अकोल्यात बोंडअळीग्रस्त कपाशीचे पंचनामे पूर्ण करण्याचे आव्हान

अकोला : या हंगामात बोंडअळीच्या प्रादुर्भावामुळे कापसाचे मोठे नुकसान झाले असून प्रशासनाकडून या पिकाचे पंचनामे केले जात अाहेत. अातापर्यंत सुमारे ५५ टक्क्यांवर काम पूर्ण झाले. उर्वरित क्षेत्राचे पंचनामे दोन दिवसांत म्हणजेच आजपर्यंत (बुधवारी, ता. २०) पूर्ण करण्याबाबत जिल्हाधिकाऱ्यांनी निर्देश दिले अाहेत. जिल्हाधिकारी आस्तिककुमार पाण्डेय यांनी जिल्ह्यातील सर्व उपविभागीय अधिकारी व तहसीलदारांची बैठक घेत याबाबत सूचना केली अाहे. मात्र अद्याप ४५ टक्के क्षेत्राचे पंचनामे व्हायचे शिल्लक असून ते दोन दिवसांत पूर्ण करण्याचे आव्हानच आहे, अशी चर्चा यंत्रणांमध्ये सुरू झाली अाहे.