‍न शेतकऱ्यांमधून उपस्थित केला जात आहेत.

जिल्ह्यात यंदाच्या खरीप हंगामामध्ये जिल्ह्यातील मूग, उडीद, सोयाबीन, कापूस आदी पिकांच्या उत्पादनात मोठी घट आली आहे. पीक कापणी प्रयोगाची माहिती संबंधित विमा कंपन्यांना पाठविण्यात आलेली आहे. त्यानुसार विमा कंपन्यांमार्फत शेतकऱ्यांना वेळेवर नुकसानभरपाई देण्यासाठी राज्य शासनाच्या हिश्‍शाचे १ हजार १०१ कोटी ३९ लाख  ३३ हजार ८१८ रुपये अनुदान पाच विमा कंपन्यांना वितरित केले आहे.

यामध्ये भारतीय कृषी विमा कंपनीला ४०९ कोटी ९० लाख १९२ रुपये, नॅशनल इन्शुरन्स कंपनीला २४० कोटी ५८ लाख २३ हजार ५८२ रुपये, युनायटेड इंडिया जनरल इन्शुरन्स कंपनीला २३३ कोटी ४७ लाख ६० हजार ८२४ रुपये, रिलायन्स जनरल इन्शुरन्स कंपनीला १२६ कोटी ७० लाख ८९९ रुपये, ओरिएंटल जनरल इन्शुरन्स कंपनीला ९० कोटी ७२ लाख ९८ हजार ३२१ रुपये अनुदानाचा समावेश आहे.

यंदापासून आॅनलाइन पीकविमा प्रस्ताव भरणे अनिवार्य करण्यात आले होते. आॅनलाइन प्रस्ताव सादर करूनही असंख्य शेतकऱ्यांना विमा हप्ता भरल्याची पावती मिळालेली नाही. याबाबत शेतकऱ्यांनी तक्रारी करूनही विमा कंपनीने अद्याप पावती दिलेली नाही. अखेरच्या दिवशी साडेसहा हजार शेतकऱ्यांचे आॅफलाइन विमा स्वीकारण्यात आले होते; परंतु त्यांच्याकडून विमा हप्ता भरून घेतेलेला नाही.

विहित मुदतीत जिल्ह्यातील सुमारे साडेतीन लाख शेतकऱ्यांनी विमा प्रस्ताव सादर करून ३६ कोटी रुपये विमा हप्त्याचा भरणा केला, अशी अंदाजित आकडेवारी सांगण्यात आली आहे; परंतु नेमके पीकनिहाय विमा संरक्षित क्षेत्र, भरणा केलेला विमाहप्ता आदी अधिकृत माहिती मात्र अद्याप कृषी विभागाकडे सादर केलेली नाही. यंदा मूग, उडीद, सोयाबीन, कापूस या पिकांचे उत्पादन घटल्यामुळे शेतकऱ्यांना वेळेवर विमा परतावा मिळणे आवश्यक आहे. त्याअनुषंगाने विमा कंपनीला पीकविमा योजनेत सहभागी शेतकऱ्यांच्या संख्येसह पीकनिहाय संरक्षित क्षेत्राची माहिती तत्काळ उपलब्ध करून द्यावी लागणार आहे.

 

इतर ताज्या घडामोडी
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
गारपीटग्रस्त केळी बाग सुधारणेच्या...अवकाळी पाऊस व गारपिटीमुळे  केळी पिकाचे कमी-...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
ब्रॉयलर्स बाजार दहा रुपयांनी उसळला,...ब्रॉयलर्सचा बाजार अपेक्षेप्रमाणे जोरदार उसळी...
पुण्यात कलिंगड, खरबुजाच्या आवकेत वाढपुणे : गुलटेकडी येथील बाजार समितीमध्ये...
'मॅग्नेटिक महाराष्ट्र'चे आज उद्‌घाटनमुंबई : राज्याच्या औद्योगिक वाढीसाठी उपयुक्त ठरणा...
उत्तम निचऱ्याच्या जमिनीत पपई लागवड...पपई फळपिकाच्या लागवडीसाठी उत्तम निचऱ्याची जमीन...
जमिनीतील जिवाणूंच्या गुणसूत्रीय रचनांचा...जमीन ही पिकाचे उत्पादन घेण्यासाठी एकमेव परिपूर्ण...
तुटपुंजी मदत नको, शंभर टक्के भरपाई द्या...अकोला : गारपिटीने नुकसान झालेल्या...
ग्रामीण भागातील अतिक्रमित घरे नियमित...मुंबई : ग्रामीण महाराष्ट्रातील शासकीय जमिनींवरील...
राज्यातील २६ रेशीम खरेदी केंद्रे बंदसांगली ः कमी गुंतवणूक, खात्रीशीर व कायमची...
शिवनेरीवर उद्या शिवजन्मोत्सव सोहळापुणे : छत्रपती शिवाजी महाराज यांच्या जयंतीनिमित्त...
नगर जिल्ह्यात सव्वातीन हजार हेक्‍टरवर...नगर : नगर जिल्ह्यामध्ये महाबीजतर्फे गहू, ज्वारी,...
बदलत्या वातावरणाचा केळीला फटका जळगाव : हिवाळ्याच्या शेवटच्या कालावधीत विषम...
‘ग्रामस्थांचा विरोध असेल तर नाणार...मुंबई : कोकणातील नाणार रिफायनरी प्रकल्पाच्या...
आपले सरकारचे संगणकचालक सात...मुंबई : ग्रामविकास व माहिती तंत्रज्ञान...
जाहीर केलेला हप्ता द्या ः राजू शेट्टीकोल्हापूर : कोल्हापुरातील साखर कारखान्यांनी जाहीर...
औरंगाबाद येथे हमीभावाने शेतमाल...औरंगाबाद (प्रतिनिधी) : शेतीमालाची शासनानेच ठरवून...
सत्तर वर्षे होऊनही शेतकऱ्यांच्या...राळेगणसिद्धी, जि. नगर : देशाला स्वतंत्र...